Mitengo 11:20 - Bhibhiliya Nya Guage

²⁰ aholu mu na yi hodza ngima rumba, kala mu kodwa khiyo yi duga khu dzithonvuni, kholu enu mu yeyiside Pfhumu Nungungulu, Uye a guromo vbakari gwanu, gambe mu lide mbeli gwaye na mu gukhenu: Khu ginani hi dugidego khu tigoni ga Egipito?”

Mitengo 11:20 Iomraidhean Croise

2 Samuweli 12:10

Khu guralo, litshari gima kha li na nga duga nyumbani gwago, kholu u nyi yeyiside, u dzega ngadza Uriya, nya Muhiti, a khala mwangadzi wago.

Dzindzimo 106:15

Nungungulu a di va ninga esi va nga lomba, aholu a di va tsayisa khu ngumbe nya gusonge.

Ekisodha 16:13

Gupfolani nya lidambo, gu di duga sikenya nya singi, si ta fenengedza talala watshavbo. Vbadzimindrutunu gu di manega mumya bambe nya talala.

Ekisodha 16:3

Sanana sa Israyeli si di ganela, khiso: “Adiri tshukwana nari pwani hi di fede mandzani ga Pfhumu Nungungulu tigoni ga Egipito, iyo hi nga bani hi tshelega mabhota nya nyama, hi khala hi hodza wusa hi khura. Aholu enu mu hi dusideni mu hi resa giwulani momu, mu di fela gu ta songa khu ndzala rengo watshavbo wowu nya vathu!”

Ekisodha 16:8

Mosi a di ganela gambe, khuye: “Pfhumu Nungungulu gupfolani nya lidambo a na mi ningani nyama mu hodza, dzimindrudzile, a na mi ningani guhodza mu hodza mu khura, kholu Pfhumu Nungungulu pwide gu mu bhongela gwanu. Gasi khethu vamani ethu? Enu khandri mwa gu wugela ethu; khu Pfhumu Nungungulu mu Mu wugelago.”

Mavingu 27:7

Uye a khuridego, a ngu nyenya ambari ni wulombe, aholu uye a gu ni ndzala ambari nya guvave, satshavbo gutshamba.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Mitengo 11:13

Nyi na yi mana hayi eni nyama nya guninge vathu vatshavbo vava? Kholu va ngu lila gwangu, va ganela, khavo: Hi ninge nyama hi hodze.

Mitengo 11:19

Kha mu na hodzani litshigu limwedo basi, matshigu mavili, livbandre matshigu, likhumi matshigu ambari magumavili matshigu;

Mitengo 11:21

Mosi a di hakha, khuye: “Tengo nya vathu vava va guromo mbeli gwangu livbandre na limwedo magumi magumi mazana (600.000). Gasi Uwe U ngu ganela khuwe U na va ninga nyama va na hodzago ngima rumba.

Mitengo 14:3

Khu ginani Pfhumu Nungungulu a hi residego tigoni momu gasi hi fela guta songwa khu matshari, vagadzi vathu ni sanana sathu va na modwa va tshaniswa; khandri di gwadi hi bwelela tigoni ga Egipito, gani?”

Mitengo 14:4

Muthu ni muthu a di embela ndriyaye, khuye: “Hongoleni hi hathe muthangeli, hi bwelela tigoni ga Egipito!”

Mitengo 16:13

Ina sidugwana olu, u hi dusidego khu ga litigo li gogago mahwe ni wulombe gasi hi tafa mugiwulani momu, gani? Olu u nga gu vbweta gambe gu hi khozisa, gani?

Mitengo 20:4

Khu ginani u residego tshangano wa Pfhumu Nungungulu giwulani momu, gasi hi tafa umo, ethu ni sifuyo sathu?

Mitengo 21:5

Vathu va di wugela Nungungulu gumogo ni Mosi, khavo: “U hi dusede ginani khu Egipito, gasi hi ta fela giwulani momu? Omu gu mwalo guhodza mwendro mati, olu hi garade khu guhodza gogu nyamba khurisa.”

Mithumo 13:41

Wonani, enu vayeyisi; liwugani mu mwalalega! Khaguva nyi na wusa matshiguni yanu thumo moyo nya gu, mwa sa khodwa, nari pwani mu diya khu gu embedwa.”

1 Vatesalonika 4:8

Khu guralo, oyu a si yingeligo milayo yeyi, khandri a gu yeyisa muthu, aholu, a gu yeyisa Nungungulu, a mu ningago Liphuvbo nya Guage.

Josuwa 24:27

Josuwa a di embela vathu vatshavbo, khuye: Wonani nya gukhenu giwindri gegi gi na hi girela wufakazi, kholu gi pwide magana yatshavbo Pfhumu Nungungulu a hi embedego; khu guralo, gi na khala fakazi vbakari gwanu ni ga vambe, gasi mu si lipheli Nungungulu wanu.

1 Samuweli 10:19

Khu guralo, enu muhuno mu kanyiside Nungungulu wanu, a mi vbulugisidego guvivbani gwanu ni mithumoni yanu yatshavbo, mu mu embela, khenu: Hi emisele mufumeli. Khu guralo, tshanganani mbeli ga Pfhumu Nungungulu khu mahundzu yanu, khu sikwata sanu nya likhumi mazana (1.000).”

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.