Mikeya 2:2 - Bhibhiliya Nya Guage

² Va gu dogorela marembwe va gu ma wandra, va gu dogorela dzinyumba, va gu dzega khu kanu; kharato va gu gira dzihanyi ga mwama nya gukari gumogo ni ndranga yaye, ga muthu nya gukari gumogo ni thomba yaye.

Mikeya 2:2 Iomraidhean Croise

1 Dzipfhumu 21:1

Wonani esi si nga dugelela hwane nya sigiro satshavbo sesi, Nabhoti wa Jezireyeli a diri ni lithembwe nya miuvha vbafuvbi ni nyumba nya wufumu ya Akabi, mufumeli wa Samariya.

2 Dzipfhumu 9:26

Khu lisine, a ngu ganela Pfhumu Nungungulu, kha nga vbanova nyi wonidego novba wa Nabhoti, u na wu livba idzosaye mahangeni momu, a ngu ganela Pfhumu Nungungulu. Olu mu khuse u mu dzudzuga mahangeni momu, kha nga idzo a ganedego khidzo Pfhumu Nungungulu.”

Joba 31:38

Lithembwe langu la gu dilela khu mahungu yangu, ni mafu yaye ma gu tala khu marongo,

Ekisodha 20:17

U nga dogoreli nyumba ya muthu kwanu. U nga dogoreli mwangadzi wa muthu kwanu; mwendro githumi gyaye nya mwama mwendro nya nyamayi, ambari mombe yaye, mwendro buru yaye, mwendro gimbe gilo gi mu lumbago, u nga gi dogoreli.

Isaya 3:14

Pfhumu Nungungulu a nguta lamula madhota ya tigoni gwaye, gumogo ni vathangeli va vathu vaye, kholu, khenu mu ghohetedego lithembwe leli, mu tadzide dzinyumba dzanu khiso mu nga bela sisiwana.

Isaya 5:8

Libango ga avo va hengeledzelago dzinyumba, avo va engedzelago marembwe gikhati gyatshavbo, kala va gu khala vamune nya malanga yatshavbo nya litigo.

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Ezekiyeli 18:12

A tshanisa sisiwana ni vahamugi, a gira wuvafa, a si bweledzi esi a fiyaridego. A khozela sifananiso ni gu gira mithumo nya guvivbe.

Ezekiyeli 22:12

Vbakari nya vathu vago, vomo va dzumelago gu rengeledwa gasi gu vbaladzwa novba; va fuyariside dzitsapawu gasi gu kodza gu mana bhindzu, u kanganyisa muakelane wago khu gu mu dzegela silo saye; gambe uwe u divaledwe khu eni.” A ngu ganela Pfhumu Nungungulu.

Ezekiyeli 22:13

“Wonani gukhenu nyi na tsayisa khu mandza yangu wuvafa wanu, ni wughevenga wanu, mu wu giridego vbakari gwanu.

Ezekiyeli 33:26

Enu mwa gu tumba matshari yanu, mu gira silo nya gunyenyeze, moyo ni moyo nya enu a gu nyenyezisa mwangadzi wa muakelane waye; ina mu na li manani litigo leli, gani?

Ezekiyeli 45:9

Mune Pfhumu Nungungulu, a ngu ganela kharati, khuye: “Enu vafumeli va Israyeli, hegisani; digani dzihanyi ni gutshanisa, girani gululama ni wuwadi; digani gu wandra iso si gu sa vathu vangu; a ngu ganela Mune Pfhumu Nungungulu.

Ezekiyeli 46:18

Mufumeli mwalo fanelo nya gudzege dzithomba dza vathu, kha yedwi khu gu va tutumisa dzithombani gwawe; thomba yawe va na tshiyela sanana sawe, gasi vathu vangu, ni moyo a si duswi ga thomba yaye.”

Ezekiyeli 8:17

Khavbo avbo, uye a di nyi embela, khuye: “Mwamana wa muthu, u si wone isoso, gani? Ina silo nya nga isoso, si vbevbugide ga va na Judha gu gira silo nya manyala nya nga esi, gani? Khandri va gu nyi gorosa? Wona! Avo va gu hidzimisa litamo vbafuvbi ni dzithonvu dzawe!

Amosi 2:7

Va gu gandra hungo wa muhamugi gukhwatshi va gu gandra kudzudzwane nya mafu, va wegedza dzindzila dza vathu nya gurule. Babe ni gyanana va gu hengela nyamayi moyo, va nyenyezisa kharati lina langu nya guage.

Amosi 4:1

Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.

Amosi 8:4

Yingisani enu mu midzago vahamugi, mu mbembisa sisiwana sa mafuni,

Mikeya 3:9

Nga yingisani esi olu, enu vathangeli nya nyumba ya Jakobe, nenu vakhongolo nya litigo la Israyeli, mu nyenyago lisine mu hambanisa iso si lulamidego,

Mikeya 6:12

Kholu sitetema si vbanyago vbakari gwanu si tade khu dzihanyi; ni vathu vawe va gu ganela malipha; ni malimi yawe khya wudambane.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

1 Thimoti 6:10

Kholu nala nya silo satshavbo khu dzitsapawu. Khu gu fumedwa khidzo, nya vangi va digide gukhodwa vaya bela guvivbani.