Mitengo 14:14 - Bhibhiliya Nya Guage

¹⁴ Aholu va embede gambe vathu va tigoni momu. Avo va pwide gupwani Uwe Pfhumu Nungungulu u womo vbakari ga vathu vava, ni gu uwe u ngu va yeyedza khovbe yago, ni gupwani lipfhi lago la gu khala vbatshani gwawe, vbamihanitunu wa gu thanga mbeli gwawe khu lipfhi, vbawutshigutunu gambe u womo vbakari gwawe khu nilo.

Mitengo 14:14 Iomraidhean Croise

Genesi 32:30

Jakobe a di rana wulanga wule khuye Penuweli, kholu a di khuye: “Nyi wonide Nungungulu khovbe ni khovbe, aholu nyi ngu simama nyi vbanya.”

Nehemiya 9:12

Vbamihanitunu, uwe U di va thangela, khu mwedzi nya lipfhi, vbawutshigutunu U va thangela khu mwenge nya nilo, gasi gu wenengedza ndzila va yelago gugimbila khiyo.

Nehemiya 9:19

Ambari khu guralo, Uwe khu kota nya wuhindzi nya wungi ngudzu, khwa va diga giwulani. Lipfhi li di va thangela gasi gu va gimbidzisa mihani yatshavbo ndzilani gwawe, vbawutshigutunu va di thangedwa khu mwenge gasi gu wenengedza ndzila va yelago gu gimbila khiyo.

Dzindzimo 105:39

Mihani a di ladza lipfhi gasi gu va fenengedza, a vasa nilo gasi gu va wenengedza wutshigu.

Dzindzimo 78:14

Gikhati nya mihani a di va gimbidzisa khu lipfhi; wutshiguwule a di va gimbidzisa khu nilo.

Ekisodha 15:14

Mayigo ma dipwa esi, ma gu ndrendremela; vathu va Filisitiya va di tala khu hwanga;

Ekisodha 33:11

Pfhumu Nungungulu a di gu ganela ni Mosi khovbe ni khovbe gukhwatshi khu muthu a gu bani a gu ganela ni pari yaye. Hwane nya ugo, Mosi a di khuga a gu bwelela lizumboni; aholu Josuwa, mwamana wa Nuni, lidzaha li nga bani li mu phasedzela mithumoni, a di si dugi Tshatshani.

Ekisodha 33:16

Gu na tisega kharini gupwani eni ni vathu vago hi manide wuhigo mahoni gwago? Khandri khu gu na wu gimbila ni ethu, gani? Khiyo basi ndzila yi dzi kodzago gu wonegisa gupwani eni ni vathu vago hi hambanide ni vathu vatshavbo va mafuni.”

Ekisodha 40:38

Kholu mihani yile lipfhi la Pfhumu Nungungulu li di fenengedza Wulanga nya Guage, wutshiguwule nilo wu di wenengedza khavbo nya lipfhi, vbakari nya ndranga yatshavbo ya na Israyeli, lendroni gwawe gwatshavbo.

Mitengo 10:34

Vbamihanitunu lipfhi la Pfhumu Nungungulu li diri vbatshani gwawe, gukhugani gwawe khu lizumboni.

Mitengo 12:8

Uye nya gu ganela naye likana khu likana, khovbe ni khovbe, nasiri khu sipimaniso; kholu uye a ngu wona mufananiso wa Pfhumu Nungungulu. Olu, khu ginani mu ngamba thava gu lemba githumi gyangu Mosi, na?”

Johane 1:18

Mwalo muthu a wonidego Nungungulu. Mwanaye wa moyo a gu Nungungulu, a guromo monyoni ga Babe, khuye a nga hi tulela gu muti.

Johane 14:9

Jesu a di khuye: “Gale na nyiri nanu, gasi ni olu u si gu nyiti, Filipi? Uye a nyi wonago, a ngu wona Babe. Khu ginani u gukhuwe: ‘Hi yeyedze Babe?’

1 Vakorinto 13:12

Olu ha gu wona kha nga vbalibonatunu nya gupfhurele; gi na vboha gikhati hi na wonago satshavbo khovbe ni khovbe. Olu guti gwangu gu ngu kenelela, aholu, khu gikhati gyakone nyi nati satshavbo kha nga edzi nyi tidwago khidzo.

Dhewuteronome 1:19

Khavbo avbo, hi di khuga khu Horebhi hi gimbila khu giwula gile nya gikhongolo nya guthise mu gi wonidego, khu ndzila nya sigomo sa Vaamori kha nga idzo Pfhumu Nungungulu wathu, a hi leletedego khidzo; kala hi vboha Kadhesi-Bharineya.

Dhewuteronome 34:10

Tigoni gwa Israyeli gima kha ga nga dugelela gambe mumbe muprofeti nya gufanane ni Mosi oyu a nga wonanago ni Nungungulu khovbe ni khovbe,

Dhewuteronome 5:24

mu ta ganela, khenu: Wonani nya gukhenu Pfhumu Nungungulu wathu, a hi nonedzide wudhumo ni wugulu waye, ni gupwa lito laye khu vbakari nya nilo; muhuno hi wonide nya gukhethu Nungungulu a ngu ganela ni muthu, muthu a simama a vbanya.

Dhewuteronome 5:4

Pfhumu Nungungulu ganede ni ethu khovbe ni khovbe nari gigomoni, khu vbakari nya nilo.

Josuwa 5:1

Gikhati vafumeli vatshavbo va Vaamori, va nga bani va vbanyela Pfoladambo nya tsongo wa Joridhani ni vafumeli vatshavbo nya Vakhanani, va nga bani va vbanya khu wubambe nya yiphwa, va nga pwago gupwani Pfhumu Nungungulu bangiside mati nya tsongo wa Joridhani mbeli ga va na Israyeli, kala va tshatuga, va di vbela tshivba, va pilega longo khu kotani ya va na Israyeli.

1 Johane 3:2

Sigodwa sangu, ethu olu hi sanana sa Nungungulu, aholu, hi si gu dziti gukhethu hi na bani hiri ginani. Ethu ha guti esi nya gukhethu, gikhati Kristo a na dzi wonegisago, hi na fanana naye, kholu hi na mu wona wurumba waye, nga edzi a guromo khidzo.