Mitengo 1:1 - Bhibhiliya Nya Guage

¹ Khu litshigu nya guhegule, nya ngima nya wuvili, nya mwaga nya wuvili, nya guduge ga va na Israyeli khu tigoni ga Egipito, na vari giwulani ga Sinayi, Tshatshani nya Tshangano, Pfhumu Nungungulu a di ganela ga Mosi, khuye:

Mitengo 1:1 Iomraidhean Croise

1 Dzipfhumu 6:1

Khu mwaga nya mazana mana ni livbandre na mararu magumi (480), hwane nya gu sanana sa Israyeli na si dugide khu tigoni ga Egipito, khu mwaga nya wu na nya gufume ga Solomoni tigoni ga Israyeli, khu ngima nya Zivi, a gu ngima nya wuvili nya mwaga, gu di phedwa thumo nya guvbahe Nyumba ya Pfhumu Nungungulu.

Ekisodha 19:1

Khu ngima nya wuraru, hwane nya gu sanana sa Israyeli na si dugide khu tigoni ga Egipito, khu litshigu nya guphele nya ngima yoyo furi, si di vboha giwulani gya Sinayi.

Ekisodha 19:2

Na va khugide khu Refidhimi, va di vboha giwulani gya Sinayi, va gu zumba avbovbo, Israyeli a di zumba mbeli nya gigomo.

Ekisodha 25:22

Nyi na ta dzi wonegisa gwago khu vbagikhalotunu nya ditshedzo, vbakari nya dzikerubhimi dzi guromo Vbatshani nya ngasa nya gidzumeledzwano, khuwo wulanga wowo nyi na ta gu tivisago khavbo milayo yangu yatshavbo ga sanana sa Israyeli.

Ekisodha 40:17

Khu litshigu nya guhegule nya ngima nya guphele nya mwaga nya wuvili, wu di tsitswa Wulanga nya Guage.

Ekisodha 40:2

“Khu litshigu nya guphele nya ngima nya guhegule, u na tsitsa wulanga nya guage nya Tshatsha nya Tshangano.”

Levhi 1:1

Pfhumu Nungungulu khu Tshatshani nya Tshangano, a di rana Mosi a gu ganela naye, khuye:

Levhi 27:34

Khiso esi sileletelo pfhumu Nungungulu a leletedego Mosi, ga sanana sa Israyeli, gigomoni ga Sinayi.

Mitengo 1:18

Khu litshigu nya guhegule nya ngima nya wuvili, va di tombanisa tshangano watshavbo, va ta lovedwa khu dzinyumba dzawe ni lihundzu lawe, mayelano khu dzinyumba dza vababe vawe. Va lovedwa khu malina yawe, gukhugela avo va enedzidego magumavili myaga guya mbeli, muthangeli ni muthangeli.

Mitengo 12:4

Khu guralo, Pfhumu Nungungulu a di dzegela gu ganela ga Mosi, ga Aroni ni Miriyamu, khuye: “Enu mwa vararu nga dugani khu Tshatshani nya Tshangano.” Avo va di duga khu wuraru wawe.

Mitengo 9:1

Khu mwaga nya wuvili nya guduge gwawe khu tigoni ga Egipito, khu ngima nya guhegule, Pfhumu Nungungulu a di ganela ga Mosi na vari giwulani ga Sinayi, a mu embela, khuye:

Dhewuteronome 1:3

Khu mwaga nya magumana, khu litshigu nya guhegule nya ngima nya likhumi na moyo, Mosi a di ganela ga sanana sa Israyeli, gukhedza khu satshavbo iso a nga rumwago khu Pfhumu Nungungulu gu va embela,

Dhewuteronome 2:14

Gikhati hi vbedzidego na hi gu gimbila, gukhugela Kadhesi-Bharineya kala hi tshatuga gitsongwana gya Zeredhi, gu di vbindra magumararu na livbandre na miraru myaga, kala va vbela khu gufa vatshavbo vama vale nya gudwane nyimbi vbakari nya lizumbo, kha nga edzi Pfhumu Nungungulu a va sambanyedego khidzo.

Dhewuteronome 2:7

Kholu Pfhumu Nungungulu wago, a gu kategiside ga thumo watshavbo nya mandza yago; Uye a ngu dziti nya gukhuye u ngu legalega giwulani momu nya gikhongolo; Pfhumu Nungungulu wago, a diri ni uwe ndrani nya myaga yatshavbo yoyo nya magumana; gimwalo ni gimwegyo gi gu kiyeledego.