Mavingu 8:34 - Bhibhiliya Nya Guage

³⁴ Kategile wule a nyi yingisago, a khedzago ndrangani gwangu matshigu yatshavbo, a lirelago mihasimoni nya mwanya wangu.

Mavingu 8:34 Iomraidhean Croise

1 Dzipfhumu 10:8

Va kategide vathu vago, si kategide sithumi sesi sago, si guromo mbeli gwago gikhati gyatshavbo si yingisa guti gwago!

Dzindzimo 27:4

Gilo gimwegyo basi nyi lombago ga Pfhumu Nungungulu, nyi gi dogorelago khu monyo wangu watshavbo: Khu gu khala Nyumbani ga Pfhumu Nungungulu matshigu yatshavbo nya guvbanye gwangu, nyi fela gunengela khu gutshamba ga Pfhumu Nungungulu ni gu alakanya Nyumba yaye.

Dzindzimo 84:10

Kholu gu khala litshigu limwedo basi nyumbani gwago, gwadi guvbindra gu khala likhumi mazana matshigu vbavbandze. Nyi ngu gola gu khala musayisi nya lidimba Nyumbani gwa Nungungulu wangu, guvbindra gu ya khala mitshatshani ya va nya guvivba.

Dzindzimo 92:13

Avo va yadwego Nyumbani ga Pfhumu Nungungulu, va na thela matamo dzindzarini nya Nyumba ya Nungungulu wathu.

Ekisodha 12:7

Va na dzega novba wakone va todza khuwo mihasimo ya mivili ni vbatshani nya mwanya nya dzinyumba va na hodzelago umo.

Mavingu 1:21

Gwa gu laledza khu mahandzakanyani nya dzindzila, gupwala ni dzinyangwani nya madhoropa, khugo:

Mavingu 3:13

Kategide muthu wule a manidego guti ni mapimo

Mavingu 3:18

Guti Simbo wu ningago womi ga vale va gu manelago, va kategide vatshavbo va gu sayisago.

Matewu 7:24

“Wule a pwago mahungu yangu a ma landrisa, a gu fanana ni mwama nya mapimo a nga vbaha nyumba yaye mugiwindrini.

Luka 1:6

Vatshavbo va vavili va di lulamide mahoni ga Nungungulu; va di gu landrisa milayo ni siguruvedzo sa Pfhumu khu ndruda yatshavbo, guvbanyani gwawe, gima kha va manwa vari ni gihoso.

Luka 10:39

Uye a diri ni ndriyaye nya gupwani khu Mariya, uye a ngata khalago vbafuvbi ga Pfhumu, gasi gupwa magana yaye.

Luka 11:28

Aholu Jesu a di hakha, khuye: “Indra, khuwe: Va kategide avo va pwago magana ya Nungungulu, va ma landrisa.”

Mithumo 2:42

Avo va di gu khathala khu gu hengela gikhati gyatshavbo umo nya sihevbudzo nya Vapostoli ni umo nya pwanano nya wundruye, ni gukabana gibaba, ni milombelo.