Mikeya 6:8 - Bhibhiliya Nya Guage

⁸ Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Mikeya 6:8 Iomraidhean Croise

Genesi 18:19

Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

Genesi 5:22

Hwane nya gu na velegide Metusalema, Enoki vbanyide gipimo nya mazana mararu (300) myaga na gu landrisa gugola gwa Nungungulu, a di velega talo nya sanana nya vama ni vanyamayi.

2 Dzikoronika 30:11

Aholu vambe va na Aseri, va na Manasi ni va na Zabhuloni, va di dzi nogisa, vata Jerusalema.

2 Dzikoronika 32:26

Aholu, Ezekhiya, avbo a nga dzi nogisa khu kotani nya matshandza ya monyoni gwaye uye ni vavbanyi va Jerusalema, likhulo la Pfhumu Nungungulu li di bosa li siti gwawe khu matshiguni ya Ezekhiya.

2 Dzikoronika 33:19

Nombelo waye, ni idzo Nungungulu a mu hakhidego khidzo, ni gighoho gyaye, guyeyisa gwaye, malanga a ma vbahidego nya sigomo, umo a nga emisago sifananiso nya guvatwe na si gu dzi thesi vbavbatshi, ma lovidwe yatshavbo umo nya Libhuku la Vaprofeti.

2 Dzikoronika 33:23

Uye gima kha nga dzi nogisa mbeli ga Pfhumu Nungungulu, kha nga idzo a nga girago babe waye Manasi, a nga dzi nogisago; aholu Amoni, a di andrisa sighoho saye.

2 Dzikoronika 34:27

Kha nga olu monyo wago wu vbevbugidego u dzi nogisa mbeli ga Nungungulu, u yingisa magana ma ganelago khu mahungu nya wulanga wowu gumogo ni vathu vaye, u dzi nogisa mbeli gwangu, u pferula dzingandzu dzago, u lila mbeli gwangu, Eni neni nyi gu yingiside, a ngu ganela Pfhumu Nungungulu.” Khavbo avbo, avo va di yisa phindrulo yeyi ga mufumeli.

Nehemiya 9:13

U tshigide vbatshani nya gigomo gya Sinayi, nuri khu ndzadzini U ganede navo, U va yeyedza esi nya gululame, milayo nya lisine, sileletelo ni sirumo nya sadi.

Dzindzimo 101:1

Nyi na embelela wuhindzi ni gululama; nyi na embelela gwago Pfhumu Nungungulu.

Dzindzimo 112:4

Wenengedzo wu ngu wenengedza gidemani ga muthu nya gululame; uye a na ni wuhigo, wuhindzi ni gululama.

Dzindzimo 112:9

A ngu kabana silo saye ni sisiwana; gululama gwaye gu ngu simama kala gupindruga, tshivba yaye yi na khusedzwa khu wudhumo.

Dzindzimo 37:26

Matshigu yatshavbo a di pwela wusiwana vathu a va ninga, khu guralo, livelego laye li kategide.

Dzindzimo 73:28

Gasi eni nya gu gola gu khala vbafuvbi ni Nungungulu; uwe Pfhumu Nungungulu khuwe wuthavelo wangu, nyi na huwelela sigiro sago satshavbo.

Mavingu 21:3

Gugira ugo gu gu gwadi khu gululama ni nongameto silo si godwago khu Pfhumu Nungungulu, guvbindra gu mu girela dzimhamba.

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Isaya 56:1

Pfhumu Nungungulu a ngu ganela kharati, khuye: “Ningani githawo nayo wangu ni gu gira gululama, kholu guvbanyisa gwangu gomo vbafuvbi ni gu vboha, ni gulamula gwangu gomo vbafuvbi ni gu gutadzisega.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 66:2

Kholu mandza yangu, khayo ma giridego silo satshavbo sesi, ni silo satshavbo sesi si di girega; a ngu ganela Pfhumu Nungungulu, aholu nyi na khedza uye a dzi thesago vbavbatshi: Wule a gu ni monyo wu khuvegidego, sisiwana ni vale va ndrendremelago khu gupwa magana yangu.

Jeremiya 22:16

Uye a di vhikela sisiwana ni vahamugi; khu magirelo yoyo, uye a di katega; khu guralo, Pfhumu Nungungulu a ngu ganela khuye, ina khandriso esi si ganedwago pwani u ngu nyiti, gani?

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Jeremiya 9:23

Pfhumu Nungungulu a ngu ganela kharati, khuye: “Gigengeli gi nga dzi zundzi khu gugengela gwaye, ni wule a gu ndrena a nga dzi zundzi khu wundrena waye, ambari oyu a fumidego a nga dzi zundzi khu gufuma gwaye;

Gililo 3:26

Khu guralo, gwadi muthu gu rudzisa monyo a khevisela guvbanyisa gwa Pfhumu Nungungulu.

Ezekiyeli 16:63

Nyi na gira esi, gasi u alakanye ni gu khala dzitshoni, gima u si tuli gambe likana lago khu kotani nya dzitshoni dzago, gikhati nyi nga tsetselelana nago khu satshavbo u giridego; a ngu ganela Mune Pfhumu Nungungulu.”

