Mitengo 13:27 - Bhibhiliya Nya Guage

²⁷ Va di ta embeledzela Mosi, va ganela, khavo: “Hi hongode ga litigo eli u hi rumedego; khu lisine litigo li gogago mahwe ni wulombe, mihandro yakone kheyi.

Mitengo 13:27 Iomraidhean Croise

Nehemiya 9:25

Va di phanga madhoropa ma bhiyidwego, ni wulime nya gunone; ni gu wandra dzinyumba dzi tadego khu sombo nya lisima, ni milambo nya gukembwe nya mati, ni marembwe nya vhinya ni miolivha, ni misimbo nya yingi nya mihandro; va di hodza kala va khura, va nona, va tsaka khu kotani nya wuwadi wago nya wukhongolo.

Ekisodha 13:5

Avbo Pfhumu Nungungulu a na gu mi bedzago tigoni ga Vakhanani, ga Vahiti, ga Vaamori, ga Vahevhi ni ga Vajebhusi, litigo lile a sambanyidego ga vababe vago gukhuye a na gu ninga, litigo li gogago mahwe ni wulombe, u na ya gira phaselo yoyu khu ngima yoyu.

Ekisodha 3:17

Khu guralo, Eni nyi ganede, kheni: Nyi na mi dusani khu wugumbini wa tigoni ga Egipito, nyi mi yisani tigoni ga Vakhanani, ga Vahiti, ga Vaamori, ga Vaferezi, ga Vahevhi ni Vajebhuzi, tigoni gu gogago mahwe ni wulombe.

Ekisodha 3:8

Khu guralo, nyi tshigide gasi guta va tshudzisa mandzani ga Vagipiti, nyi va dusa tigoni momo, nyi va yisa tigoni nya gunone, nya guaname, tigoni gu gogago mahwe ni wulombe, litigo va vbanyago umo Vakhanani, Vahiti, Vaamori, Vaferezi, Vahevhi ni Vajebhuzi.

Ekisodha 33:3

Indra ga litigo lolo li gogago mahwe ni wulombe. Aholu, eni kha nyi na hongola nanu kholu mu vathu nya gubange mihungo, nyi nga beledwa khu monyo nya gu mi mbembise ndzilani.”

Jeremiya 11:5

khu guralo, nyi na tiyisa gifungo gyangu nyi tumbisidego vababe vanu gu va ninga litigo li gogago mahwe ni wulombe, kha nga mu si wonago muhuno.” Gasi eni nyi di hakha, kheni: “Amen! Si na girege uwe Pfhumu Nungungulu.”

Jeremiya 32:22

Uwe u va ningide litigo leli khu gitumbiso ni gisambanyo u giridego ni vababe vawe; litigo li gogago mahwe ni wulombe.

Ezekiyeli 20:15

Ambari khu guralo, na vari giwulani, nyi khusedzide mandza nyi sambanya gambe gukheni, kha nyi na nga va yisa ga litigo nyi va ningidego, litigo li gogago mahwe ni wulombe, li mburidego guvbindra mayigo yatshavbo,

Ezekiyeli 20:6

Ga litshigu lile nyi sambanyide gwawe gukheni nyi na va dusa tigoni ga Egipito, nyi va yisa ga litigo nyi va hathedego, litigo li gogago mahwe ni wulombe, li mburidego guvbindra mayigo yatshavbo.

Levhi 20:24

Eni nyi mi embedeni gukheni: Mu naya fumela litigo lawe, nyi na gu mi ningago li khala thomba yanu; litigo li gogago mahwe ni wulombe. Kheni Pfhumu Nungungulu wanu nyi mi hathidego vbakari nya mambe mayigo.

Mitengo 14:7

va gu ganela ga tshangano watshavbo wa na Israyeli, khavo: “Litigo hi nga li tsemakanya hi li holelela, litigo nya ladi ngudzu.

Mitengo 14:8

Nari gukhwatshi gugola ga Pfhumu Nungungulu gu na ni ethu, a hi vbohisa ga litigo lolo, a hi ninga li khala lathu, litigo nya ladi li gogago mahwe ni wulombe!

Mitengo 16:13

Ina sidugwana olu, u hi dusidego khu ga litigo li gogago mahwe ni wulombe gasi hi tafa mugiwulani momu, gani? Olu u nga gu vbweta gambe gu hi khozisa, gani?

Mitengo 16:14

Khwa hi dusa u hi yisa ga litigo li gogago mahwe ni wulombe ambari gu hi ninga thomba nya marembwe nya sivhina gasi si khale sathu; gasi olu wa gu vbweta gu thela kudzudzwane mahoni nya vathu vava, gani? Kha hi hongoli!”

Dhewuteronome 11:9

gasi mu engedzedwa matshigu nya guvbanye ga litigo eli Pfhumu Nungungulu, a tumbisidego khu gusambanya gu ninga vababe vanu ni ga livelego lawe, litigo li gogago mahwe ni wulombe.

Dhewuteronome 26:9

A di hi resa ga wulanga wowu, ni gu hi ninga litigo leli, litigo li gogago mahwe ni wulombe.”

Dhewuteronome 27:3

Hwane nya gu bani mu tshatugide, nu gu bela ga litigo nya ladi mu ningwago khu Pfhumu Nungungulu wanu, litigo li gogago mahwe ni wulombe, kha nga idzo Pfhumu Nungungulu wago a mi tumbisidego khidzo, mu naya lova vbatshani nya siwindri yatshavbo magana nya nayo yoyu.

Dhewuteronome 31:20

Gikhati nyi na va bedzago ga litigo eli nyi li sambanyedego ga vababe vawe, litigo li gogago mahwe ni wulombe, mu na ya hodza mu khura, gambe mu naya ena. Aholu va na phela guya khozela vambe vanungungulu, va nyenya Eni, va hambanisa gidzumeledzwano gyangu.

Dhewuteronome 6:3

Yingisa, olu, uwe Israyeli, dzi vegisele gu si landrisa, gasi sigiro sago si gu dugele gwadi, u velegelana ngudzu tigoni gu gogago mahwe ni wulombe, kha nga a gu embedego Pfhumu Nungungulu wa vababe vago.

Josuwa 5:6

Va na Israyeli va gimbide giwulani gipimo nya magumana myaga, va vbela kharati vama vatshavbo nya nyimbi va dugidego khu Egipito; avo kha va nga yingisa lito la Pfhumu Nungungulu, kholu a di sambanyide gukhuye gima kha na va diga va wona litigo lile a sambanyidego gu ninga vababe vawe litigo li gogago mahwe ni wulombe.