Mitengo 11:17 - Bhibhiliya Nya Guage

¹⁷ Khavbo avbo, nyi na relela vbale nyi ta ganela nago, nyi na vbungula Liphuvbo li guromo gwago, nyi li thela gwawe, avo navo va na rwala gumogo nago, rwalo nya vathu, gasi u si lemedwi khuwo wenga.

Mitengo 11:17 Iomraidhean Croise

Genesi 11:5

Pfhumu Nungungulu a di tshiga gasi guta wona lidhoropa ni langwe va nga bani va guvbaha vathu.

Genesi 17:22

Na vbedzide gu ganela, Nungungulu a di khuga a tshiya Abrahama.

Genesi 17:3

Abrama a di noga, a tsitsa khovbe vbavbatshi, Nungungulu a mu embela, khuye:

Genesi 18:33

Pfhumu Nungungulu na vbedzide gu ganela ni Abrahama, a di hongola. Abrahama a di bwelela wulanga waye.

2 Dzipfhumu 2:15

Vapizane va vaprofeti va nga bani va khade thonono ni Jeriko, na va mu wone, va di khavo: “Liphuvbo la Eliya li mbakide vbatshani ga Elizewu.” Va di mu khinga va ya mu khidzimela va thega khu dzikhovbe mbeli gwaye.

2 Dzipfhumu 2:9

Hwane nya gu bani va tshatugide, Eliya a di embela Elizewu, khuye: “Nyi lombe igyo u gi vbwetago, gasi nyi gu girela olu na nyi si gu duswi avbo gwago.” Elizewu a di mu embela, khuye: “Nya gu vbweta gukheni nyi mana giningwa nya liphuvbo lago gi wuyedzedwago khu guvili.”

Nehemiya 9:20

U va ningide liphuvbo lago nya ladi gasi li va hevbudza, gima khwa va himbedzela gu hodza manaha yago, ni gu va ninga mati nya gutshime lidora.

Ekisodha 18:18

Kholu u na garala uwe, ni vathu vava u gu navo va na garala navo, kholu thumo wowu wu lemede ngudzu gu wu rwala uwe wenga.

Ekisodha 18:22

Avo va na lamula vathu vava gikhati gyatshavbo. Mahungu yale nya makhongolo, va na ma tisa avbo gwago, aholu aya mambe yatshavbo nya madugwana va na ma vbedza avo, kharati u na vbungula rwalo wago, avo va na hengela nago gu wu rwala.

Ekisodha 19:11

Va na khale na va dzi dongisede litshigu nya wuraru, kholu khu litshigu nya wuraru, Pfhumu Nungungulu a na tshiga na gu wonwa khu vathu vatshavbo vbatshani nya gigomo gya Sinayi.

Ekisodha 19:20

Pfhumu Nungungulu a di tshiga vbatshani nya gigomo gya Sinayi, Pfhumu Nungungulu a di rana khu tshokatunu nya gigomo, Mosi a di lita.

Ekisodha 34:5

Pfhumu Nungungulu a di tshiga nari lipfhini, a di khala vbafuvbi gwaye, a gu pwadza lina la Pfhumu Nungungulu.

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 63:11

Avbo va nga dundrugago matshigu ya gale, ya Mosi, ni ya vathu vaye, va di ganela, khavo: Womo hayi wule a nga hi vbindrisa khu vbakari nya yiphwa ni vahavisi nya tshambi waye? Womo hayi wule a nga thelago vbakari gwawe Liphuvbo laye nya Guage,

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Mitengo 11:25

Khavbo avbo, Pfhumu Nungungulu a di tshiga vbalipfhitunu, a ta ganela ni Mosi; khu guralo a di vbungula Liphuvbo li nga bani liri avbo gwaye, a li thela ga vale nya livbandre na mavili magumi madhota; Gikhati Liphuvbo nya Guage li nga mbakago gwawe, avo va di profeta, aholu kha va nga engedza gambe gu profeta hwane nya litshigu lile.

Mitengo 12:5

Khavbo avbo, Pfhumu Nungungulu a di tshiga khu vbalipfhitunu a ta khala khu vbamwanya nya Tshatsha. Khu hwane a di rana Aroni ni Miriyamu, avo va di duga khu wuvili wawe.

Mitengo 12:8

Uye nya gu ganela naye likana khu likana, khovbe ni khovbe, nasiri khu sipimaniso; kholu uye a ngu wona mufananiso wa Pfhumu Nungungulu. Olu, khu ginani mu ngamba thava gu lemba githumi gyangu Mosi, na?”

Mitengo 27:18

Pfhumu Nungungulu a di hakha Mosi, khuye: “Rana Josuwa, mwamana wa Nuni, a hidzimela avbo gwago, mwama a gu ni Liphuvbo, u ta mu handzega mandza.

Mitengo 7:89

Avbo Mosi a nga bani a gu bela Tshatshani nya Tshangano gasi gu ganela ni Pfhumu Nungungulu, a dipwa Pfhumu Nungungulu na gu ganela naye, lito laye na li gu duga khu vbatshani nya Ngasa nya Gidzumeledzwano, khu vbakari nya dzikerubhimi dzimbili. Uye nuye a di ganela naye.

Johane 3:13

Mwalo a litidego Ndzadzini, vbavbandze ga wule a nga tshigago khu Ndzadzini, a gu Mwamana wa Muthu.

Johane 7:39

Jesu a di gu thula Liphuvbo, lile li nga bani li vbweta guhakhwa khu vale va khodwago gwaye; Liphuvbo li di si gu tshigi, kholu Jesu a disi gukhusedzwi wudhumoni gwaye.

Varoma 8:9

Gasi enu, mwa gu bani muri ni Liphuvbo la Nungungulu khu lisine, kha mu nga gu fumwa gambe khu gudogorela nya tumbunugo nya wuthu, aholu mwa gu fumwa khu Liphuvbo nya Guage. Muthu a gu mwalo Liphuvbo la Kristo, khandri wa Kristo.

1 Vakorinto 2:12

Ethu kha ha hakha liphuvbo la mafuni momu, aholu hi hakhide Liphuvbo li tago khu ga Nungungulu. Khavbo avbo, ethu hi ngu dzi kodza guti wuhigo watshavbo hi ningidwego khu Nungungulu.

1 Vatesalonika 4:8

Khu guralo, oyu a si yingeligo milayo yeyi, khandri a gu yeyisa muthu, aholu, a gu yeyisa Nungungulu, a mu ningago Liphuvbo nya Guage.

1 Pedro 1:22

Olu enu mu agisidwego khu gu yingela lisine; olu mu gu ni lihaladzo nyamba pfhadzedzela ga vandriyanu khu gukhodwa, haladzanani khu gyanu khu myonyo yanu yatshavbo.

Judha 1:19

Khavo avo va girisago mihambano kholu va fumedwe khu gudogorela nya iso nya guvivbe nya nyama, va si fumwigo khu Liphuvbo.

1 Samuweli 10:6

Uwe u na tala khu liphuvbo la Pfhumu Nungungulu, u na profeta gumogo navo, uwe u na vbindrugedzwa u khala mumbe muthu.