Mavingu 8:5 - Bhibhiliya Nya Guage

⁵ Enu nyambana mapimo gengelani; enu sipumbu hevbulani gupimisa.

Mavingu 8:5 Iomraidhean Croise

Dzindzimo 19:7

Nayo wa Pfhumu Nungungulu wu lulamide, wu ngu hefemudza monyo; wufakazi wa Pfhumu Nungungulu wu tiyide, gihevbudzo ga oyu nyambati gilo.

Dzindzimo 94:8

Enu sipumbu pimisani gwadi, anenu maphuphulu, lini mu na gengelago?

Mavingu 1:22

“Enu sipumbu, kala lini na mu nga gu hamuga mano? Ni enu vatseketseli, kala lini na mu nga gu gola gutseketsela? Enu sipumbu, kala lini na mu gu bomba gu nyi yingisa?

Mavingu 1:32

Kholu sipumbu si nafa khu gumba yingisa gwawe, ni va nyambana mapimo, va na dzi kembela liphala khu gumba dzi garadza khu gilo.

Mavingu 1:4

mavingu ma ngu gengedzisa avo nyambana mano, ma ninga madzaha wugengeli ni gupimisa.

Mavingu 3:35

Wuzundzo thomba ya va nya guti, aholu sipumbu si na hakha tshatshazelo nya dzitshoni.

Mavingu 8:12

Eni, guti, nya gu vbanya gumogo ni wugengeli, nyi mana guti khu maalakanyo nya wugengeli,

Mavingu 8:4

Nyi ngu mi embelani enu vathu; lito langu la guvbweta sanana satshavbo nya vathu.

Mavingu 9:4

“Enu mwatshavbo nyambana mapimo, deluni gwangu!” Ga avo va gumwalo mapimo, khiso:

Isaya 42:13

Pfhumu Nungungulu a na duga kha nga ndrena, kha nga muthu a dugago guya nyimbitunu, a goroga a wusa likhulo laye, a huwata, a gira ligwaha nya likhongolo nya nyimbi, a yeyedza tshivba yaye mbeli ga valala vaye.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

1 Vakorinto 1:28

Nungungulu hathide silo nya nyalidede niso nyamba phasa gilo tigoni, gasi afela gu tshisa vbavbatshi iso si wonegago gukhwatshi si na ni lisima.