Mitengo 10:1 - Bhibhiliya Nya Guage

¹ Pfhumu Nungungulu a di engedza a ganela ga Mosi, khuye:

Mitengo 10:1 Iomraidhean Croise

Genesi 42:13

Avo va di hakha, khavo: “Ethu sithumi sago hi diri likhumi na vavili vandruye sanana sa babe moyo, hi vbanyago tigoni ga Khanani, Oyu nya nandra ga vatshavbo olu a tshade ni babe wathu, gasi oyu mumbe mwalo gambe.”

Genesi 46:15

Esi khu sanana sa Liya a velegedego Jakobe tigoni ga Padhani-Arani, gu diga Dhina, gyanana gyaye nya nyamahegyane. Tengo watshavbo nya sanana saye nya vama ni vanyamayi wu di tshanganisa magumararu na vararu vathu.

2 Samuweli 6:15

Khu guralo, Dhavhidhe ni vatshavbo va na Israyeli, va di gwedzisa Ngasa ya Pfhumu Nungungulu, na va gu kulungela ni gu womba mipundru.

2 Dzipfhumu 11:14

A di khedza a wona mufumeli nari vbafuvbi ni lidingo kha nga giolovedzo, vathangeli ni vawombi nya mipundru va diri ni mufumeli, vathu vatshavbo va tigoni va di tsakide va womba mipundru; khavbo avbo, Ataliya a di pferula dzingandzu dzaye, a womba huwa, khuye: “Wuwugeli! Wuwugeli!”

2 Dzikoronika 23:13

A wona mufumeli na khade vbawulangatunu gwaye, vbafuvbi ni lidingo la vbamwanyatunu, vathangeli ni avo va nga bani na va gu womba mipundru, va diri khu wubambe ga mufumeli; gasi vathu vatshavbo va tigoni va di gu dzi tsakela ni gu womba mipundru. Vaembeleli navo na va pharide siwombawomba nya wutsendze, va di gu embelela dzindzimo nya gurungudze. Khavbo avbo, Ataliya a di pferula dzingandzu dzaye a laledza, khuye: “Valogovedzi! Valogovedzi!”

2 Dzikoronika 5:12

ni vaembeleli vatshavbo va na Levhi, a gu uye Asafe, Hemani, Jedhutumi, sanana ni vandriyawe, na va ambade dzingandzu nya seda, va di emide vbagiluvelotunu khu phuvbo ga Khugadambo na va gu embelela, na va pharide siphaphato nya dzisimbi, dzingoma, sitendre ni dzimbila, gumogo navo, gu diromo lizana ni magumavili (120) vaphasi nya mhamba, na va gu womba mipundru.

2 Dzikoronika 7:6

Vaphasi nya mhamba va di phela gu gira thumo wawe gumogo ni va na Levhi, na va pharide dzingoma nya wutsendze nya guwombele Pfhumu Nungungulu, edzi mufumeli Dhavhidhe a nga bani a va rumide gu gira gasi gudhumisa khidzo Pfhumu, kholu wuwadi waye khwa gu simama kala gupindruga, vaphasi nya mhamba va di gu womba mipundru na va khedzanide ni va na Levhi, vatshavbo va na Israyeli na va emide.

Ezira 3:10

Avbo vavbahi va nga phela gu thela khokhweni nya giseketelo nya Nyumba ya Nungungulu, vaphasi nya mhamba, va di ema avbovbo na va ambade dzingandzu dzawe, na va pharide mipundru gumogo ni va na Levhi, ni va na Asafi na vari ni sitendre gasi gu dhumisa Pfhumu Nungungulu, va landrisa sileletelo sa Dhavhidhe, mufumeli wa Israyeli.

Dzindzimo 47:5

Nungungulu gwede vbakari nya dzihuwa nya litsako, Pfhumu Nungungulu vbakari nya gudzume nya pundru.

Dzindzimo 81:3

Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

Dzindzimo 98:6

khu mipundru ni dzimbalapala, mu rungudza mbeli ga Nungungulu, a gu Pfhumu.

Mitengo 1:52

Sanana sa Israyeli, si na ghova khu mitsawa yawe mazumboni gwawe, muthu ni muthu vbafuvbi ni ngavbya yawe.

Mitengo 10:2

“Gira mipundru mivili nya parata; u na yi gira khu parata nya gupfhudwe, u na yi thumisa gu tombanisa khiyo mitshangano ni gu tivisa gukhuga nya mazumbo.

Mitengo 29:1

“Khu litshigu nya guhegule nya ngima nya livbandre na wuvili, mu na gira tshangano nya guage; mu nga thumi thumo nya gulemele khu litshigu lolo, avbo gwanu li na bani liri litshigu nya guwombwe mipundru!

Mitengo 7:2

Khavbo avbo, dzi di hidzimela dzindruna dza Israyeli, a gu avo vathangeli nya dzinyumba dza vababe vawe, avo va nga phasedzelago gu gira gilovela nya vathu.

Mitengo 9:23

Khu guruma ga Pfhumu Nungungulu avo va di ghwimba mitshatsha yawe, khu guleletela ga Pfhumu Nungungulu avo va di khuga va gimbila, va di landrisa fanelo yawe ga Pfhumu Nungungulu, kha nga edzi Pfhumu Nungungulu a nga leletelago khidzo Mosi.

Matewu 24:31

A na rumela dzingilozi dza Nungungulu gu womba pundru nya gudzume ngudzu, gasi gu tombanisa sihathwa sa maphuvbo yatshavbo ya mana, gukhugela mahegiso kala mahegiso nya mafu.

Josuwa 6:4

Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.

Gutuledwa 8:2

Khavbo avbo, nyi di wona dzingilozi dzile nya livbandre na dzimbili dzi guromo mbeli ga Nungungulu, na dzi gu ningwa livbandre na mivili mipundru.

Valamuli 7:20

Vatshavbo vama nya sikwata sa siraru va di womba mipundru, ni gu pandra mikanvu, mandzani gwawe ga nyambade na va pharide myenge, khu nyamudye va phara mipundru, va huwelela, khavo: “Nyimbi ya Pfhumu Nungungulu ni ya Gidhiyoni.”