Mavingu 6:14 - Bhibhiliya Nya Guage

¹⁴ Monyoni gwaye gu tade khu wudambane; gikhati gyatshavbo a gu luga gikungo nya guvivbe, a wusa mayunga.

Mavingu 6:14 Iomraidhean Croise

Dzindzimo 140:2

avo va gu kho va alakanyela guvivba monyoni gwawe; matshigu yatshavbo va gu tshangana va wusa mayunga.

Dzindzimo 140:3

Va gu lodza malimi yawe gukhwatshi dzinyoga, magana yawe kha nga wuhungu nya mamba.

Dzindzimo 36:4

Vbadawutunu gwaye, a gu hingigedzela guvivba basi; a gu simama gubela khu ndzila nyambasi yadi, gima kha nyenyi guvivba.

Mavingu 14:22

Avo va lugago makungo nya ugo nya guvivbe, va gu gira gihoso! Aholu lihaladzo ni gutumbega, somo ga avo va lulamidego.

Mavingu 16:27

Muthu nya madhadhavale a gu luga mano nya guvivbe, magana yaye khya guvbisa nga malavbelavbe nya nilo.

Mavingu 17:20

Muthu nyambana mapimo gima kha mani gurula, ni muthu nya mapongowongo a gu thegedwa khu mhango.

Mavingu 2:14

va tsakiswago khu gu thuma silo nya guvivbe, va nengedziswago khu gu girela ndrwadza vakwawe;

Mavingu 21:8

Muthu nya guvivbedwe khu monyo ndzila yaye yi wegede, gasi ya uye nya monyo wu agidego yi lulamide.

Mavingu 22:8

Uye a yalago wuvivbi, a na vbwera tshanisa; ni ndronga a tshanisago khiyo vakwawe, yi na mu fanyegela.

Mavingu 24:8

Uye a lugago gikungo nya silo nya guvivbe, a na ranwa gupwani muvangi nya matshoho.

Mavingu 3:29

U nga lugeli makungo nya guvivbe muakelane wago, kholu uye a gu vbanya nago na gu tumba.

Mavingu 3:32

Kholu Pfhumu Nungungulu kha goli va nya guvivbedwa khu myonyo, aholu a gu tsakiswa khu va nya gululama.

Isaya 32:7

Mipimiso ya muthu nya gidambane, yi vivbide, a gu gira makungo nya guvivbe, gasi gu ghohetela mahungu nya sisiwana khu malipha, a si ganedza ambari sa gu ganela lisine.

Isaya 57:20

Aholu avo va nya guvivbedwa khu myonyo, va gu fanana ni linene li vbenyago, li gumba dzi kodza gurula, mavimbi yakone ma gu vhilusa maraga ni liguvi.

Ezekiyeli 11:2

A di nyi embela, khuye: “Mwamana wa muthu, ava khu vama vale va kutsedzelago gu girwa guvivba ni gu ninga wusingalagadzi nya gunyenyeze dhoropani momu.

Hoseya 8:7

Kholu va di yala maphuvbo, va na vbwera singulu. Givbila nyamba rumbuga, kha gi dusi wuguvbi. Ambari gya gu rumbuga, wu na hodzwa khu va nya mayigo.

Mikeya 2:1

Libango, ga vale va na gu bani va lade malawuni gwawe, va luga makungo nya wuvivbi, gikhati gugyago va tadzisa esi va hungidego, kholu somo tshivbani nya mandza yawe.

Varoma 16:17

Nyi ngu mi tivisani, vandruye, gukheni dzi woneleni ga vale va wusago guhambana ni gu yala gukanakana sihevbuloni mu hakhidego. Gimbilelani hwindzo navo,