Mikeya 4:8 - Bhibhiliya Nya Guage

⁸ Uwe likhokhola nya tshambi, gigomo nya lidhoropa la Siyoni, avbo gwago wu nata wufumu nya guhegule, a gu mufumo wa nyamahegyane wa Jerusalema.

Mikeya 4:8 Iomraidhean Croise

Genesi 35:21

Khu vbale, Jakobe a di khuga aya vbaha tshatsha waye khisikheyi ga Migidhali-Edheri

2 Samuweli 5:7

Aholu Dhavhidhe a di va pala a wandra likhokhola la Siyoni, a gu ilo Didhoropa la Dhavhidhe.

Nehemiya 3:25

Palali, mwamana wa Uzayi, a di vbahedza gukhugela vbakhonatunu, ni vbalangwetunu yi khugelago vbanyumbatunu nya wufumu, yi guromo vbafuvbi ni mwanya nya lipaso; khu hwane gwaye, a thuma Pedhaya, mwamana wa Parosi.

Dzindzimo 24:7

Enu myanya, khusedzani mihungo yanu; khusegani enu malimba ya gale, gasi a bela Mufumeli nya Wudhumo!

Dzindzimo 48:3

Dzinyumbani gwawe nya wufumu, Nungungulu a ngu dzi wonegisa kha nga wuthavelo.

Dzindzimo 61:3

Kholu uwe u wuthavelo wangu. Uwe u womo kha nga langwe nya tshivba, u nyi vbulugisago ga valala!

Gizimba 4:4

Thamo yago ya gu fanana ni likhokhola la Dhavhidhe li vbahidwego gasi gu vegedzela matshari, umomo gu vbayegidwe likhumi mazana sitshangu, sitshangu satshavbo nari sa dzindrena nya gudwane nyimbi.

Isaya 1:26

Nyi na gu wuyisela valamuli vago, nya gufanane ni vale va gale, ni vasingalagadzi vago kha nga guhegulani; khavbo u na ranwago nyaluphye, gupwani u lidhoropa nya gululame ni gutumbega.

Isaya 10:32

Khu litshigu lolo kamwe, Asiriya a na vboha Nobhi; a yeyedza gibhakela ga nyamahegyane wa gigomoni ga Siyoni, ni ga gigomwana gya Jerusalema.

Isaya 5:2

A li limide a dusa siwindri, a gira libhiyo, a yala miuvha nya gutsakise; khu vbakari a di vbaha nyumba nya gukhale avbo ghadhi, a vbaha ni gikhwathi nya gugamele avbo dziuvha; a di gu lindrela gukhuye lithembwe li na velega dziuvha nya dzadi, aholu li di velega dziuvha nya guvave.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 7:18

Aholu, sihathwa sa wule a Khusegidego ngudzu, khavo va na gu ningwago mufumo wu khala wawe kala gupindruga ni gupindruga.

Obhadhiya 1:21

Avo va nga palago va na gwela gigomoni gya Siyoni, gasi guya lamula gigomo gya Esawu, mufumo wakone wu na bani wuri wa Pfhumu Nungungulu.

Mikeya 2:12

Gasi olu, nyi na bwelo khavbo nyi tombanisa vathu vago vatshavbo uwe Jakobe, nyi tshanganisa ni mitshaledwa ya Israyeli; nyi na va pata dangamwedo nga dzinvuta dza Bhozira, nga tshambi wu guromo phandroni, gu na pwala ligwaha nya likhongolo, khu kotani nya gutale nya vathu.

Zakariya 9:10

Nyi na pfhungumula dzikareta nya nyimbi dza Efrayimi ni dzikavalu dza Jerusalema; wulaho nya nyimbi wu nata fanyeledzedwa. Uye a na huwelela gurula ga mayigo; mufumo waye wu na khugela yiphwa kala yimbe yiphwa; wu na khugela tsongoni wa Ewufrate kala mahegiso nya mafu.

Zakariya 9:12

Bwelelani likhokholani gwanu enu sibotshwa, mu tadego khu gutumba; muhuno nyi ngu tivisa gukheni nyi na mi bweledzela satshavbo khu nyondro mbili.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Mitengo 24:19

Khu ga Jakobe gu na duga mufumeli, a na mbembisa avo vatshadego madhoropani.

Matewu 21:33

“Yingisani gimbe gipimaniso: Babe moyo nya ndranga a di lima lithembwe, a yala miuvha, a gu bhiya, a gira gitshindro nya dziuvha ni gikoli nya gughadhe khavbo. Na vbedzide, a di li tshiyedza valimi a gu endra a hongola hwindzo.

Marko 12:1

Khu hwane, Jesu a di phela gu ganela vbakari gwawe khu sipimaniso, khuye: “Muthu nya gukari a di yala lithembwe nya miuvha, a li bhiya, a gira gikhwathi, a vbaha gitezi, na vbedzide, a di tshiyedza valimi, a endra a gu hongola hwindzo.

Vaefeso 1:21

A mu vegide vbatshani nya mufumo ni wufumu, ni wugulu, ni tshivba ni malina yatshavbo ma thangisidwego, nasiri mafuni momu basi, aholu ni ga litigo li nga gutago.

Gutuledwa 22:5

Gima kha gu na manega gambe wutshigu; kha gu na vbwetega safa nya mwenge, ambari guwenengedza nya lidambo, kholu Pfhumu Nungungulu a na wenengedza vbatshani gwawe, avo va na fuma khu gupindruga nya gupindruge.