Mavingu 4:2 - Bhibhiliya Nya Guage

² Kholu gihevbudzo nyi mi ningago khyadi, khu guralo, mu nga tshuki mu hambana ni nayo wangu.

Mavingu 4:2 Iomraidhean Croise

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 7:19

Aholu mwa gu ndreya, mu hambana ni milayo ni sileletelo esi nyi mi ningidego, mu ya thumela vambe vanungungulu ni gu va khozela,

Joba 11:4

Uwe u embede Nungungulu, khuwe: Mavbanyelo yangu ma lulamide, nyi mwalo nandru mbeli gwago.

Joba 33:3

Magana yangu khya lisine li tiyidego, ni gutumbega nya monyo wangu, sigundru sangu sa gu ganela khu guti nya gutumbege.

Dzindzimo 119:87

Vbadugwana basi va di vbweta gu nyi fuvisa mafuni; aholu eni kha nyi digi gu landrisa sileletelo sago.

Mavingu 3:1

Mwanangu, u nga divali nayo wangu, aholu vega monyoni gwago sirumo sangu,

Jeremiya 35:8

Ethu hi di yingisa magana ya babe wathu Jonadhabhi, mwamana wa Rekabhi ni satshavbo iso a nga hi leletelago; khu magirelo yoyo, ethu ni vagadzi vathu, ni sanana sathu nya sikhwathana niso nya sagadzyana, kha ha sela vbinyu guvbanyani gwathu gwatshavbo.

Dhewuteronome 32:2

Gihevbudzo gyangu gi na dote kha nga ndzadzi, lito langu li naganisa kha nga thondrwane, kha nga humguva vbatshani nya mwasi, kha nga madona nya mati mwasini.

1 Thimoti 4:6

Wa gu hevbudza vandriyathu mahungu yaya u na khala muphasedzeli nya gutumbege wa Kristo Jesu. Khavbo u na gu yeyedzago nya gukhuwe u ngu vbanya masine nya gukhodwe, ni sihevbulo nya lisine u hakhidego.

Tito 1:9

gu vbwetega oyu a tiyidego, a tumbegidego omu nya sihevbudzo nya lisine, afela gu kodza gu tiyisa vakwawe khu sihevbudzo nya lisine, ni gu kawuka ava va ganedzago sihevbudzo sesi.