Mikeya 5:7 - Bhibhiliya Nya Guage

⁷ Mitshaledwa ya Jakobe, yi na manega vbakari nya mafumbu nya mangi, kha nga hunguva yitago khu ga Pfhumu Nungungulu, kha nga mafesefese nya ndzadzi mwasini, kha yi na vega gitumbo gyaye ga muthu, ambari gu lirela sanana nya vathu.

Mikeya 5:7 Iomraidhean Croise

2 Samuweli 17:12

Gasi ethu hi fela gu ya mu mana ambari nari wevbi wulanga a guromo, hi mu phathamela kha nga thondrwane ya gu thega mafuni, kha na tshala ni moyo nya vathu a gu navo, ambari uye mune wurumba waye.

Dzindzimo 110:3

Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Dzindzimo 133:3

Gufanana ni mumya wa gigomoni gya Herimoni, wu thegago sigomoni sa Siyoni. Khavbo vbale Pfhumu Nungungulu a hi rumelago makategwa, ni guvbanya nya gupindruge.

Dzindzimo 72:6

Mufumeli a na khale nga ndzadzi yi wago wulimeni, a fanana ni ndzadzi yi thelago thomwa mafuni.

Mavingu 19:12

Likhulo la mufumeli la gu fanana ni gubhonga nya nghala, gutsakedwa khuye gu fanana ni thondrwane mwasini.

Isaya 32:15

kala li gu tshiga avbo gwathu Liphuvbo la gupindruga; khavbo avbo, giwula gi na vbindrugedza gi khala lithembwe nya gunone, ni lithembwe nya gunone li na khala likhabi.

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 55:10

Kholu, kha nga olu ndzadzi ni thondrwane si thegago khu ndzadzini, si si bweleligo nyamba naganisa mafu, ni gu thela thomwa, yi bugisa dzimbewu dza muyali, ni gu ninga guhodza ga oyu a hodzago,

Isaya 66:19

Nyi na va vega giwonegiso, avo va na gu vbulugago, nyi na va rumela mayigoni ya Tarisisi, Puli ni Ludhi, vathu nya gu kodze gu khwandra siholoma, Tubhali ni Javha, kala sidwani sa hwindzo, ga vathu va ngamba tshukha vapwa ndruma yangu, ambari gu wona wudhumo wangu; va naya tivisa wudhumo wangu ga mayigo yoyo.

Jeremiya 14:22

Ina womo nungungulu wa va nya mayigo a wisago ndzadzi, gani? Mwendro ndzadzini gu ngu kodza gwabune gu wisa ndzadzi, gani? Ina khandruwe basi u gu Pfhumu Nungungulu wathu, gani? Ha gu tumba uwe basi, kholu khuwe u girago silo satshavbo.

Ezekiyeli 14:22

“Aholu, gu manega va nya gukari nya mitshaledwa; sikhwathana ni sagadzyana, si na duswago umo, iso si nata gwanu, gikhati mu na wonago ndzila yawe ni mithumo yawe, mu napwa gutangadziswa khu gu alakanya guvivba nyi gu residego Jerusalema.”

Ezekiyeli 47:1

Khu hwane nya esi, mwama a di nyi dzega a nyi bweledza vbamwanyatunu nya Nyumba ya Nungungulu, nyi di wona mati ma nga bani ma gu goga khu vbavbatshi nya nvunvuri nya Nyumba ya Nungungulu, ma hongola phuvbo ga Khugadambo; kholu mwanya nya Nyumba ya Nungungulu, wu di khedzide Khugadambo, mati ma di guta khu vbavbatshi, khu phuvbo ga nyamudye nya Nyumba ya Nungungulu, khu phuvbo ga Marandzi nya giluvelo.

Ezekiyeli 5:5

Mune Pfhumu Nungungulu, a ngu ganela kharati, khuye: “Eli khu lidhoropa la Jerusalema; nyi li vegidego vbakari nya vathu ni mayigo nya vaakelane vaye.

Dhaniyeli 11:32

Khu mano yaye, a na kanganyisa vale va ndragidego gidzumeledzwano, aholu vale va mutigo Nungungulu wawe, va na mana tshivba va tiya va gira siliwugiso.

Hoseya 14:5

Avbo ga Israyeli nyi na khala kha nga thondrwane; uye a na nyuga nga genge a nava mikhamba nga simbo wa Libhanoni.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Joyele 2:32

Watshavbo wule a ranago lina la Pfhumu Nungungulu a na vbanyiswa; kholu gigomoni gya Siyoni dhoropani ga Jerusalema, gu na manega gutshudziswa, kha nga edzi Pfhumu Nungungulu a ganedego khidzo, ni vbakari nya mitshaledwa va na manega vale va na gu bani va ranidwe khu Pfhumu Nungungulu.

