Mitengo 10:33 - Bhibhiliya Nya Guage

³³ Khu guralo, va di khuga khu gigomoni gya Pfhumu Nungungulu, va dzega pfhuka nya matshigu mararu; Ngasa nya Gidzumeledzwano gya Pfhumu Nungungulu, yi di thanga mbeli gwawe, pfhuka nya matshigu mararu gasi gu vbweta wulanga nya guhefemule avbo.

Mitengo 10:33 Iomraidhean Croise

Dzindzimo 95:11

Nyi di goroga kala nyi sambanya, kheni: “Kha va na nga bela guhefemulani gwangu.”

Ekisodha 19:3

Mosi a di lita kala vbafuvbi ni Nungungulu. Khu mugigomoni Pfhumu Nungungulu a di mu rana, a mu embela, khuye: “U na ganela esi ga nyumba ya Jakobe, u tivisa esi ga sanana sa Israyeli, khuwe:

Ekisodha 3:1

Mosi a di gu havisa dzinvuta dza sade waye Jetro, muphasi nya mhamba wa Medhiyani. Tshigu mwedo a di ghula dzinvuta a guya hwindzo ngudzu, mugiwulani kala a vboha gigomoni ga Horebhi; gigomo gya Nungungulu.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 28:12

avbo a nga va embela, khuye: “Owu wulanga nya guhefemule, digani a hefemula uye a garadego; owu wulanga nya gupepemele”; aholu avo kha va dzina gu yingisa.

Isaya 66:1

Pfhumu Nungungulu a ngu ganela kharati, khuye: Ndzadzini gikhalo gyangu nya wufumu, ni mafuni gigandredzelo nya migondro yangu. Gasi lifumbu muni nya nyumba mu hadzago gu nyi vbahela, ni gasi wulanga muni nyi yelago gu hefemula avbo, na?

Jeremiya 3:16

Pfhumu Nungungulu a ngu ganela, khuye: Mwa gu velegelana mu andra mu tadza litigo, khu matshigu yoyo, vathu kha va na nga ganela gambe khu Ngasa nya Gidzumeledzwano gya Pfhumu Nungungulu! Ambari gu yi dilela mwendro gu yi alakanya; kha va na khathala gambe khiyo mwendro gu gira yimbe.

Jeremiya 31:2

Pfhumu Nungungulu a ngu ganela kharati, khuye: Vathu va vbulugidego gu songwa khu matshari va manide wuhigo giwulani. Eni nyi naya ninga guhefemula Israyeli.

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Ezekiyeli 20:6

Ga litshigu lile nyi sambanyide gwawe gukheni nyi na va dusa tigoni ga Egipito, nyi va yisa ga litigo nyi va hathedego, litigo li gogago mahwe ni wulombe, li mburidego guvbindra mayigo yatshavbo.

Mitengo 10:12

Va na Israyeli va di khuga va phara ndzila va hongola, va diga giwula gya Sinayi. Lipfhi li diya ema giwulani ga Parani.

Dhewuteronome 1:33

a thangidego mbeli gwanu ndzilani gwatshavbo, gasi gu mu vbwetela wulanga mu yelago gu ghova avbo; vbawutshigutunu, a di mu thangela khu nilo, gasi gu mi yeyedza ndzila mu yelago gu gimbila khiyo, aholu vbamihanitunu a di mi thangela khu lipfhi.

Dhewuteronome 31:26

“Dzegani Libhuku leli nya Nayo, mu li vega khu wubambe nya Ngasa nya Gidzumeledzwano gya Pfhumu Nungungulu wanu, gasi li khala vbale kha nga fakazi yanu.

Dhewuteronome 9:9

Na nyi gu lita gigomoni gasi guya hakha sileti nya giwindri, sileti nya gidzumeledzwano Pfhumu Nungungulu a giridego nanu, nyi khade gigomoni magumana matshigu, wutshigu ni mihani; nyamba hodza gilo, ni gumba sela mati.

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.

Josuwa 4:7

mu na si hakhani, khenu: Avbo Ngasa nya Gidzumeledzwano gya Pfhumu Nungungulu yi nga tshatugago tsongo wa Joridhani, mati yaye ma di kabanega khu vbakari Ngasa ya Pfhumu Nungungulu yi tshatuga. Siwindri sesi si na khala gialakanyiso kala gupindruga ga va na Israyeli.”

Valamuli 20:27

Va na Israyeli va di wudzisa ga Pfhumu Nungungulu, kholu khu ga gikhati gyogyo ngasa nya gidzumeledzwano ya Nungungulu yi di gu khala Bheteli,

1 Samuweli 4:3

Avbo va widego lizumbotunu vale va nga tshalago, madhota ya Israyeli ma di ganela, khayo: “Khu ginani Pfhumu Nungungulu a hi digidego muhuno hi padwa khu Vafilisitiya? Hongoleni Silo hi ya dzega Ngasa nya gidzumeledzwano gya Pfhumu Nungungulu, gasi Uye a manege vbakari gwathu, a hi vbulugisa mandzani ga valala vathu.”