Mikeya 4:1 - Bhibhiliya Nya Guage

¹ Aholu, khu matshigu nya guhegise, gu na wonega gigomoni momu nya Nyumba ya Pfhumu Nungungulu, gi na khusedzwa vbatshani nya sigomo satshavbo, gi lapha guvbindra sigomwana satshavbo, mafumbu yatshavbo ya mafuni ma na tutumela iyoyo.

Mikeya 4:1 Iomraidhean Croise

Genesi 49:1

Khu hwane, Jakobe a di ranisa sanana saye a si embela, khuye: Tshanganani kholu nya gu vbweta gu mi tivisani esi si na gu dugelelago khu matshigu ma ngu gutago.

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Dzindzimo 110:3

Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Dzindzimo 48:1

Pfhumu Nungungulu khongolo, a ngu yela gu rungudzwa ngudzu, dhoropani ga Nungungulu wathu.

Dzindzimo 86:9

Mifumo yatshavbo u yi giridego yi nata khidzima mbeli gwago uwe Pfhumu, yi na dhumisa lina lago.

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Isaya 43:6

Nyi na ganela ga mayigo ya Wuronga, kheni: Va tshudzise; ga mayigo ya Marandzi, kheni: U nga va himbedzeli! Nyi resele sanana sangu nya madzaha si guromo mayigoni ya hwindzo; ni sanana sangu nya vanyamahegyane si guromo mahegiso nya litigo,

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 54:2

Engedzela guanama nya tshatsha wago; u thawuludza khu guvbiredza mwendra nya tshatsha wago, u nga wu rodzisi; ghwimba dzingodzi dzaye u tsitsa gwadi dziphingwi.

Isaya 56:7

avo navo nyi na va dzega nyi va yisa gigomoni gwangu nya gukatege, nyi ya va tsakisa Nyumbani gwangu nya Milombelo. Miphaso yawe nya guvbiswe ni dzimhamba dzawe, si na hakhwa siluveloni gwangu, kholu Nyumba yangu yi na ranwa nyumba nya Milombelo ga mayigo yatshavbo.

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Jeremiya 3:17

Khu gikhati gyogyo, Jerusalema gu na ranwa Gikhalo nya wufumu wa Pfhumu Nungungulu; gu na ya tombana gwaye mayigo yatshavbo guya rungudza lina la Pfhumu Nungungulu, kha va na gira gambe iso si godwago khu gudzina nya myonyo yawe nya guvivbe.

Jeremiya 31:12

Va na wuya na va gu womba mikulungwane nya gutsake kala gigomoni gya Siyoni, va tsakela dzithomba va ningidwego khu Pfhumu Nungungulu a gu edzi: Tirigu, wadwa, mafura, dzinvuta ni simombyana; hefemulo wawe wu na khala kha nga lithembwe li theledzedwago mati, gima kha va na nga vbela gambe tshivba.

Jeremiya 48:47

Pfhumu Nungungulu a ngu ganela, khuye: Khu guhegisani, nyi na wuyisa vatshavbo va vbagedwego va na Mowabhi. Ogu khu gu hegisa nya gulamudwe ga Mowabhi.

Ezekiyeli 38:16

U na hongola u ya sasela vathu vangu va na Israyeli, kha nga lipfhi li fenengedzago litigo. Khu matshigu nya guhegise nyi na gu rumela guya dhumela litigo langu, gasi mayigo ma nyiti, gikhati nyi na gu dzi agisago khavbo gwago, uwe Gogi.

Ezekiyeli 40:2

Khu siwoniso, Nungungulu a di nyi yisa tigoni ga Israyeli, aya nyi vega gigomoni nya gulaphe ngudzu; avbo khu Marandzi gakone, gu diromo dzinyumba nya sitezi dzi nga bani dzi fanana ni lidhoropa.

Ezekiyeli 43:12

Nayo nya Nyumba ya Nungungulu, khowu: Dzitshokhani gwatshavbo nya gigomo, dzibambe gwaye gwatshavbo, gu na bani gu agide ngudzu. Oyu khu nayo nya Nyumba ya Nungungulu.

Dhaniyeli 10:14

Olu nyi dzude guta gu tivisa iso si na gu giregago ga vathu vago khu matshigu nya guhegise, kholu giwoniso gya gu ganela khu silo si ngarigo hwindzo ni gu girega.”

