Mitengo 1:46 - Bhibhiliya Nya Guage

⁴⁶ Vatshavbo va nga lovedwago va diri tengo nya livbandre na limwedo magumi ni magumararu na livbandre mazana ni livbandre magumi (603.550).

Mitengo 1:46 Iomraidhean Croise

Genesi 12:2

Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Genesi 13:16

Nyi na gira sanana sago si tala ngudzu kha nga mafu. Mwalo muthu a dzi kodzago gu saya dzitshota nya mafu. Khidzo gambe kharato, mwalo muthu a na gu dzi kodzago gu saya sanana nya livelego lago.

Genesi 15:5

Nungungulu a di ruma Abrama gu duga vbavbandze nya nyumba, a mu embela, khuye: “Khusa maho yago u khedzisa vbatshani damboni, wona mwendro u ngu dzi khodza gu saya tengo nya dzinyeledzi. Khidzo wu na bani wuri idzo sayo nya situgulwana nya livelego lago.”

Genesi 17:6

Nyi na gu ninga livelego nya lingi; nyi na gu gira u velega mayigo, ga situgulwana sago gu na duga dzipfhumu.

Genesi 22:17

Eni nyi na gu kategisa; nyi na engedzela livelego lago khu sanana nya singi ngudzu, nya gutale kha nga dzinyeledzi dza ndzadzini, kha nga mafu nya fungu wa phwani. Sanana sago si na khozisa valala vawe si gu va dzegela madhoropa yawe.

Genesi 26:3

Vbanya umo matshigu nya gukari, Eni nyi womo gwago, nyi na gu kategisa, kholu Eni nyi na ninga uwe ni sanana sago mayigo yaya yatshavbo, nyi na tadzisa gisambanyo nyi giridego ga babe wago Abrahama.

Genesi 28:14

Sanana sago si na tala ngudzu kha nga mafu ya tigoni; u na nava uya Muhwadambo ni Khugadambo, Wuronga ni Marandzi. Mahundzu nya vathu vatshavbo va tigoni, ma na kategiswa khavbo gwago ni ga livelego lago.

2 Samuweli 24:9

Jowabhi a di ningela ga mufumeli tengo nya vathu va nga sayedwago; tigoni ga Israyeli gu diri ni livbandre na mararu magumi magumi mazana (800.000) vama va somidego guya dwana nyimbi; va na Judha va diri livbandre magumi magumi mazana (500.000) vama.

1 Dzipfhumu 4:20

Vathu va na Israyeli ni va na Judha, va diri vangi ngudzu nga fungu wa phwani; va di hodza, va sela, va vbanya na va tangade.

1 Dzikoronika 21:5

Jowabhi a di ta ningela ga Dhavhidhe, tengo nya gilovela nya vathu; tigoni ga Israyeli gu diri ni likhulukhulu ni lizana magumi mazana (1.100.000) vama nya guphare matshari; tigoni ga Judha va diri mazana mana ni livbandre na mavili magumi magumi mazana (470.000) vama nya guphare matshari.

2 Dzikoronika 13:3

Abhiya a di soma nyimbi, nari ni mazana mana magumi mazana (400.000) masotshwa nya guhathwe vbakari nya dzindrena dzatshavbo, Jerobhowamo nuye a di somisa Livbandre na mararu mazana magumi mazana (800.000) vama nya guhathwe vbakari nya dzindrena dzatshavbo.

Ekisodha 12:37

Sanana sa Israyeli si dugide khu dhoropani ga Ramesi va phara ndzila nya guhongole Sukoti khu mawundru. Va diri gipimo nya livbandre na limwedo magumi mazana nya mazana (600.000) vama nyamba sayela vanyamayi ni sanana.

Ekisodha 38:26

Muthu ni muthu a di dusa gipandre nya sekeli gukhedza khu pimo nya sekeli ya nyumbani nya guage. Vama vatshavbo va lovedwego gukhugela ava nya tanga nya magumavili myaga guya mbeli, va di livba idzosaye. Va tshanganisa livbandre na limwedo magumi ni magumararu na livbandre mazana ni livbandre magumi (603.550) vama.

Mitengo 1:45

Va di lovedwa gukhedza khu dzinyumba dza vababe vawe, vatshavbo va na Israyeli va enedzidego magumavili myaga guya mbeli, vatshavbo va kodzago gu soma matshari guya nyimbitunu.

Mitengo 11:21

Mosi a di hakha, khuye: “Tengo nya vathu vava va guromo mbeli gwangu livbandre na limwedo magumi magumi mazana (600.000). Gasi Uwe U ngu ganela khuwe U na va ninga nyama va na hodzago ngima rumba.

Mitengo 14:29

Sirumbi sanu si na thega giwulani momu ni mwatshavbo enu mu nga lovedwago, gukhugela enu mu nga enedzago magumavili myaga guya mbeli, enu mu nga nyi yeyisago.

Mitengo 2:32

Esi khu sanana sa Israyeli si lovedwego, gukhedza khu dzinyumba dza vababe vawe. Vatshavbo va lovedwego mazumboni, gukhedza khu mitsawa yawe, va diri tengo nya livbandre na limwedo magumi na mararu ni livbandre mazana ni livbandre magumi (603.550).

Mitengo 23:10

Khu mani a na gu sayago vathu va Jakobe, vale va tadego kha nga mafu? Ambari guti tengo nya gipandre nya wu na gya Israyeli? Nyi nafe khu mafelo ya valulamidego, mahegiso yangu ma na fanane ni yawe.”

Mitengo 26:51

Ava khu sanana sa Israyeli, va lovedwego va enedza tengo nya livbandre na limwedo magumi, ni likhumi na livbandre na mavili mazana ni magumararu (601.730) vama.

Dhewuteronome 10:22

Vababe vago va nga relelago tigoni ga Egipito va diri basi livbandre na mavili magumi; gasi olu Pfhumu Nungungulu wago, a gu giride u andra, u tala kha nga dzinyeledzi dza ndzadzini.