Mikeya 5:13 - Bhibhiliya Nya Guage

¹³ Nyi na fuvisa vbakari gwago sifananiso sago nya guvatwe ni sihuru sago nya miphaso, uwe gima khu na khidzima gambe mbeli nya thumo nya mandza yago.

Mikeya 5:13 Iomraidhean Croise

Isaya 2:18

Sifananiso satshavbo nya vanungungulu nya malipha si na khungumuledwa muphelo.

Isaya 2:8

Litigo lawe gambe, li tade khu sihuru nya sifananiso, va gu khozela thumo nya mandza yawe, iso va si giridego kamwe khu dzinyala dzawe.

Isaya 27:9

Khidzo kharato, nandru wa Jakobe wu na handzwa, owu a nga bani nari handro nya gutsetseledwe sighoho saye, si na dzi yeyedza khu gu va khungumulela siluvelo satshavbo, va pandrelela siwindri sakone si khala wuguvbi, va sigulela madingo ya nungungulu nya malipha Asitaroti ni sifananiso nya lidambo, si thega vbavbatshi.

Ezekiyeli 16:41

Avo va na vbisa dzinyumba dzago khu nilo, va gu tsayisa nu gu wonwa khu vanyamayi nya vangi. Nyi na gu gira u vbedze wubhayi, u si engedzi gambe gurengelela sibhayi sago.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Ezekiyeli 37:23

Gima kha va na dzi nyenyezisa gambe khu sifananiso sawe, ambari khu guvivba gwawe, mwendro khu gevbini gimbe nya guhambanise gwawe nya nayo; nyi na va vbulugisa guyeyisani gwawe gu nga va gurumedza gughoha, eni nyi va agisa. Khu guralo, avo va na khala vathu vangu, Eni nyi na khala Nungungulu wawe.

Ezekiyeli 6:9

Mayigoni momo mu na vbagedwago mu ya umo, vale va na vbulugago gu songwa va na nyi alakanya mayigoni mule va na yiswago umo guya girwa dzikhumbi; kholu va nyi swihadzide khu kota nya myonyo yawe nya wuphuphulu va hambana ni eni, maho yawe ma dogorela sifananiso sa vanungungulu vawe nya malipha; khu guhegisani, va na dzi laya vabune kamwe khu kotani nya mithumo yawe yatshavbo nya guvivbe va giridego.

Hoseya 10:2

Myonyo yawe khya wudambane; khu guralo, va na rwala nandru wawe; Pfhumu Nungungulu a na kokelela sihuru sawe nya miphaso, a pandrelela sithombe sakone.

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Hoseya 14:8

Enu va na Efrayimi: Kha nyi vbweti gambe gupwa gilo khu sifananiso sanu? Kheni kamwe nyi mu ningago phindrulo nyi bwelo khavbo nyi mu sayisa. Eni nya gu nyuga gu fanana ni simbo nya pinyu, mihandro yago, ya gu dugela avbo gwangu.

Nahume 1:14

Aholu, Pfhumu Nungungulu ningide nayo nya gukhuye, khu mahembeni gwago, kha gu na velegwa gambe muthu a na gu yisago mbeli lina lago; Nyi na khungumulela satshavbo sifananiso nya guvatwe niso nya gupfhudwe si guromo nyumbani ga nungungulu wago. Nyi vega umo lithowo lago, kholu uwe khu phasi gilo.”

Sofoniya 1:4

Nyi na thawuludza libogo langu nyi bayisa Judha ni vathu vatshavbo va vbanyago Jerusalema. Nyi na fuvisa ga wulanga wowu, esi si nga tshadego sa Bhahali, nungungulu nya malipha, ni malina ya vaphasi vaye nya mhamba ni vaphasedzeli vakone,

Zakariya 13:2

Khu litshigu lolo, a ngu ganela Pfhumu Nungungulu nya Tshivba Yatshavbo, khuye nyi na fuvisa tigoni ga Israyeli malina ya vanungungulu nya malipha, gima va si alakanywi gambe, nyi na tutumisa gambe tigoni vaprofeti nya malipha ni liphuvbo nya gunyenyeze.

Gutuledwa 9:20

Ambari ga sigaradzo satshavbo sesi, vale va nga vbulugago, kha va dzi kodza gu vbindrugedza mavbanyelo, va nyenya sithombe nya guwumbwe khu mandza yawe, kha va diga gu khozela sikwembu ni sithombe nya guwumbwe khu ndralama, khu parata, mwendro khu sugu ni misimbo. Va rana vanungungulu sithombe nyamba wona, nyamba pwa, nyamba gimbila.

Valamuli 18:17

Aholu, avbo va nga gwelago vama vale nya livbandre, va nga bani va hongode vaya sola litigo, va di bela nyumbani, va dzega gifananiso nya guvatwe, efodhe, terafinisi ni gifananiso nya gupfhudwe, muphasi nya mhamba a di simama gu ema vbanyangwatunu, gumogo ni livbandre na limwedo mazana vama va nga bani va somide matshari nya nyimbi.