Mavingu 7:13 - Bhibhiliya Nya Guage

¹³ A di hidzimela ga lidzaha a li bhejari, khu khovbe nyambana dzitshoni na gukhuye:

Mavingu 7:13 Iomraidhean Croise

Genesi 39:12

nyamayi a di mu mola khu gifenengelo, na gukhuye: “Delu hi ta lala gumogo.” Aholu Josefa a di tshutumuga a tutuma a duga nyumbani a mu tshiya ni guambala mandzani.

Genesi 39:7

Gu di girega khu hwane nya satshavbo sesi, mwangadzi wa mune waye a di wona Josefa khu monyo nya gu mu dogorele, a mu embela, khuye: “Delu hi ta lala gumogo.”

Dzindzimo 59:3

Nungungulu wangu, wona avo va nyi dembelago mazinga, va wugela hefemulo wangu; va nya dzitshivba va gu nyi wugela, nya sa ghoha gilo.

Mavingu 21:29

Muthu nya guvivbedwe khu monyo, a gu khala na hungide giwombo, gasi muthu nya gululame a gu tiya mavbanyeloni gwaye.

Mavingu 9:15

a fela gu rana avo va vbindrago khu ndzila, na va thonona umo va hongolago, khuye:

Isaya 50:7

Kholu Mune, Pfhumu Nungungulu, a nyi phasedzede, khu guralo kha nyipwi dzitshoni, khovbe yangu yi tiyide nga giwindri, kholu nyi ngu dziti gukheni gima kha nyi na tedwa khu dzitshoni.

Ezekiyeli 16:33

Maphuphulu yatshavbo ma gu vbweta dzitsapawu, aholu uwe wa gu ninga siningwa sibhayi sago satshavbo, u va pfuvela gasi vate gwago khu maphuvbo yatshavbo va ta bhaya nago.

Ezekiyeli 2:4

Ga vathu nyi na gu rumelago, va bangide mihungo ni guyeyisa. U na ya va embela, khuwe: Mune, Pfhumu Nungungulu, a ngu ganela kharati.

Ezekiyeli 2:6

Uwe, mwamana wa muthu, u nga thavi, ambari gu khala hwanga khu magana yawe. Ambari va gu khala nga likhabi ni miba avbo gwago, uwe vbanya vbakari nya dzihume. U nga tedwi khu hwanga khiso va na ganelago, ambari gu thuruga khu gu va wona, kholu avo vathu nya guyeyise.

Mitengo 25:1

Avbo va na Israyeli va nga bani va vbahide tigoni ga Sitimi, vathu va di bhaya ni vanyamahegyane va na Mowabhi.

Mitengo 31:16

Wonani nya gukhenu, vanyamayi khavo va nga ghohisa va na Israyeli mbeli ga Pfhumu Nungungulu khu silayelo sa Bhalahama, gu kala va na Israyeli va ghoha mbeli ga Pfhumu Nungungulu, khu makungo ya Bhahali-Peyori, gu kala gu duga tungu wule tshanganoni ga Pfhumu Nungungulu.

Gutuledwa 2:20

Aholu, u na ni nandru kholu u digago Jezabheli, nyamayi a dzi girago muprofeti, a ndreyisa sithumi sangu, a si hevbudza gu gira wuphuphulu, ni gu hodza nyama nya guphasedwe vanungungulu nya malipha.