Ezekiyeli 33:14

Aholu nya gu embela muthu nya guvivbedwe khu monyo, kheni: Khu lisine, u nafa; aholu uye a gu vbindrugedza a dzi laya khu sighoho saye a gira ugo gu lulamidego ni lisine,

Hoseya 12:6

Khu guralo, vbindrugedza u wuya ga Nungungulu wago, gira wuwadi ni gululama u tumba Nungungulu wago gikhati gyatshavbo

Hoseya 6:6

Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Levhi 26:41

iso si nga nyi girago nyi hambana navo, nyi va yisa tigoni ga valala vawe; myonyo yawe nya gulemele ya gu dzi thesa vbavbatshi, khu milandru yawe,

Amosi 5:24

Aholu lisine li na goge kha nga mati, ni gululama gu fanana ni gitsongwana nyamba vbwa.

Mikeya 6:9

Lito la Pfhumu Nungungulu li ngu huwelela ga lidhoropa; uye a gengedego a ngu thava lina laye. Upwani lipitso ni uye a li rumedego.

Sofoniya 2:3

Vbwetani Pfhumu Nungungulu, enu mwatshavbo, va nya gurula va mafuni, enu mu landrisago milayo yaye. Zamani guvbweta gululama, dzi nogiseni mbeli gwaye, a gu dzina saye mu na mana wuthavelo litshigu nya likhulo la Pfhumu Nungungulu.

Zakariya 7:9

Pfhumu Nungungulu nya Tshivba Yatshavbo a ngu ganela kharati, khuye: “Lamulani khu gululama ni lisine, nonedzani wuwadi ni wuhindzi, moyo ni moyo a na pwele wuhindzi ndriyaye.

Matewu 5:3

“Si kategide sisiwana liphuvboni, kholu khwawe Mufumo wa Ndzadzini.

Matewu 5:7

Va kategide va nya wuhindzi, kholu va na giredwa wuhindzi.

Luka 10:42

narigu gimwegyo basi gi vbwetegago. Mariya hathide gipandre nya gyadi, igyo nya gu gima kha na dzegedwa khu muthu.”

Luka 11:42

“Aholu libango lanu, Vafarisi, mu hengago gikhaba nya mitongwe yatshavbo, mu si theli kota khu gululama ni lihaladzo la Nungungulu. Esi khiso mu nga vbweta gu phela khiso mu gira, nyamba divaledwa khu sile simbe.

Luka 12:14

Aholu Jesu a di hakha, khuye: “Ama sawu, khu mani a nga nyi gira mulamuli mwendro mukabanisi nya dzithomba dzanu?”

Luka 6:36

Girelani wuhindzi vakwanu kha nga Babe wanu a gu ni wuhindzi.

Varoma 7:16

Nya gu gira silo nyi si sinigo, nya gu khusedza Nayo, nyi dzumela gukheni khwadi.

Varoma 9:20

Uwe muthu, khuwe mani, uwe nya gu ganedzisane ni Nungungulu? Ina khali nya libumba yi ngu dzi kodza gu wudzisa ga muwumbi waye, khiyo: “Khu ginani u nga nyi wumbago kharati?”

1 Vakorinto 7:16

Kholu u na dziti kharini, uwe nyamayi, gukhuwe u na vbanyisa mwama wago? Mwendro wa gu dziti kharini uwe mwama gukhuwe u na vbanyisa mwangadzi wago?

Vaefeso 4:32

Khalani vathu nya ndruda, mu pwelana wusiwana, mu tsetselelana khu gyanu, kha nga Nungungulu a mi tsetseledego khu ga Kristo.

Dhewuteronome 27:10

khu guralo, yingisani satshavbo iso Uye a mi rumago, ni gu landrisa sirumo ni milayo yatshavbo eyi muhuno nyi mi ningago.”

Dhewuteronome 30:15

Wona, muhuno nyi ngu vega mbeli gwago womi ni wuwadi, gufa ni guvivba.

Vakolosi 3:12

Enu mu vathu va Nungungulu, kholu uye a ngu mi haladza, gambe a mi hathide. Khu kharato, gu vbwetega muri ni monyo nya gupwele wusiwana, nya ndruda, nya gu dzi nogise, nya gurule ni gutimisela.

2 Vatesalonika 2:16

Uye mune Jesu Kristo, Pfhumu yathu, ni Nungungulu Babe wathu a nga hi haladzago, khu wuwadi waye, a hi ningide tshivba nya gutiye, ni gutumba nya gukhongolo ngudzu.

Jakobe 2:20

Gipumbuwe! U ngu dzina gu wona gukhuwe gukhodwa nyambana mithumo kha gu phasi gilo, gani?

Josuwa 24:14

Gasi olu, ningani githawo Pfhumu Nungungulu, mu Mu thumela khu gutumbega nya lisine; dzudzugani hwindzo vanungungulu va nga thumedwa khu vababe vanu khisikheyi nya tsongo wa Ewufrate ni Egipito, mu khozela Pfhumu Nungungulu.

1 Pedro 3:8

Gu vbwetega mwatshavbo mu hengela mapimo ni monyo moyo, mu golana khu gyanu khu lihaladzo nya wundruye, muri vathu nya gurule ni gu dzi sodzisa.

1 Samuweli 12:23

Gasi a gu bani nari eni, gima kha nyi na nga dzumela nyi ghoha khu gumba mi lombelelani ga Pfhumu Nungungulu; aholu, nyi na mi hevbudzani guti ndzila nya yadi ni gululama.

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.