Mavingu 6:15 - Bhibhiliya Nya Guage

¹⁵ Khu guralo, libango li na mu thegela khu gipitipiti; khu githugedza a na thega a mbemba nyamba wuga gambe.

Mavingu 6:15 Iomraidhean Croise

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Dzindzimo 50:22

Khu guralo, pimisani esi, enu mu divalago Nungungulu, gasi nyi si mi vbadzuleli, mu hamuga ni muthu nya gu mu vbulugise.

Dzindzimo 55:15

Va na pfinywe khu lufu, va relela phalani nya vafi va nga gu vbanya, kholu va gu fumbela guvivba myonyoni gwawe.

Mavingu 1:26

khu guralo, eni neni nyi na mi hega litshigu mu na dugedwago khu mhango, gikhati mu ndrendremelago, eni nyi na mi tsorodzela;

Mavingu 1:27

khu gu mi wona na mu gu tedwa khu hwanga nya nga gingulu ni mhango nya nga gipupwane, ni avbo mu na gu vbohedwago khu miketo ni wuvi.

Mavingu 14:32

Muthu nya guvivbedwe khu monyo, a na theswa khu mithumo yaye, aholu muthu nya gululame ambari na gu fude a na ni gitumbo.

Mavingu 24:16

kholu muthu nya gululame, ambari a thega livbandre na dzimbili dzinyondro, uye a na wuga, aholu vathu nya guvivbedwe khu monyo, litshigu nya mhango, va na thegela muphelo.

Mavingu 24:22

Kholu mhango yawe yi na vboha khu githugedza, khu mani a litigo litshigu nya gumbembiswe ga vathu vava?

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Mavingu 6:16

Somo livbandre na gimwegyo silo a si vengago Pfhumu Nungungulu, nya livbandre na sivili si gorosago hefemulo waye, a gu esi:

Jeremiya 19:11

u na va embela, khuwe: Pfhumu Nungungulu nya Tshivba Yatshavbo, a ngu ganela kharati, khuye: Khu magirelo yoyo, nyi na pandrelela vathu vava gumogo ni lidhoropa leli gukhwatohi khu muthu a pandrago kanvu nya libunda, a si wu kodzi gu wu wusedza gambe, va na dzingwa dhoropani ga Tofeti khu gu hamugega wumbe wulanga nya gu va dzinge avbo.

Ezekiyeli 11:13

Gikhati eni nyi nga bani nyi profeta, Pelatiya, mwamana wa Bhenaya, a difa. Khavbo avbo, nyi di khidzima nyi kuha mafu khu khovbe, nyi lila khu lito nya gukhugege, kheni: “Ah! Mune Pfhumu Nungungulu! Ina u na mbembisa mitshaledwa yatshavbo ya Israyeli, gani?”

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.