Mavingu 4:19 - Bhibhiliya Nya Guage

¹⁹ Aholu ndzila ya va nya guvivbedwa khu myonyo ya gu fanana ni gidema nya guthise, va gumba wona ni gilo gi va ghumulago.

Mavingu 4:19 Iomraidhean Croise

Joba 12:25

Va gu gimbila na va guphiphithela gidemani, nyamba wona wenengedzo, a va gira va dhedhereka va thega nga vathu nya guleve.”

Joba 18:18

Va na duswa guwonegelani va rinywa mugidemani; va lundrwa tigoni gwatshavbo.

Joba 5:14

Va gu pfoledwa khu lidambo gu ngari mihani; va gimbila na va gu phiphithela gukhwatshi wutshigu.

Dzindzimo 82:5

Sipumbu kha siti gilo, sa gu vbanya gidemani; giseketelo nya nayo ni gululama tigoni, gi ngu tsekatsekiswa.

Mavingu 2:13

vale va hambanago ni ndzila nya gululame, va gimbila khu ndzila nya gidema;

Mavingu 22:5

Ndzila ya muthu nya mavbanyelo nya guvivbe yi na ni miba ni mazinga, aholu uye a sayisago womi waye, a gu khala hwindzo nayo.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Jeremiya 23:12

Khu guralo, dzindzila dzawe dzi na fanana ni wulanga nya gukwirige; va na redwa va thegela gidemani; kholu nyi na resa gwawe dzitshanisa khu mwaga nya tsayiso wawe; a ngu ganela Pfhumu Nungungulu.

Matewu 15:14

Va digeni; sikhumu si vbwetago gu phara kunga sikhumu sikwawe! Kholu gikhumu gya guvbweta gu phara kunga gikhumu gikwawe, sa sivili si ngu ya thegela phalani.”

Matewu 7:23

Khavbo avbo, eni nyi na va hakha, kheni: Kha nyi mutini ne vbadugwana. Leyani mbeli gwangu, enu mwatshavbo mu girago guvivba.

Johane 11:10

Aholu, uye a gimbilago wutshigu, a na tshunganela, kholu mwalo wenengedzo.”

Johane 12:35

Khavbo avbo, Jesu a di va embela, khuye: “Gikhati gegi mu ngari ni guwonegela; gimbilani na mu ngari ni guwonegela gasi mu si manwi khu gidema. Uye a gimbilago gidemani kha guti umo a yago.

1 Johane 2:11

Oyu a vengago ndriyaye a gu vbanya gidemani, a gu gimbila gusivbalani, nyamba guti umo ayago umo, kholu gidema gi segide maho yaye.

1 Samuweli 2:9

Uye a ngu tiyisa migondro ya va nya gululama vaye, aholu va nya guvivbedwa khu myonyo va na mbemba gidemani; kholu mwalo muthu a nga palago khu tshivba yaye.