Mikeya 5:3 - Bhibhiliya Nya Guage

³ Khu guralo, a na va ningela kala gikhati oyu a lumwago a na velegago. Khavbo vandriyaye va nga tshalago, va na wuyago vata dzi tshanganisa ni va na Israyeli.

Mikeya 5:3 Iomraidhean Croise

1 Dzipfhumu 14:16

Israyeli a na ningedwa khu kotani nya sighoho si nga girwago khu Jerobhowamo, esi a nga gira a ghohisa khiso va na Israyeli.”

2 Dzikoronika 30:7

Mu nga girini kha nga vababe vanu ni vandriyanu, va nga pfhurarela Pfhumu Nungungulu wa vababe vawe, kala va dzi ningela ga libango nya guthise kha nga mu si wonago.

Dzindzimo 67:3

Mayigo yatshavbo ma na gu rungudze uwe Nungungulu; mahundzu yatshavbo ma na gu dhumise!

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Jeremiya 23:5

Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Jeremiya 31:1

Khu gikhati gile, a ngu ganela Pfhumu Nungungulu, khuye: “Eni nyi na khala Nungungulu nya mahundzu yatshavbo ya na Israyeli, gasi avo va na khala vathu vangu.”

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Hoseya 2:14

Nyi na pilelela misimbo yaye yatshavbo nya vhinya, ni mikandzu yaye, a gu iyo a gukhuye: Owu khu tshatshazelo wangu nyi nga ningwa khu sibhayi sangu; aholu eni nyi na mi gira misimbo nya likhabi, yi hodzwa khu sirengo nya likhabi.

Hoseya 2:9

A na landrisela sibhayi saye, aholu kha na si mana; a na si vbweta, aholu kha na si mana. Khavbo avbo, a na ganela, khuye: Nyi na bwelela ga mwama wangu nya guhegule, kholu nyi diri tshukhwana guvbindra edzi nyi guromo khidzo olu.

Amosi 5:15

Nyenyani guvivba, mu gola wuwadi; mu tiyisa lisine gulamulani gwanu. A gu dzina saye Pfhumu Nungungulu nya Tshivba Yatshavbo, a na pwela gisiro mitshaledwa ya Josefe.

Mikeya 4:4

Muthu ni muthu, a na khala mutsani nya uvha waye, ni mutsani nya ngure waye, kha gu na manega muthu nya gu va thurugisele, kholu Pfhumu Nungungulu nya Tshivba Yatshavbo ganede.

Mikeya 4:7

Avo va ndzodolago nyi na va gira mitshaledwa, ni avo va nga bani va phalalegisidwe va yiswa hwindzo, nyi na va gira litigo nya tshivba; Pfhumu Nungungulu a na fuma vbatshani gwawe gigomoni gya Siyoni, gukhugela olu kala gupindruga.

Mikeya 5:7

Mitshaledwa ya Jakobe, yi na manega vbakari nya mafumbu nya mangi, kha nga hunguva yitago khu ga Pfhumu Nungungulu, kha nga mafesefese nya ndzadzi mwasini, kha yi na vega gitumbo gyaye ga muthu, ambari gu lirela sanana nya vathu.

Mikeya 5:8

Mitshaledwa ya Jakobe yi na bani yiri vbakari nya mafumbu nya mangi, ni vbakari nya vathu nya mangi, kha nga nghala vbakari nya sirengo nya likhabi, kha nga ginghalana vbakari nya mitshambi nya dzinvuta, avbo gi vbindrago, gi na dzi gandredzela ni gu dzi vbadzulela nyamba manega muthu nya gu dzi vbulugise.

Mikeya 6:14

Uwe u na hodza, aholu khu na khura; u na khala gupwa ndzala gikhati gyatshavbo. U na wungedzela, aholu kha wu na wuyedwa khu gilo; kholu iso si na vbulugago nyi na si mbembisa khu litshari.

Mikeya 7:13

Aholu, litigo leli li na khala giwula, khu kotani nya wuvivbi wu giridwego khu vathu va vbanyago umo ni kotani nya mihandro yawe va giridego.

Zakariya 10:6

Nyi na ninga tshivba nyumba ya Judha, nyi wuya nyi vbanyisa nyumba ya Josefa, eni nyi na va wuyisa nyaluphye, kholu nyi ngu va pwela wusiwana. Va na gira gukhwatshi gima kha nya nga va diga, kholu eni kheni Pfhumu Nungungulu wawe, nyi na va ninga phindrulo.

Matewu 1:21

Uye a na velega gyanana nya gikhwathana u na gi thangisago lina la Jesu, kholu gi na vbanyisa vathu vaye musighohoni sawe.”

Matewu 12:50

Kholu, watshavbo uye a girago guhaladza ga Babe wangu a guromo Ndzadzini, khuye a gu ndriyangu ni mayi wangu.”

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

Varoma 8:29

Kholu, vale Nungungulu a nga bani a va hathide khu gale, a va vegisede gu va tshanganisa gumogo ni Mwanaye, gasi Mwanaye a khale matiwula vbakari nya vandruye nya gutale,