Mavingu 9:12 - Bhibhiliya Nya Guage

¹² Wa gu bani uri ni guti, u na phaswa khugo, aholu wa gu bani uri muhembululi, u na tshaniseka.

Mavingu 9:12 Iomraidhean Croise

Joba 19:4

Ambari na nyiri ni nandru, kheni nyi wutigo.

Joba 22:21

Gasi olu, dzi tshanganise ni Nungungulu, u kodze gu mana gurula gwaye, khu kharati, u na vbanya nu tangade.

Mavingu 14:14

Uye nya guvivbedwe khu monyo a na khura khu mavbanyelo yaye, aholu muthu nya gululame a na khura khiso sa monyoni gwaye.

Mavingu 16:26

Muthu a thumago a gu gurumedzwa khu ndzala, kholu likana ni girumbu khiso si mu rumago.

Mavingu 19:29

Vathu nya dzihanyi va emedwe khu tsayiso, ni gisephu gi emede gu kwamula mihwambo ya sipumbu.

Isaya 28:22

Olu, digani gu hembulula, gasi mu si hungwi khu makhetshe nya guvbindre pimo; kholu nyi pwide khu ga Pfhumu Nungungulu nya Tshivba Yatshavbo, na gu ganedwa khu gumbembiswa litigo, gumbembiswa gogu, gu tiyide, gu na girega tigoni gwatshavbo.

Ezekiyeli 18:20

“Muthu a ghohago khuye a yelago gufa; gyanana gima kha gi na nga khala mune nya gighoho gya muvelegi waye, ambari muvelegi nuye kha na mana nandru khu gighoho gya mwanaye. Muthu nya gululame a na hakha gululama gu mu lumbago, uye nyamba lulama a na tsayiswa khu gumba lulama gwaye.”

Zakariya 12:14

Yatshavbo mambe mafumbo, lihundzu ni lihundzu khu phuvbo, ni vagadzi vakone khu yawe phuvbo.

Vagalatiya 6:5

kholu, muthu ni muthu guvbweta a rwale abune rwalo waye.

2 Pedro 3:16

Khiso esi a nga si ganelago malangalilani gwaye, gikhati a nga mi lovelani khu mahungu yaya. Malangalilani gwaye somo silo nya gugaradze gu si pima, va nya mbati ni va nya gukhodwa vbadugwana va sindrwago khiso gu si tshamusela, nga edzi va girago ga simbe sipandre nya Milowo nya Guage. Khu guralo, va gu dzi mbembisa vabune.