Mikeya 6:16 - Bhibhiliya Nya Guage

¹⁶ Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”

Mikeya 6:16 Iomraidhean Croise

1 Dzipfhumu 18:4

Kholu, gikhati Jezabheli a nga bani na sasela vaprofeti va Pfhumu Nungungulu, Obhadhiya a di dzega lizana (100) vaprofeti a va kabanisa khu mitsawa mivili nya livbandre magumi (50), a va siha mavbalani a va sayisa khu gu va ninga guhodza ni gu va ninga mati va sela.

1 Dzipfhumu 9:8

Ni nyumba yeyi ambari yi khusegidego ngudzu, ni wevbini a na vbindrago khu vbafuvbi ga iyo, a na samala ngudzu ni guwomba ndrodzi, khuye: Khu ginani Pfhumu Nungungulu, a giridego silo nya nga esi, ga litigo leli ni ga nyumba yeyi?

2 Dzipfhumu 16:3

Kholu a di landrisela dzindzila dza vafumeli va Israyeli; a di vbisa ni gyanana gyaye niloni, a landrela mavbanyelo ya va nya mayigo, ayo Pfhumu Nungungulu a nga ma lundrago mbeli ga sanana sa Israyeli.

2 Dzipfhumu 21:3

A di vbahedza malanga nya gukhugege, ayo ma nga bani ma khungumudwe khu babe waye Ezekhiya, a emisa siluvelo sa Bhahali, a gira gifananiso nya lidingo, nya nga igyo gi nga girwa khu Akabi, mufumeli wa Israyeli; a di khidzimela sivangwa satshavbo sa ndzadzini, a si khozela.

2 Dzikoronika 22:4

A di gira mithumo nya guvivbe mbeli ga Pfhumu Nungungulu, kha nga vathu va nyumbani ga Akazi, kholu avo khavo va nga bani vari vasingalagadzi yaye hwane nya gufe ni gumbemba ga babe waye.

2 Dzikoronika 34:25

Kha nga olu avo va nyi digidego, vaya vbisela libani vambe vanungungulu nya malipha, va wusa likhulo langu khu mithumo yatshavbo ya mandzani gwawe; khu guralo, likhulo langu li khondride ga wulanga wowu, gambe gima kha li na tshimega.

Dzindzimo 1:1

Kategide muthu a si landrisigo sileletelo nya vathu nyambasi vadi a si longolokigo ndzila ni sighohi, a si khaligo tsawani nya vakanganyisi,

Dzindzimo 44:13

Wa gu hi gira givalo ga vaakelane vathu, avo va hi randrelago va ngu hi hembulula, va hi hega;

Dzindzimo 44:14

U ngu hi gira tekatekane ga va nya mayigo, vathu va gu hi wona va gu khiniga mihungo.

Isaya 25:8

A na fuvisa gufa kala gupindruga; Mune Pfhumu Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu Pfhumu Nungungulu ganede kharato.

Isaya 9:16

Kholu vathangeli nya vathu vava va kanganyisi, ni avo va thangedwago khavo, va na mbembiswa.

Jeremiya 19:8

Lidhoropa leli li khala gisamadziso ni gihegiso; watshavbo a na vbindrago khavbo a na samala a womba ndrodzi, khu kotani nya dzimhango dzaye nya dzikhongolo.

Jeremiya 25:18

Jerusalema, madhoropa ya Judha, vafumeli ni manganagana yawe, gasi nyi va gira marumbi, ni gisamadziso, gihegiso ni givalo kha nga mu si wonago muhuno;

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 29:18

Nyi na va lundra khu dzinyimbi, ndzala ni mitungu; va na khala gilo nya guthavise ni gihegiso ga mifumo yatshavbo ya mafuni; vavbindri nya ndzila va na kutsunga mihungo va va hega, ga yatshavbo mayigo nyi na gu bani nyi va phalalegisede umo.

Jeremiya 51:51

Ganelani, khenu: Hi tade khu dzitshoni kholu va hi poyide; va fenengedzide dzikhovbe dzathu khu dzitshoni, kholu va nya mayigo va bede nyumbani nya guage Nyumba nya miphaso ya Pfhumu Nungungulu.

Jeremiya 7:24

Kholu kha va yingisa, ambari gu neredza dzindzeve, aholu va di gimbila khu dzindzila nya gutidwe khu myonyo yawe nya guvivbe; va bwelelela hwane wulanga nya guye mbeli.

Gililo 5:1

Pfhumu Nungungulu, alakanya iso si hi dugeledego. Khedza u wona dzitshoni hi gu nadzo.

Ezekiyeli 39:26

Va nata divaledwa khu dzitshoni ni gumba tumbega gwatshavbo va nyi kanyisidego khugo, gikhati va na vbanyago gurulani tigoni gwawe, nyamba manega muthu nya gu va thusedzele.

Dhaniyeli 9:16

Gasi olu, uwe Pfhumu, gukhedza khu sigiro sago satshavbo si lulamidego, hi ngu lomba u ndreyisa likhulo lago dhoropani gwago gwa Jerusalema, li guromo gigomoni gwago nya gukatege. Kholu sighoho sathu ni guvivba gu giridwego khu vababe vathu, va girede Jerusalema gumogo ni vathu vago gilo nya gihegiso ga mayigo ma hi randredego.

Hoseya 12:14

Efrayimi goroside ngudzu Pfhumu Nungungulu, khu guralo, Nungungulu a mu giride a thegedwa hungoni gwaye khu nandru novba a wu vbaladzidego a gu rwala kharato nandru nya gighoho gyaye.

Hoseya 5:11

Efrayimi, tshanisidwe a gamwa khu gulamudwa, kholu a di gola gu landrisela sifananiso nyamba phasa gilo.

Mikeya 2:6

Vaprofeti va di ganela, khavo: “Mu nga profeti;” avo va profetago, va nga profeti khu magirelo yoyo, kholu hi nga thegedwa khu libango.

Mikeya 6:13

Khu kotani nya isoso eni kamwe nyi na gu tshanisa, nyi gu mbembisa khu kotani nya sighoho sago.

Gutuledwa 2:20

Aholu, u na ni nandru kholu u digago Jezabheli, nyamayi a dzi girago muprofeti, a ndreyisa sithumi sangu, a si hevbudza gu gira wuphuphulu, ni gu hodza nyama nya guphasedwe vanungungulu nya malipha.