Mikeya 2:12 - Bhibhiliya Nya Guage

¹² Gasi olu, nyi na bwelo khavbo nyi tombanisa vathu vago vatshavbo uwe Jakobe, nyi tshanganisa ni mitshaledwa ya Israyeli; nyi na va pata dangamwedo nga dzinvuta dza Bhozira, nga tshambi wu guromo phandroni, gu na pwala ligwaha nya likhongolo, khu kotani nya gutale nya vathu.

Mikeya 2:12 Iomraidhean Croise

Genesi 36:33

Gikhati a fudego Bhela, wulanga waye a di fuma Jobhabhi, mwamana wa Zera wa Bhozira.

1 Dzikoronika 1:44

Hwane nya gu bani a fude Bhela, a di tshikedzwa khu Jobhabhi, mwamana wa Zera, a nga velega ni Bhozira, fumide wulangani gwaye.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 27:12

Khu litshigu lolo, Pfhumu Nungungulu a na vbula mavbila yaye gukhugela tsongoni wa Ewufrate, kala tsongoni wa Egipito; Gasi enu va na Israyeli, mu na roledwa khu moyo ni moyo.

Isaya 34:6

Litshari la Pfhumu Nungungulu li tade khu novba, li fenengedzidwe khu mafura ni novba nya dzinvuta ni vanyamabhongwe, ni mafura nya dzitshwa nya dzihamba. Kholu Pfhumu Nungungulu a ngu gira miphaso tigoni ga Bhozira, ni gusongetela nya gukhongolo tigoni ga Edhomi.

Isaya 5:17

Khavbo avbo, dzinvuta dzi na hodza dhoropani kha nga wuhaviseloni gwawe; marembweni ga sitetema, gu na hodza umo vavbindri nya ndzila.

Jeremiya 23:3

Eni mune kamwe nyi na tombanisa dzinvuta dzi tshadego, khu mayigoni gwatshavbo dzi nga bani dzi thavede umo, nyi na dzi wuyisa mavbandroni gwawe; umo dzi na guta velegelana.

Jeremiya 3:18

Khu matshigu yoyo, Vajudha ni va na Israyeli, va na gimbila gumogo, na va guta khu tigoni ga Wuronga gasi gu hongola ga litigo nyi ningidego vababe vawe gu khala thomba yawe.

Ezekiyeli 34:11

Kholu Mune Pfhumu Nungungulu, a ngu ganela kharati, khuye: “Wonani gukhenu eni mune kamwe nyi na vbweta dzinvuta dzangu dzi dzimedego nyi dzi wuyisa.

Ezekiyeli 34:13

Nyi na dzi dusa khu ga mambe mayigo nyi dzi tombanisa, nyi dzi wuyisa tigoni gwawe nya mavelego. Nyi nata dzi havisa sigomoni sa Israyeli, vbafuvbi ni mitsongo ni malangani yatshavbo ya tigoni gu khadwago khu vathu.

Ezekiyeli 34:22

eni nyi na vbulugisa dzinvuta dzangu gasi dzi si khali guhodza nya sirengo sa khabini, nyi na lamula vbakari nya dzinvuta ni dzinvuta.

Ezekiyeli 34:31

Khu guralo, enu dzinvuta dzangu, dzinvuta nya wuhaviselo wangu; enu mu vathu, aholu eni kheni Nungungulu wanu,” a ngu ganela Mune Pfhumu Nungungulu.

Ezekiyeli 36:37

Mune Pfhumu Nungungulu, a ngu ganela kharati, khuye: Ambari khu esi, nyi nga na gu dzumedzisa gukheni va na Israyeli, va na gire nombelo, va nyi lomba gukhavo nyi va phase, nyi andrisa vathu vawe kha nga tshambi nya dzinvuta.

Ezekiyeli 37:21

Khu guralo, va embele, khuwe: Mune Pfhumu Nungungulu, a ngu ganela kharati, khuye: Nyi na dusa sanana sa Israyeli khu mayigoni va thavedego umo, nyi na va tombanisa khu maphuvbo yatshavbo, nyi va resa tigoni gwawe nya mavelego.

Amosi 1:12

Khu guralo, nyi na rotha Temani khu nilo, wu vbisa dzinyumba nya wufumu dza Bhozira.

Mikeya 2:13

Moyo a na thanga mbeli a tula ndzila; avo va na ya bela khu mwanya va bwelo khavbo va duga khuwo gambe; mufumeli wawe a na thanga mbeli; ni Pfhumu Nungungulu, a na va gimbidzisa.

Mikeya 4:8

Uwe likhokhola nya tshambi, gigomo nya lidhoropa la Siyoni, avbo gwago wu nata wufumu nya guhegule, a gu mufumo wa nyamahegyane wa Jerusalema.

Mikeya 5:7

Mitshaledwa ya Jakobe, yi na manega vbakari nya mafumbu nya mangi, kha nga hunguva yitago khu ga Pfhumu Nungungulu, kha nga mafesefese nya ndzadzi mwasini, kha yi na vega gitumbo gyaye ga muthu, ambari gu lirela sanana nya vathu.

Mikeya 5:8

Mitshaledwa ya Jakobe yi na bani yiri vbakari nya mafumbu nya mangi, ni vbakari nya vathu nya mangi, kha nga nghala vbakari nya sirengo nya likhabi, kha nga ginghalana vbakari nya mitshambi nya dzinvuta, avbo gi vbindrago, gi na dzi gandredzela ni gu dzi vbadzulela nyamba manega muthu nya gu dzi vbulugise.

Mikeya 7:14

Havisa vathu vago khu ndronga yago, a gu dzinvuta nya tshambi nya thomba yago, dzi vbanyago khabini basi, vbakari nya mahawo nya gunone; dzi yise wuhaviseloni ga Bhasani ni Gileyadhi, kha nga matshigu ma vbindridego.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Sofoniya 3:20

Khu gikhati gyogyo, avbo nyi na gu bani nyi mi tshanganiside nyaluphye, nyi na mi thangela mbeli, nyi mi ningani lina nya wudhumo vbakari ga mafumbu yatshavbo ya tigoni, avbo nyi na gu wuyisago dzikhumbi dzanu dzatshavbo dzi nga bani dzi vbagedwe na mu gu dzi wona khu maho yanu, a ngu ganela Pfhumu Nungungulu.