Dhaniyeli 2:28

Aholu womo Nungungulu moyo ndzadzini a tugulago misihalo; uye a pwadzede mufumeli Nabhukodhonosori, iso si na gu mu dugelelago matshiguni yaye nya guhegise. Ndroro yago ni siwoniso sa vbadawutunu gwago khesi:

Dhaniyeli 2:35

Khavbo avbo, simbi, libumba, sugu, parata ni ndralama si di khungumuledwa, si gira nga mungu nya tirigu nya guvbudwe vbamarongatunu, si di vbuvbiswa khu phuvbo si mwalalega. Aholu giwindri gi nga pandra gifananiso gi di vbindrugedza gi khala gigomo nya gikhongolo gi fenengedza litigo latshavbo.

Dhaniyeli 2:44

Khu matshiguni ya vafumeli vovo, Nungungulu wa ndzadzini a na emisa wumbe mufumo nya gu gima kha wu na khoziswa khu mambe mafumbu. A na pfhungumula ni gu mbembisa mifumo yatshavbo ya vafumeli vale, mufumo waye wu na tiya kala gupindruga.

Dhaniyeli 7:14

Va di mu ninga gufuma, wudhumo ni mufumo, gasi mayigo ni vathu nya malimi yatshavbo va mu thumela. Wufumu waye khwa gu kala gupindruga, wu mwalo mahegiso, mufumo waye gima mwalo a na gu wu dzegago.

Dhaniyeli 7:18

Aholu, sihathwa sa wule a Khusegidego ngudzu, khavo va na gu ningwago mufumo wu khala wawe kala gupindruga ni gupindruga.

Dhaniyeli 7:22

Kala guta Lidhota la gale, li ta lamulela sihathwa sa wule a Khusegidego ngudzu; kala gi vboha gikhati nya guningwe mufumo sihathwa.

Dhaniyeli 7:27

Khu guralo, mufumo, tshivba ni wugulu nya mifumo yatshavbo ya mafuni, yi na ningedwa ga lihundzu nya sihathwa sa oyu a Khusegidego ngudzu. Mufumo waye khwa kala gupindruga, vafumeli vatshavbo va na mu khozela ni gu mu yingisa.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Zakariya 14:10

Litigo latshavbo li na vbindrugedza li khala nga lipani, gukhugela Gebha kala Rimoni, khu phuvbo ga Marandzi ga Jerusalema; Jerusalema gu na khusedzwa bwelo khavbo gu khala wulangani gwaye, gukhugela nyangwani ga Bhejami kala nyangwani nya lidimba nya guhegule, kala Nyangwa ya Khonatunu, ni gukhugela Langwe ya Hananeli kala mabangani ga mufumeli.

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Zakariya 8:3

Pfhumu Nungungulu a ngu ganela kharati, khuye: “Nyi na bwelela Siyoni, nyi ya vbanya vbakari nya lidhoropa la Jerusalema; Jerusalema gu na ranwa lidhoropa nya lisine, ni gigomo gya Pfhumu Nungungulu nya Tshivba Yatshavbo gi na ranwa gupwani Gigomo nya Guage.”

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Mithumo 2:17

‘Si na dugelela matshiguni nya guhegise, khu Pfhumu a ganelago, nyi na tshisa Liphuvbo langu vbatshani nya vathu vatshavbo, sanana sanu nya sikhwathana niso nya sagadzyana si profeta madzaha yanu ma na wona siwonegiso ni sikhosane sanu si na lora dzindroro.

Vahebheru 1:2

Gasi olu, ga gikhati gegi nya guhegise, Nungungulu ganede gwathu khu Mwanaye, oyu a vangidego khuye litigo latshavbo, a gu mu ninga tshivba nya gufumele silo satshavbo.

2 Pedro 3:3

Guphela gu vbweta mu dzitini gukhenu guvbelani nya matshigu va na dugelela vathu va nya gufumwa khu gunavela gwawe, va na mi poyila,

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”

Gutuledwa 20:4

Nyi di wona gambe mihefemulo ya vale va nga songwago kholu va nga tumbegago khu gu fakaza Jesu ni Mahungu ya Nungungulu. Avo kha va nga khozela girengo ambari gifananiso gyaye, gambe kha va dzumela gu vegwa gifungo gyaye vbagiwombotunu ambari mandzani. Avovo va wugide va vbanya, va gu fuma gumogo ni Kristo gipimo nya likhumi mazana (1.000) myaga.