Mavingu 5:22 - Bhibhiliya Nya Guage

²² Muthu nya guvivbe a na modwa khu nandru waye, a hungwa khu ngodzi nya sighoho saye.

Mavingu 5:22 Iomraidhean Croise

1 Dzipfhumu 18:18

Eliya a di mu hakha, khuye: “Khandri eni nyi vhilinganyisago va na Israyeli, aholu uwe ni nyumba ya babe wago, kholu mu digide milayo ya Pfhumu Nungungulu, mu landrela Vabhahali.

Joba 18:8

Kholu migondro yawe kamwe, yi na va modzisa khu ligoga, va thegela dzikhindrani gwaye;

Dzindzimo 40:12

Nyi randredwe khu dzimhango nyambana tengo; mithumo yangu nya guvivbe yi nyi gamide nyamba kodza ni gu hapfhula nyi wona, yingi ngudzu guvbindra ndzudzu wa hungoni gwangu, nya gu dzipwa na nyi vbede tshivba.

Dzindzimo 9:15

Vathu nya mayigo va di thegela phalani va nga kembago, mawundru yawe ma di modwa khu mazinga va nga ma riyago vabune.

Dzindzimo 9:17

Va nya guvivbedwa khu monyo, va na dzudzugwa phalani nya vafi, gumogo ni vathu vatshavbo va si khathaligo khu Nungungulu.

Mavingu 1:18

Vathu vovo navo, kha va dziti gukhavo va gu dzi dembela vabune naphwi wu na gu vbaladzago novba wawe va dzi kambula vabune.

Mavingu 11:3

Gutumbega ga valulamidego gu na va hetedza, aholu manyala ya sighohi, ma gu va mbembisa.

Mavingu 11:5

Gululama gwa muthu a tumbegidego, gu na lulamisela ndzila yaye, aholu gighohi gi na thega khu sighoho saye.

Mavingu 11:6

Vathu nya gululame va gu vbanyiswa khu mithumo yawe nya gululame, aholu vakanganyisi va na modwa khu manavelo yawe.

Mavingu 12:14

Muthu ni muthu a gu hakha handro nya iso a si dusago khu kanani gwaye, ni gu mana tshatshazelo nya sile a girago khu mandza yaye.

Mavingu 14:32

Muthu nya guvivbedwe khu monyo, a na theswa khu mithumo yaye, aholu muthu nya gululame ambari na gu fude a na ni gitumbo.

Mavingu 18:7

Gipumbu gya gu dzi wusela libango khu magana yaye, ni likana laye lizinga nya hefemulo waye.

Mavingu 24:12

Wa gu ganela, khuwe: “Ethu kha hi siti iso si nga bani na si gu dugelela!” Ina wule atigo mapimo nya vathu, kha na siti, gani? Uye a sayisago womi wago, kha na siti, gani? Ina Uye kha na bweledzela muthu mayelano ni mithumo yaye, gani?

Mavingu 26:27

Uye a kembago liphala, a na thegela umo, ni uye a rindrividzelago giwindri, a na thegedwa khigyo.

Muhevbudzi 7:26

Khu guhegisa nyi di wona gukheni: Egi gi pwisago ngudzu wuvi guvbindra lufu khu gu mana nyamayi nya vbiyaku. Kholu a gu sihalela vama nga musoti: Monyo waye i naphwi, mwama a gu hungwa khu dzingomondro nya mawogo yaye. Aholu avo va thavago Nungungulu va gu mu ndreyela, gasi sighohi sa gu modwa khuye.

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Gililo 1:14

Rwalo nya sighoho sangu wu ngu nyi lemela. Pfhumu hungide nyandra khu mandza yaye a yi handzega magatani gwangu, nyi rereka nyi vbela tshivba. Pfhumu a di nyi ningela mawogoni ga va nya tshivba nyi si kodzi gu khuga. Samec

Obhadhiya 1:15

Kholu litshigu la Pfhumu lomo vbafuvbi, ga mayigo yatshavbo, a nata gu gira kha nga idzo u nga girago khidzo vakwanu; wuvivbi wago wu na thegela hungoni gwago.

Mitengo 32:23

Aholu, mwa gumba girani kharalo, mu na bani mu ghohede Pfhumu Nungungulu, gambe dzitini nya gukhenu gighoho gyanu gi na mi resela tsayiso.

Vahebheru 13:4

Lipango li na ningwe githawo khu vathu vatshavbo. Vama ni vagadzi vawe va na tumbane khu gyawe. Nungungulu a na lamula va nya gugira wuphuphulu ni vale va girago wubhayi.

Valamuli 20:41

Khavbo avbo, va na Israyeli va di thendregedza va wuya, va na Bhejami va di hambanega mapimo, kholu va di gu wona mhango yi nga bani yi va dugela.

Valamuli 9:57

Gumogo gambe ni gu bweledzela hungoni wuvivbi wa vathu va dhoropani ga Sikemi; ni guvivba a giredego Jothamo, mwamana wa Jerubhahali, gu di thegela hungoni gwawe.