Mikeya 2:5 - Bhibhiliya Nya Guage

⁵ Khu guralo, kha mu na mana wa tshanganoni ga Pfhumu Nungungulu, a na gu gu pimelago khu ngodzi, wulime wu lumbago vathu vaye.

Mikeya 2:5 Iomraidhean Croise

2 Dzipfhumu 17:23

kala Pfhumu Nungungulu a mu ndreyisa mbeli gwaye, kha nga idzo a ganedego khidzo khu magana ya sithumi saye, a gu vaprofeti vatshavbo; khu guralo, Israyeli a di duswa tigoni gwaye a vbagedwa a yiswa tigoni ga Asiriya, umo a vbahidego umo kala na muhuno.

1 Dzikoronika 16:18

khuye: Nyi na gu ninga litigo la Khanani, li khala gipandre nya thomba yago.

Nehemiya 7:61

Ava khavo va ngatago khu Teli-Mela, Teli-Harisa, Kerube, Adhomi ni Imeri, aholu kha va kodza guthokozela lihundzu la vababe vawe ambari ni lifumbu lawe, gukhawe mwendro vagulumba va na Israyeli.

Dzindzimo 16:6

Nyi kabanisidwe giavelo malangani ma nyi tsakisago, lisine, nyi ningidwe thomba nya yadi ngudzu.

Hoseya 9:3

Kha va na simama gu khala tigoni ga Pfhumu Nungungulu, aholu Efrayimi a na bwelela tigoni ga Egipito, va naya hodza guhodza nya gunyenyeze tigoni ga Asiriya.

Mitengo 34:13

Mosi a di leletela va na Israyeli, khuye: “Eli khu litigo mu yelago gu li kabanisela khu gu lola dzisolo, Pfhumu Nungungulu a rumedego gu ningela ga livbandre na mana mahundzu ni gipandre.

Mitengo 34:16

Pfhumu Nungungulu a di ganela gambe ga Mosi, khuye:

Dhewuteronome 23:2

Muthu wule a velegidwego wubhayini a nga dzumedziswi gu bela tshanganoni wa Pfhumu Nungungulu; ambari ni situgulwana saye kala gitugulwana nya likhumi, kha va na bela tshanganoni wa Pfhumu Nungungulu.

Dhewuteronome 23:8

Sanana va na velegago, gukhugela melana nya wuraru si na dzumedziswa gu bela tshanganoni wa Pfhumu Nungungulu.

Dhewuteronome 32:8

Gikhati Uye a Khusegidego ngudzu a nga bani a kabanisela dzithomba mayigo, gikhati a nga bani na kavedzela khu mahundzu sanana sa Adhamu, a di vegedzela mivbingano nya mayigo, gu khedza khu tengo nya sanana sa Israyeli.

Josuwa 18:10

Khavbo avbo, Josuwa a di lola dzisolo mbeli ga Pfhumu Nungungulu, a kavedzela litigo sanana sa Israyeli gukhedza khu dzinyumba dzawe, nari khu tigoni ga Silo.

Josuwa 18:4

Hathani vama vararu khu lihundzu ni lihundzu, gasi nyi va rumela va dzundrulugela litigo na va gu lovetela malanga va ma wonago na ma gu yela gu khala thomba avbo gwawe, khu hwane va na wuya va ta nyi ninga, gasi nyi kodza guti makabaniselo yakone.