Mikeya 2:8 - Bhibhiliya Nya Guage

⁸ Aholu, khu gikhati nya gidugwane, enu mu vbindrugedzide mu wugela vathu vangu gukhwatshi valala vanu. Mu wandrela gifenengelo vale va dzi vbindrelago khu gurula va si khathaligo khu gu dwana nyimbi.

Mikeya 2:8 Iomraidhean Croise

2 Samuweli 20:19

Eni nyi moyo nya va nya gurula ni gutumbega tigoni ga Israyeli; gasi uwe wa gu vbweta gu mbembisa lidhoropa leli li gu mayi nya madhoropa ya Israyeli. Khu ginani u vbwetago gu fuvisa thomba ya Pfhumu Nungungulu?”

Dzindzimo 55:20

Muthu yoyo a di khusa mandza a wugela avo va nga bani vari ni gurula naye; a nyenyezisa gidzumeledzwano gyaye.

Isaya 9:21

Manasi a ngu dhumela Efrayimi, Efrayimi nuye a ngu dhumela Manasi; khu wuvili wawe va gu wugela Judha. Ambari khu guralo, likhulo laye kha li bosi gilo, ni libogo laye li nga thawulugide.

Jeremiya 12:8

Vathu nya thomba yangu, va di nyi wugela va khala kha nga nghala ya khabini; va khuside lito va nyi bhongela; khu kota nya isoso, nyi di va gorogela.

Mikeya 3:2

Aholu mwa gu nyenya gululama mu gola wuvivbi; mwa gu dusa lidowo la vbatshani la vathu vangu, ni nyama yawe ya vbatshani nya marambo yawe.

Mikeya 3:3

Mu ngu hodza nyama nya vathu vangu, mu va dusa lidowo lawe, mu va fanyeledzela marambo yawe, mu ma pilela kha nga khwatshi nyama mu vbwetago gu thela khalini mwendro bhotani.

Mikeya 7:2

Va nya gululama va fuvide tigoni; gu mwalo gambe vbakari nya vathu uye a lulamidego; vatshavbo vomo va dzi lulamisela gasi gu vbaladza novba; moyo ni moyo womo gu demba ndriyaye khu ligoga.

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.