Mikeya 1:3 - Bhibhiliya Nya Guage

³ Kholu, wonani nya gukhenu Pfhumu Nungungulu a ngu duga khu wulangani gwaye. A na tshiga ata gimbila khu vbatshani nya sigomo sa mafuni.

Mikeya 1:3 Iomraidhean Croise

Joba 40:12

Khedza vatshavbo va dzi gugumugisago U va thesa vbavbatshi, U gandredzela sighohi satshavbo malangani gwawe.

Dzindzimo 115:3

Nungungulu wathu womo ndzadzini a ngu gira silo satshavbo khu gugola gwaye.

Isaya 25:10

Kholu gyandza gya Pfhumu Nungungulu, gi na handzegwa vbatshani nya gigomo gegi; aholu Mowabhi, a na gandredzedwa avbo a guromo, kha nga idzo va gandredzelago khidzo mwasi talani nya ndzilo.

Isaya 26:21

Kholu, wonani nya gukhenu Pfhumu Nungungulu, a na khuga khu wulangani gwaye guta tsayisa vavbanyi va mafuni, khu kotani nya sighoho sawe. Mafu ma na funungula novba wawe, ma si sihi gambe vale va songedwego umo.

Ezekiyeli 3:12

Khu hwane, Liphuvbo li di nyi khusa, nyi dipwa lito nya gukhugege khu hwane gwangu na li gu, khilo: “Wu na rungudzwe wudhumo wa Pfhumu Nungungulu, gukhugela wulangani gwaye!”

Amosi 4:13

Kholu khuye a wumbago sigomo, a girago dziphuvbo, a pwadzela muthu makungo ma guromo monyoni gwaye, a vbindrugedza mihani gu khala gidema, a gimbila khu malangani nya gukhugege ya mafuni; Pfhumu, lina laye, khuye Nungungulu nya Tshivba Yatshavbo!

Amosi 9:5

Kholu Mune, Pfhumu Nungungulu nya Tshivba Yatshavbo, khuye a khuhago mafu, ayo ma nyiviliga, vatshavbo va vbanyago umo va na lila; ma gugumuga mati yatshavbo gu fanana ni tsongo wa Nilo, bwelo havbo ma bosa gu fanana ni tsongo wa Egipito.

Habhakuka 3:19

Pfhumu Nungungulu, khuye tshivba yangu ni guvbanyiswa gwangu, a na vbindrugedza migondro yangu yi fanana ni ya dziyisya, a na nyi gimbidzisa sigomoni gwangu. (Ga muthuledzeli umo nya sitendre sangu nya wutsendze.)

Zakariya 14:4

Khu litshigu lolo, a na ema khu migondro yaye mugigomoni nya Miolivha gi guromo mbeli nya lidhoropa la Jerusalema, khu phuvbo ga Khugadambo. Gigomo nya Miolivha gi khedzanidego ni Jerusalema khu Khugadambo kala Muhwadambo, gu na manega kova nya wukhongolo ngudzu. Gimbe gipandre nya gigomo gi na thegela Wuronga, gimbe gi thegela Marandzi.

Dhewuteronome 32:13

A di mu gira mu legalega musigomoni sa tigoni a mu hodzisa mihandro nya likhabi; a di mu ninga mu hodza wulombe wa mugiwindrini ni mafura nya guduge khu giwindrini nya gutiye,

Dhewuteronome 33:29

U kategide uwe Israyeli! Khu mani a fananago nago, uwe u gu litigo u vbanyiswago khu Pfhumu Nungungulu! A gu gitshangu gyago gi gu vhikelago, ni litshari nya wugulu wago! Valala vago va na khoziswa mbeli gwago, aholu uwe u na gandredzela malanga yawe nya sigomo!