Mitengo 13:22 - Bhibhiliya Nya Guage

²² Va di gwela khu Negebhi va vboha Hebroni, avbo va nga bani va romo Ayimani, Sesayi ni Talimayi, livelego la Anaki. Lidhoropa la Hebroni khilo li nga phela gu vbahwa, livbandre na mivili myaga na li si gu vbahwi la Sowani ga Egipito.

Mitengo 13:22 Iomraidhean Croise

Genesi 13:18

Abrama a di sigulela mitshatsha yaye a gu hongola aya vbanya misimboni nya yikhongolo ya Mambre, tigoni gwa Hebroni. A di vbaha avbo giluvelo, a gira phaso nya mhamba ga Pfhumu Nungungulu.

Genesi 23:2

Fude nari tigoni ga Kiriyati-Araba, muhuno gu ranwago pwani Hebroni, tigoni ga Khanani. Abrahama a di gira gililo nya gulile Sara.

2 Samuweli 2:1

Khu hwane nya esi, Dhavhidhe a di wudzisa ga Pfhumu Nungungulu, khuye: “Ina nyi na gwela ga lidhoropa nya gukari la Judha, gani?” Pfhumu Nungungulu a di mu hakha, khuye: “Indra.” Dhavhidhe, khuye: “Nyiya hayi?” A di phindrudwa gupwani: “Hebroni.”

2 Samuweli 2:11

Matshigu Dhavhidhe a fumidego, a nga fumago linyumba la Judha dhoropani ga Hebroni, ma diri livbandre na mivili myaga ni livbandre na moyo migima.

2 Samuweli 21:16

Isibhi-Benobi, moyo nya vadandrangulu, uye gulemela nya litshari laye li nga bani liri ni pimo nya dzikilu dzitharu dzisikulu nya sugu, na hungide giwununi litshari nya liphya, a di zama gu songa Dhavhidhe.

Dzindzimo 78:12

Giride siliwugiso na gu wonwa khu vababe vawe, panini ga Zowani, tigoni ga Egipito.

Dzindzimo 78:43

va divaledwa khu sigiro a giridego tigoni ga Egipito ni siliwugiso, a giridego panini ga Zowa;

Isaya 19:11

Vathangeli va Zowani va vbungugide mapimo; ni madhota nya gugengele ma ningago wusingalagadzi Faro, va gu mu ninga wusingalagadzi nya wuphuguphugu; gu na phasa ginani gu embelani Faro, khenu: “Nyi gyanana gya vagengeli, gitugulwana gya vafumeli va gale?”

Isaya 19:13

Vathangeli va Zowa va vbungugide mapimo, vathangeli nya lidhoropa la Menifisi va kanganyisidwe; va pengiside Egipito a bela gughohani, avo gu vathangeli nya dzinyumba dzawe.

Isaya 30:4

Ambari vathangeli vanu va na Judha, olu na va vbohide Zowani, ni sirumwa sawe na si vbohide Hanisi,

Mitengo 13:17

Mosi a di va rumela gu ya sola litigo la Khanani, a va embela, khuye: “Gwelani khu phuvbo ga Negebhi mu hongola kala sigomotunu.

Mitengo 13:28

Aholu, vathu va vbanyago tigoni momo va na ni tshivba ngudzu, va na ni madhoropa nya makhongolo ngudzu ma bhiyidwego, iyoyo hi wonide gambe situgulwana sa Anaki.

Mitengo 13:33

Gambe iyoyo hi wonide sidandrangulu nya sanana sa Anaki, nya lifumbu nya vadandrangulu; guwonani gwathu, hi di fanana ni dzimbera mbeli gwawe, avo navo va di hi fananisa ni dzimbera.”

Dhewuteronome 9:2

Vathu vaye nya gulaphe nya sidandrangulu, sanana sa Anaki, avo u vatigo gambe u pwidego na gu ganedwa, khavo pwani: Khu mani a va tiyelago va na Anaki?

Josuwa 10:36

Khu hwane nya isoso, Josuwa gumogo ni vatshavbo va na Israyeli, va di khuga khu Egilomi vaya dhumela lidhoropa la Hebroni.

Josuwa 21:13

Sanana sa muphasi nya mhamba Aroni, va di ningwa Hebroni ni mayigwana yaye, lidhoropa nya wuthavelo la vale va songago vathu gumogo ni Libhina ni mayigwana yaye;

Valamuli 1:10

Khavbovbo, Judha a di hongola aya dwana ni Vakhanani va nga bani va vbanyela dhoropani ga Hebroni, khu gale gu nga bani gu ranwa pwani Kiriyati-Aribha, a pala Sesayi, Ayimani ni Talimayi.

1 Samuweli 30:31

Ga va Hebroni ni ga malanga yatshavbo a vbindridego khumo Dhavhidhe, ni vathu vaye.