Mavingu 4:18 - Bhibhiliya Nya Guage

¹⁸ Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Mavingu 4:18 Iomraidhean Croise

2 Samuweli 23:4

a na fanana ni wenengedzo gikhati li dugago lidambo, vbadzimindrutunu nya gumbana mapfhi, kha nga gungangamela hwane nya guwe ndzadzi, gu bugisago mwasi mafuni.

Joba 11:17

Guvbanya gwago gu na gira safa kha nga mihani; ambari gwa gu manega gidema, gu na wonegela kha nga wuronga.

Joba 17:9

Aholu, muthu nya gululame a na simama ndzilani gwaye, ni avo mandza yawe ma agidego, va na simama va mana tshivba.

Joba 23:10

Aholu Uye a ngu yiti ndzila yangu; umo nyi gimbilago khumo, a gu nyi linga, nyi na fanana ni ndralama.

Dzindzimo 84:7

Na va gu gimbila, tshivba yawe ya guya na yi gu engedzelana litshigu ni litshigu, kala va gu vboha mbeli ga Nungungulu, gigomoni gya Siyoni, va ta wona khovbe yago.

Dzindzimo 97:11

Wenengedzo wu na wonege ga va nya gululama, ni gutsaka gu manega ga vathu nya myonyo nya gululame.

Mavingu 13:9

Mwenge wa va nya gululama wa gu nengedzisa gikhati gyatshavbo, aholu kandriya ya va nya guvivbedwa khu monyo, yi na tshimega.

Mavingu 15:24

Ndzila nya womi ya gu hetedza muthu nya gugengele, gasi a si releli phalani nya vafi.

Mavingu 2:20

Guti gu ngu gu gimbidzisa khu ndzila nya vathu nya vadi, ni gu landrisa dzindzila dza vathu nya gululame.

Mavingu 2:9

Khavbo avbo, u na guti gululama ni lisine, ni gu hevbula dzindzila dzatshavbo nya dzadi dzi vbwetegago.

Isaya 26:7

Ndzila ya wule a lulamidego khya lisine, uwe u lulamidego guvbindrisa, agisa ndzila ya vale va lulamidego.

Dhaniyeli 12:3

Va nya gugengela, va na ngangamela gu fanana ni damboni, ni avo va ndrindrelago nya vangi guya gululamani, va na fanana ni dzinyeledzi kala gupindruga.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Matewu 5:14

“Enu mu wenengedzo nya litigo! Kha li kodzegi gu tshirwa lidhoropa li vbahidwego mugigomoni.

Matewu 5:16

Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

Matewu 5:45

Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi.

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

2 Vakorinto 3:18

Ethu hatshavbo na hi funungude khovbe, hi khedza libona nya wudhumo wa Pfhumu hi ngu vbindrugedza khu wuzundzo ni wudhumo, hi fanana Naye, hi khedziga gikhati gyatshavbo khu tshivba nya Liphuvbo la Pfhumu.

Vafilipi 2:15

mu yeyedza kharati gukhenu mu vathu nya gululame, nya dzifanelo, gukhenu mu sanana sa Nungungulu, mu khala na mu agide nyambana gihoso vbakari nya vathu nya guwegele nya guvivbedwe khu monyo. Guvbwetega mu ngangamela vbakari nya vathu vovo kha nga myenge ya mafuni,

2 Pedro 1:19

Khavbo avbo, hi na ni gutumba ga Mahungu ma nga tiviswago khu vaprofeti, ma gukhayo: Mu ngu gira gwadi mwa gu yingisa mahungu yoyo, kholu, ma ngu fanana ni guwonegela gu wenengedzago gidemani kala gugya; thandra nya masase yi na wenengedze myonyoni gwanu.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.

Gutuledwa 21:23

Lidhoropa lakone khali vbweti lidambo, ambari ngima gu wenengedza, kholu la gu wenengedzwa khu wudhumo wa Nungungulu, wenengedzo waye khu Nvutana.

Gutuledwa 22:5

Gima kha gu na manega gambe wutshigu; kha gu na vbwetega safa nya mwenge, ambari guwenengedza nya lidambo, kholu Pfhumu Nungungulu a na wenengedza vbatshani gwawe, avo va na fuma khu gupindruga nya gupindruge.

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”