Mikeya 1:6 - Bhibhiliya Nya Guage

⁶ Khu guralo, nyi na gira gu Samariya a khala litala nya siwindri sa khabini, wulanga nya gu yale misimbo nya vhinya; siwindri saye si na thindriligela kovani, kala nyi tugula giseketelo gyaye.

Mikeya 1:6 Iomraidhean Croise

2 Samuweli 17:13

A gu thavela ga lidhoropa nya gukari la Israyeli, hi na mu randrela khu dzingodzi hi mu gogela tsongoni gu si tshali ni giwindri gimwegyo umo.

2 Dzipfhumu 18:10

Khu hwane nya myaga miraru va di li wandra, khu mwaga nya livbandre na moyo nya gufume ga Ezekhiya, a nga bani ari mwaga nya livbandre na wu na nya gufume ga Ozeya, mufumeli wa Israyeli, khigyo gikhati va wandridego khigyo Samariya.

2 Dzipfhumu 18:9

Khu mwaga nya wu na nya gufume ga mufumeli Ezekhiya, a diri mwaga nya livbandre na wuvili nya gufume ga Ozeya, mwamana wa Ela, mufumeli wa Israyeli; Salimaneseri, mufumeli wa Asiriya a di ta randrela lidhoropa la Samariya a li dhumela.

2 Dzipfhumu 19:25

Olu wa gu hangwa khu gukhuwe esi nyi si giride khu gale, ni gu, nyi si wumbide khu matshigu ma vbindridego, gani? Gasi olu, nya gu si gira si tadzisega nyi gu giride gu u sasela madhoropa nya makhokhola ma khala marumbi.

Isaya 17:1

Mahungu mayelano khu lidhoropa la Dhamasiko: Wonani gukhenu Dhamasiko gu na fuviswa gu si khali gambe lidhoropa, aholu, gu na khala marumbi basi.

Isaya 25:12

A na khungumula makhokhola nya mabhiyo yawe; a na ma khungumula ma thega mafuni ma khala kudzudzwane nya mafu.

Isaya 25:2

U giride lidhoropa, li khala litala nya siwindri, ni lidhoropa nya likhokhola, u li pfhungumudwe li khala marumbi, lidhoropa nya gutiye la va nya mayigo, li thegide, khandri lidhoropa gambe, gima kha li na wusedzwa gambe.

Jeremiya 31:5

Gambe u na yala mivhinya musigomwanani sa Samariya; uye a na yalago a na hodza mihandro yakone.

Jeremiya 51:25

Pfhumu Nungungulu a ngu ganela, khuye: Nyi womo avba gasi gu wugela uwe gigomo nya wupfhungumuli, uwe u pfhungumulago litigo latshavbo; nyi na phela kheni nyi gu handzega mandza yangu, nyi gu wumbulutela khu vbatshani nya siwindri u thega, u khala litala nya nguma.

Jeremiya 51:37

Bhabhiloni a na vbindrugedza a khala litala nya siwindri umo yi na vbanyelago umo migehe, gilo nya gisamadziso ni gihegiso, wulanga wu si khadwigo khu muthu.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Gililo 4:1

Gasi yi pfhurede kharini ndralama! Ndralama yi hutidwego yi pfhurede kharini! Siwindri sa wulangani nya miphaso si mbambamede umo nya mahandzakanya yatshavbo nya dzindzila! Bet

Ezekiyeli 13:14

“Nyi na khungumula libhiyo mu li londridego khu phembe; nyi li thesa vbavbatshi. Nyi na li gira li thega vbatshani gwanu mufa mwatshavbo, khavbo mu na nyitigo gukhenu, kheni Pfhumu Nungungulu.”

Hoseya 13:16

Vathu va Samariya va na rwala nandru wawe, kholu va wugedego Nungungulu wawe. Avo va na songwa khu matshari, sanana sawe si na pfareledwa, ni vagadzi vawe va gu ni dzimimba va na pferuledwa sirumbu khu vbakari.

Amosi 5:11

Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Amosi 6:8

Pfhumu Nungungulu, mune nya satshavbo, sambanyide khu hefemulo waye! Pfhumu Nungungulu nya Tshivba Yatshavbo a ngu ganela kharati, khuye: Nyi ngu swireka khu matshandza ya Jakobe, nyi ngu nyenya dzinyumba dzawe nya wufumu; nyi na ningela lidhoropa ni satshavbo si guromo umo.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Habhakuka 3:13

U dugide gasi gu ya vbanyisa vathu vago, guya vbanyisa uye u nga mu todza khu mafura, u pfhungumula nyumba ya muthu nya guvivbedwe khu monyo, u khungumula nyumba kala ni giseketelo gyaye.

Matewu 24:2

Aholu a di va hakha, khuye: “Mu ngu si wona satshavbo sesi? Khu lisine nyi ngu mi embeleni nya gukheni kha gi na tshala giwindri vbatshani nya giwindri gikwawe satshavbo si na pfhungumudwa.”