Mavingu 4:4 - Bhibhiliya Nya Guage

⁴ uye a di nyi hevbudza, a nyi embela, khuye: Vegedza magana yangu monyoni gwago, u sayisa milayo yangu u na vbanya.

Mavingu 4:4 Iomraidhean Croise

Genesi 18:19

Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Dzindzimo 119:11

Nyi ngu vegisa monyoni gwangu mahungu yago, gasi nyi si gu ghoheli.

Dzindzimo 119:144

Sileletelo sago si lulamide kala gupindruga, nyi ninge gu si pima, nyi na vbanya. Qof

Dzindzimo 119:168

Nyi ngu landrisa milayo ni sileletelo sago, kholu dzindzila dzangu dzatshavbo dzomo mbeli gwago. Tau

Mavingu 22:6

Hevbudza gyanana ndzila gi yelago gu yi landra, kholu, ambari gya gu gumba, gima kha gi na hambana nayo.

Mavingu 23:26

Nyivbe monyo wago, mwanangu, maho yago ma na landrise dzindzila nyi gu yeyedzago.

Mavingu 3:1

Mwanangu, u nga divali nayo wangu, aholu vega monyoni gwago sirumo sangu,

Mavingu 3:2

kholu si na gu engedzela matshigu yago nya guvbanye, si andrisa ni gu rudzisa womi wago.

Mavingu 7:2

Vegedza milayo yangu u na vbanya, sihevbudzo sangu si wone, kha nga nyamahegyane a godwago khu maho yago.

Isaya 55:3

Neredzani dzindzeve mute eno gwangu; nyi yingiseni gasi mihefemulo yanu yi mana guvbanya; kholu nyi na hunga nanu gidzumeledzwano nya gupindruge, nyi mi ninga wuhigo nya gusimame owu nyi tumbisidego Dhavhidhe.

Jeremiya 38:20

Jeremiya a di hakha, khuye: Khu na ningedwa mandzani ga vathu vovo; yingisa magana ya Pfhumu Nungungulu nyi gu embedego; gimwalo gi na gu gu dugelelago ni gu gambe, u na vbanyisa womi wago.

Johane 12:50

Eni nyi ngu dziti gukheni nayo waye guvbanya nya gupindruge. Khu kharato, esi nyi ganelago, nya gu landrisa magana ya Babe wangu.”

Vaefeso 6:4

A nenu vavelegi, mu nga goroseli sanana, aholu si dandriseni khu gu si hevbudza mavbanyelo nya ndruda ni githawo, kha nga guruma ga Pfhumu.

Dhewuteronome 4:9

Dzi vegedze uwe mune basi, u vegedza gambe gwadi hefemulo wago, u nga divali silo sile u si wonidego khu maho yago, si nga hidzimeli hwindzo ni monyo wago matshigu yatshavbo nya guvbanye gwago, u na si hevbudza ga sanana sago ni ga situgulwana sago.

Dhewuteronome 6:6

Milayo yeyi nyi gu ningago muhuno, u na yi vegisa monyoni gwago;

2 Thimoti 1:5

Nyi ngu dundruga gwadi gukhodwa gwago nyamba sengedzela, gu khade nga ogu a nga bani ari nago guhegula kokwe wago Loyidhe ni mayi vago Ewunise. Nyi ngu ganela khu lisine kheni khugosaye gukhodwa u gu nago uwe.

2 Thimoti 3:15

Gukhugela wanana wago, u ngu yi pima gwadi Milowo nya Guage. Iyo yi na ni tshivba nya gu gu ninge guti gu yisago guvbanyiswani khu gukhodwa ga Kristo Jesu.

Vahebheru 5:9

Na tadzisegide thumoni gwaye, a di khala gibuga nya guvbanye nya gupindruge ga vale va mu yingelago.

Valamuli 13:12

Khavbo avbo, Manowa a di mu wudzisa, khuye: “Magana yago ma gu tadzisega, khu mevbini mavbanyelo ni thumo hi yelago guvbanya khidzo ni gyanana?”