Mikeya 6:7 - Bhibhiliya Nya Guage

⁷ Ina Pfhumu Nungungulu a di hadza gutsaka khu mazanazana nya dzihamba, ni likhumi mazana mitsongo nya mafura, gani? Nyi na ni fanelo nya guningele gyanana gyangu nya matiwula khu kotani nya sihoso sangu, a gu handro nya melego wangu khu sighoho nyi giridego, gani?

Mikeya 6:7 Iomraidhean Croise

2 Dzipfhumu 16:3

Kholu a di landrisela dzindzila dza vafumeli va Israyeli; a di vbisa ni gyanana gyaye niloni, a landrela mavbanyelo ya va nya mayigo, ayo Pfhumu Nungungulu a nga ma lundrago mbeli ga sanana sa Israyeli.

2 Dzipfhumu 21:6

A di gira miphaselo khu gu vbisa gyanana gyaye niloni; a namarela umo nya wunyanga ni wuloyi; a di wumba dzinyanga nya gufembe ni vanyadzisolo, a simama gu gira guvivba mbeli ga Pfhumu Nungungulu, kala a mu gorogisa ngudzu.

2 Dzipfhumu 23:10

A di nyenyezisa gambe Tofeti, wulanga nya guvbisedwe avbo, wu guromo kovani ga sanana sa Himoni, gasi gu si manegi ni moyo a yelago gu vbisa gyanana gyaye nya gikhwathana mwendro nya nyamahegyane a phasela Moloki.

2 Dzipfhumu 3:27

Khavbo avbo, a di dzega mwanaye nya matiwula uye a nga bani a vbweta gu mu tshikhedza vbagikhalotunu gwaye nya wufumu, a mu ningela gu khala phaselo nya guvbiswe vbandzaritunu; avbo gu nga wugago likhulo nya likhongolo ga va na Israyeli; va diga mufumeli wa Mowabhi, va khuga khu vbale va bwelela tigoni gwawe.

Joba 29:6

Gikhati nyi nga bani nyi gu handza migondro yangu khu mahwe, khu siwindrini gu di goga mitsongo nya mafura nya gutale.

Dzindzimo 50:9

Kha nyi na hakha ni gikuzyana gimwegyo gya ndrangani gwago, ambari phongo, nya tshambi wago.

Dzindzimo 51:16

Kholu uwe khu tsakiswi khu miphaso nya dzimhamba; ambari nya gu gu ninga miphaso nya guvbiswe; uwe khu tsakiswi khiyo.

Dzindzimo 51:18

Kategisa gwadi Siyoni khu wuhindzi wago; vbahedza nyaluphye mabhiyo ya Jerusalema.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Mavingu 21:3

Gugira ugo gu gu gwadi khu gululama ni nongameto silo si godwago khu Pfhumu Nungungulu, guvbindra gu mu girela dzimhamba.

Isaya 1:1

Giwoniso gya Isaya, mwamana wa Amosi, a gi wonidego khu kotani ya Judha ni Jerusalema, matshiguni ya Uziya, Jotamo; Akazi; ni Ezekhiya; vafumeli va Judha.

Isaya 40:16

Ambari magabi ya Libhanoni, dzikhuni dzaye kha dzi ningani gu gira nilo nya giluvelo, ni sirengo saye, kha si eneli gu gira miphaso nya guvbiswe.

Jeremiya 19:5

Va giride siluvelo nya guphasele dzimhamba nya guvbiswe va vbisela nungungulu Bhahali, gasi va vbisela avbo sanana sawe; iso nyi ngamba va ruma gu gira ambari gu si alakanya monyoni gwangu.

Jeremiya 6:20

Ma gu nyi phasa ginani mabani mu nyi reselago khu tigoni ga Sabha, ni mafura nya gunungele mu nyi reselago khu mayigoni ya hwindzo? Miphaso yanu nya guvbiswe ni dzimhamba dzanu kha dzi nyi nengedzisi.

Jeremiya 7:31

Va vbahide malanga nya gulaphe nya gukhozele umo tigoni ga Tofeti, kovani ga mwamana wa Hinomi, gasi guya vbisela umo sanana sawe nya sikhwathana nesi nya sagadzyana khu nilo; silo nyi ngamba va ruma ambari gu si alakanya monyoni gwangu.

Ezekiyeli 23:37

Kholu avo va giride wubhayi, mandza yawe ma kunede khu novba; va bhayide ni sifananiso sawe; kala ni sanana sawe va nyi velegedego, va si vbiside niloni va phasela sifananiso.

Hoseya 5:6

Va na hongola gumogo ni mitshambi yawe, ni dzimombe dzawe nya migadzi, gasi guya vbweta Pfhumu Nungungulu, aholu kha va na mu mana. Kholu uye hambanide navo.

Hoseya 6:6

Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Levhi 18:21

U nga ningeli ni moyo nya sanana sago, si girwa phaso nya guphasedwe Moloki, u nga nyenyezisa lina la Nungungulu wago. Eni kheni Pfhumu Nungungulu.

Levhi 20:1

Pfhumu Nungungulu a di embela gambe Mosi, khuye:

Amosi 5:22

Ambari mwa gu nyi ningani miphaselo nya guvbiswe, ni miningelo nya guhodze, gima kha nyi na tsaka khiyo, ambari miningelo yanu nya gugirwe khu sirengo sanu nya gunone.

Filemoni 1:12

Nyi mu rumede nyaluphye gwago, uwe mu hakhe gambe kha nga gyanana gya ndrani gwangu.

Valamuli 11:31

wule a na phelago khuye gu duga khu ndrangani gwangu, gasi gu nyi khinga na nyi wuya khu nyimbitunu na nyi pade va na Amoni, a na bani ari wago Pfhumu Nungungulu nyi na mu ningela kha nga phaso nya guvbiswe.”

Valamuli 11:39

Na gu vbindride migima mivili, a di wuya ga babe waye, a di ta mu gira kha nga idzo a nga sambanyago khidzo. Uye gima kha nga diga wukendzi waye. Khu vbale giolovedzo gi di phela tigoni ga Israyeli,

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.