Amosi 5:15

Nyenyani guvivba, mu gola wuwadi; mu tiyisa lisine gulamulani gwanu. A gu dzina saye Pfhumu Nungungulu nya Tshivba Yatshavbo, a na pwela gisiro mitshaledwa ya Josefe.

Mikeya 2:12

Gasi olu, nyi na bwelo khavbo nyi tombanisa vathu vago vatshavbo uwe Jakobe, nyi tshanganisa ni mitshaledwa ya Israyeli; nyi na va pata dangamwedo nga dzinvuta dza Bhozira, nga tshambi wu guromo phandroni, gu na pwala ligwaha nya likhongolo, khu kotani nya gutale nya vathu.

Mikeya 4:13

Khuga u vbula uwe nyamahegyane wa Siyoni, kholu nyi na gu girela dzikheho nya dzisimbi, ni samba nya sugu; u na sasela mayigo nya mangi, thomba yago yi na phasedwa Pfhumu Nungungulu, ni dzithomba dzawe, u phasela khidzo Mune nya litigo latshavbo.

Mikeya 4:7

Avo va ndzodolago nyi na va gira mitshaledwa, ni avo va nga bani va phalalegisidwe va yiswa hwindzo, nyi na va gira litigo nya tshivba; Pfhumu Nungungulu a na fuma vbatshani gwawe gigomoni gya Siyoni, gukhugela olu kala gupindruga.

Mikeya 5:3

Khu guralo, a na va ningela kala gikhati oyu a lumwago a na velegago. Khavbo vandriyaye va nga tshalago, va na wuyago vata dzi tshanganisa ni va na Israyeli.

Mikeya 5:8

Mitshaledwa ya Jakobe yi na bani yiri vbakari nya mafumbu nya mangi, ni vbakari nya vathu nya mangi, kha nga nghala vbakari nya sirengo nya likhabi, kha nga ginghalana vbakari nya mitshambi nya dzinvuta, avbo gi vbindrago, gi na dzi gandredzela ni gu dzi vbadzulela nyamba manega muthu nya gu dzi vbulugise.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Sofoniya 3:13

Mitshaledwa ya Israyeli kha yi na gira gambe guvivba, mwendro gu ganela malipha; kanani gwawe kha gu na manega gambe lidimi nya wudambane. Kholu va na hodza va khura va lala ligovbe nya ladi na va rude nyamba thusedzedwa khu muthu.

Zakariya 14:8

Litshigu lolo, gukhugela Jerusalema gu na goga mati nya guvbanye, gipandre nya mati yoyo gi na goga gi ndrindrela phwani ga Khugadambo, gimbe gipandre gi ndrindrela phwani ga Muhwadambo; isoso si na girega khu nango nya maronga ni nango nya girame.

Zakariya 9:13

Kholu Eni nyi na ghwimba Judha kha nga wulaho, nyi khwandra Efrayimi kha nga giholoma; nyi na kutsedzela sanana sago uwe Siyoni, guya wugela sanana sago, uwe Gresiya! Uwe Siyoni u na fanana ni litshari la ndrena nya gukari.

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Mithumo 11:15

Aholu, gikhati nyi nga phela gu ganela, Liphuvbo nya Guage li di va tshigela kha nga edzi li nga hi tshigelago khidzo guhegulani.

Mithumo 13:46

Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Mithumo 16:9

Ni wutshigu, Pawulo a di wona giwoniso: Mwama moyo wa Makedhoniya na emide a di mu lomba, khuye: “Delu Makedhoniya u ta hi phasa”

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

Varoma 10:20

Isaya a ngu tiya gu ganela, khuye: “Nyi manidwe khu vale va nga bani va si nyi vbweti; nyi dzi wonegiside ga vale va nga bani va si nyi wudziseli.”

Varoma 11:12

Olu gighoho gyawe gi khadego giphaso ga va nya mayigo, ni gumbemba gwawe gu khadego thomba ga mambe mahundzu, guwani va gu kala va na Israyeli va vbindrugedza mavbanyelo? Makategwa ma na tala guvbindrisa.

Varoma 9:30

Ha guvbweta gukhethu ginani khu satshavbo sesi? Ha guvbweta gukhethu vale va si gu Vajudha, va nga bani va si landreli Nungungulu, va wonidwe na va lulamide mahoni gwa Nungungulu khu kotani nya gukhodwe.

1 Vakorinto 3:6

Eni nyi yade, Apolo thedzede mati, aholu, Nungungulu khuye a dandrisago.

Dhewuteronome 32:2

Gihevbudzo gyangu gi na dote kha nga ndzadzi, lito langu li naganisa kha nga thondrwane, kha nga humguva vbatshani nya mwasi, kha nga madona nya mati mwasini.

Valamuli 6:36

Gidhiyoni a di embela Nungungulu, khuye: “Wa guvbweta gutshudzisa Israyeli khu mandzani gwangu kha nga u tumbisidego,