Mavingu 5:9 - Bhibhiliya Nya Guage

⁹ gasi u si ningeli lisima lago ga valombo, ambari matshigu yago ga vasongi,

Mavingu 5:9 Iomraidhean Croise

Nehemiya 13:26

Khandriso esi si nga ghohisa Solomoni mufumeli wa na Israyeli, gani? Vbakari nya mayigo yatshavbo yi mwalo pfhumu yi nga bani yi fanana naye. A di godwa ngudzu khu Nungungulu waye, a mu wumbela gu khala mufumeli wa Israyeli watshavbo. Khu guralo uye a di ghohiswa khu vanyamayi nya mambe mafumbo.

Mavingu 31:3

U nga ningeli tshivba yago ga va nyamayana, u nga landriseli avo va thesago ni vafumeli.

Mavingu 5:10

gasi va nya mayigo va si ghanyi khu thomba yago, ni handro nya tshivba yago wu ghanyisa ndranga ya mumbe muthu.

Mavingu 5:8

Gimbilela hwindzo ga nyamayi yoyo, u nga tshuki u bela ndrangani gwaye,

Mavingu 6:26

Nyamayi nya liphuphulu a ngu fidhwa khu gipandre nya gibaba, aholu nyamayi nya gibhayi a gu sota mavbanyelo nya yadi.