Mikeya 1:5 - Bhibhiliya Nya Guage

⁵ Satshavbo si na girega khu kotani nya guyeyise ga Jakobe ni sighoho sa nyumba ya Israyeli, khu gevbini gighoho gya Jakobe? Ina khandri Samariya? Khu wevbini wulanga nya miphaso nya vanungungulu nya malipha va Judha? Khandri Jerusalema, gani?

Mikeya 1:5 Iomraidhean Croise

1 Dzipfhumu 11:7

Khavbo avbo, Solomoni a di vbaha gigomoni gu nga khedzanago ni Jerusalema, giluvelo nya guphasele avbo Khemosi, nungungulu nya manyala wa Mowabhi, ni Moloki, manyala ya na Amoni.

1 Dzipfhumu 13:32

Kholu ma na tadzisega magana ya Pfhumu Nungungulu a nga huwelelago khu mahungu nya giluvelo gi guromo Bheteli, gumogo gambe ni dzinyumba dzatshavbo dzi guromo musigomoni sa madhoropani ga Samariya.”

1 Dzipfhumu 16:24

A di renga gigomo gya Samariya ga Semeri khu dzitaleta dzimbili nya parata. A di vbaha lidhoropa mugigomoni momo, a li rana khuye Samariya, khu kotani nya lina la Semeri, a nga bani ari mune nya gigomo gyogyo.

2 Dzikoronika 34:3

Khu mwaga nya livbandre na miraru nya gufume gwaye, na ngari lidzaha, phede gu vbweta Nungungulu wa babe waye Dhavhidhe; khu mwaga nya likhumi na mivili, a di phela gu agisa va na Judha ni vavbanyi va Jerusalema, a dusa malangani nya sigomo, sihuru nya miphaso, ni sifananiso nya guvatwe niso nya gupfhudwe.

2 Dzikoronika 34:4

Uye a di khungumulela siluvelo sa Vabhahali, a thesela sifananiso nya lidambo, si nga bani siri vbatshani gakone iso; sihuru ni sifananiso nya guvatwe niso nya gupfhudwe, a di si khungumulela si khala nguma, a si vbaladzela marowoni ga vale va nga bani va si khozela.

Isaya 7:9

Samariya tsindza wa Efrayimi, mufumeli wa Samariya, khu mwamana wa Remaliya, aholu mwa gumba khodwa, khu lisine, kha mu na simama mu vbanya, gima kha mu na tiya.”

Jeremiya 2:17

Ina satshavbo sesi, khandri si di gu dugelela kholu u nga hambana ni Pfhumu Nungungulu wago, a nga bani a gu gimbidzisa khu ndzila, gani?

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 23:13

Ga vaprofeti va Samariya nyi wonide gwadi wuphuguphugu wawe; avo va di gu profeta khu lina la Bhahali, va ndreyisa vathu vangu va na Israyeli.

Jeremiya 23:14

Aholu vbakari ga vaprofeti va Jerusalema nya gu wona silo nya guthise ngudzu; va gu gira wuphuphulu gumogo ni malipha, va gu kutsedzela vale va girago guvivba, gasi va si digi guvivba gwawe; vatshavbo nya gu va wona va gu fanana ni Sodhoma, ni vavbanyi va Jerusalema, va gu fanana ni Ghomora.

Jeremiya 4:18

Mapimo ni mithumo yago khiso si gu reselago libango leli; idzo wu vavago khidzo tsayiso yoyu! Wa gu paya kala monyoni gwago!

Jeremiya 5:25

Guvivba gwanu gu ngu ndreyisa silo sesi, ni sighoho sanu si ngu hidzimisa makategwa hwindzo nanu.

Jeremiya 6:19

Yingisa, uwe litigo! Wonani nya gukhenu nyi na resa libango vbatshani nya vathu vava, gasi va mane mihandro nya mapimo yawe nya guvivbe, kholu kha va yingisa magana yangu, va yeyiside gambe nayo wangu.

Gililo 5:16

Gihugu gyathu nya wufumu gi thegide! Libango lakone, kholu hi nga ghoha!

Ezekiyeli 16:46

Ndriyago nya koma a gu uye Samariya, a gu vbanya khu phuvbo gwago ga Wuronga gumogo ni sanana saye; ni ndriyago nya nandra a gu uye Sodhoma, a vbanyago khu phuvbo gwago ga Marandzi gumogo ni sanana saye.

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Amosi 6:1

Libango ga avo va vbanyago Siyoni na va khadzisegide, va dzipwago na va tiyide gigomoni gya Samariya, vathu nya guthavisege vbakari nya mayigo nya guhegule, mayigo ma tumbwago khu va na Israyeli!

Amosi 7:9

Malangani nya sigomo nya miphaso ya Isaki, ma na vbindrugedza ma khala marumbi, ni malangani nya miphaso ya Israyeli ma na khungumudwa; nyi na wugela nyumba ya Jerobhowamo khu matshari.”

Amosi 8:14

Vale va sambanyago khu nungungulu nya malipha wa Samariya, va ganela, khavo: “Hi ngu sambanya khu nungungulu wago, uwe Dhani; ni avo va gukhavo: Hi ngu sambanya khu ndzila yiyago Bherisebha! Vanungungulu wowo va na thega, nyamba wuga gambe.”

Mikeya 1:13

Enu vavbanyi va Lakisi, hungani mipatwa nya dzikavalu vbadzikaretatunu, (ogu khu guphela nya gughohe ga nyamahegyane wa Siyoni) kholu avbo gwanu gu manegide sighoho sa Israyeli.