Mikeya 4:5 - Bhibhiliya Nya Guage

⁵ Kholu mafumbu yatshavbo ma na gimbila, muthu ni muthu ni nungungulu waye, aholu ethu hi na landra lina la Pfhumu Nungungulu wathu, khavbo gu si vbeligo.

Mikeya 4:5 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

2 Dzipfhumu 17:29

Aholu litigo ni litigo li di gira vanungungulu vaye, va vega dzinyumba dza malangani nya gukhugege, dzi vbahidwego khu va Samariya, litigo ni litigo dhoropani gwaye va nga bani va vbanyela umo.

2 Dzipfhumu 17:34

Kala na muhuno va nga gu landrisa sihena nya tumbunugo wawe nya guphele; kha va thavi Pfhumu Nungungulu, ambari gu landrisa sileletelo saye, kha nga idzo a rumago khidzo, ni Nayo oyu Pfhumu Nungungulu a nga ningago sanana sa Jakobe, uye a nga mu thangisa lina la Israyeli.

Dzindzimo 20:6

Olu nyi ngu dziti nya gukheni Pfhumu Nungungulu, a ngu vbanyisa gihathwa gyaye; a ngu gi hakha khu nyumbani gwaye nya guage ndzadzini, khu siliwugiso sa nyamudye gwaye nya guvbanyise.

Dzindzimo 48:14

Oyu khu Nungungulu, khuye Nungungulu wathu kala gupindruga; khuye a na hi endredzago kala gufa.

Dzindzimo 71:16

Nyi na wonegisa mithumo ya tshivba yago Pfhumu Nungungulu; nyi huwelela gukheni uwe basi khuwe u gu wadi

Isaya 2:5

Enu livelego la Jakobe deluni, hi gimbile guwonegelani ga Pfhumu Nungungulu.

Isaya 26:13

Ama Pfhumu Nungungulu wathu, hi diri ni vambe vafumeli va hi fumedego, aholu khu kotani nya tshivba yago, ethu hi ngu rungudza lina lago.

Isaya 26:8

Hi ngu lirela gulamula gwago Pfhumu Nungungulu. Gusuva gwathu nya gukhongolo, khu gu alakanya lina lago.

Jeremiya 32:40

Nyi na gira navo gidzumeledzwano nyamba vbela, gambe kha nyi na diga gu va kategisa; nyi na thela myonyoni gwawe mapimo nya gu nyi ninge githawo gasi va si hambani ni Eni.

Zakariya 10:12

Eni nyi na va tiyisa tshivbani ga Pfhumu Nungungulu, va na gimbila linani gwangu; a ngu ganela Pfhumu Nungungulu.

Mithumo 14:16

Ga mimela yi vbindridego dzumedziside gukhuye vathu va gimbile khu dzindzila nya tumbunugo wawe;

Dhewuteronome 27:10

khu guralo, yingisani satshavbo iso Uye a mi rumago, ni gu landrisa sirumo ni milayo yatshavbo eyi muhuno nyi mi ningago.”

Vakolosi 2:6

Kha nga olu mu hakhidego Pfhumu Jesu Kristo, gu vbwetega mu vbanya khu gupwanana naye,

Vakolosi 3:17

Silo satshavbo mu na ganelago mwendro gu si thuma girani khu lina la Pfhumu yathu Jesu Kristo, mu bonga Nungungulu Babe khu uye.

Josuwa 24:15

Aholu mwa gu si wona siri sadi gu khozela Pfhumu Nungungulu, hathani muhuno khu mani mu yelago gu mu thumela: Vanungungulu va nga khozedwa khu vababe vanu na vari khisikheyi nya tsongo wa Ewufrate, mwendro vanungungulu va Vaamori mu vbanyago tigoni gwawe. Gasi eni ni ndranga yangu hi na khozela Pfhumu Nungungulu.