Mavingu 30:9 - Bhibhiliya Nya Guage

⁹ Gasi gu si giregi gu, nya gu khura ngudzu nyi tshuka nyi gu danga, kheni: “Khu mani Uye Pfhumu Nungungulu wakone?” Kholu nya gu khala gisiwana, nyi phela guba; nyi na nyenyezisa kharati lina la Nungungulu.

Mavingu 30:9 Iomraidhean Croise

Dzindzimo 125:3

Avo va girago guvivba, kha va na fuma kala gupindruga tigoni ga vathu nya gululame, gasi va nya gululama va si khusedzi mandza va gira guvivba.

Ekisodha 20:7

U nga hagani khu lina la Pfhumu Nungungulu wago, kholu Pfhumu Nungungulu kha na nga diga gu tsayisa oyu a haganago khu lina Laye umo nyamba vbwetega.

Ekisodha 5:2

Faro a di va hakha, khuye: “Khu mani Pfhumu Nungungulu nya gukala nyi yingela esi a ganelago, nyi diga va na Israyeli va duga? Eni kha nyi muti Pfhumu Nungungulu, gima kha nyi na diga va na Israyeli va hongola danga.”

Mavingu 29:24

Wule a girago wupari ni mbafa a gu venga womi waye, kholu a ngupwa sihoso, aholu kha si pwadzi.

Isaya 59:13

Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.

Jeremiya 2:31

Enu melana yoyu! Yingisani magana ya Pfhumu Nungungulu. Ina kamwe eni nyi khade giwula ga va na Israyeli, gani? Mwendro litigo nya gidema nya guthise, gani? Khu ginani vathu vangu va gukhavo: Ethu hi tshulegide! Gima kha hi na bwelela gambe avbo gwago?

Jeremiya 5:12

Va di ganedza Pfhumu Nungungulu, khavo: “Gima kha hi na dugeledwa khu libango; gima kha hi na sasedwa khu matshari, ambari gufa khu ndzala.

Ezekiyeli 23:35

Khu guralo, Mune Pfhumu Nungungulu a ngu ganela kharati, khuye: “Kha nga olu u nyi divadego, ni gu nyi pfhurarela, u na tsayiswa khu gunyenyeza ni wubhayi u giridego.”

Dhaniyeli 4:17

Simbo u nga wu wonago, wu dandra wu mana tshivba, wu lapha kala damboni, wu nga wonwago tigoni gwatshavbo,

Dhaniyeli 4:30

Khu gikhati gyogyo, gu di tadzisega magana ga Nabhukodhonosori, a di lundrwa vbakari nya vathu a ya hodza mwasi nga dzimombe ni gu naganiswa khu hunguva ya ndzadzini, kala ndzudzu waye wu dandra nga mitenga nya lighama, samba saye si lapha, si fanana ni sa sinyoni.

Hoseya 13:6

Avbo nyi nga bani nyi gu va hodzisa va khura, avo va di tsaka, avbo va nga bani va tsaka, myonyoni gwawe, gu di tala khu matshandza; khu guralo, va di divaledwa khu eni.

Levhi 5:1

Muthu a gu ranwa vbamahungutunu gasi guya gira wufakazi nya esi a si wonego mwendro a sitigo, aholu a si dzumeli guya fakaza, muthu yoyo a ngu rwala nandru nya gighoho gyogyo;

Matewu 26:72

Pedro a di danga nyaluphye, a sambanya, khuye: “Kha nyi mu ti muthu yoyo.”

Matewu 26:74

Khavbo avbo, a di phela gu vbenyavbenya ni gu sambanya, khuye: “Kha nyi muti muthu yoyo.” Gikhati gyogyo khonge wu di dzegela gu emba.

Dhewuteronome 31:20

Gikhati nyi na va bedzago ga litigo eli nyi li sambanyedego ga vababe vawe, litigo li gogago mahwe ni wulombe, mu na ya hodza mu khura, gambe mu naya ena. Aholu va na phela guya khozela vambe vanungungulu, va nyenya Eni, va hambanisa gidzumeledzwano gyangu.

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Josuwa 24:27

Josuwa a di embela vathu vatshavbo, khuye: Wonani nya gukhenu giwindri gegi gi na hi girela wufakazi, kholu gi pwide magana yatshavbo Pfhumu Nungungulu a hi embedego; khu guralo, gi na khala fakazi vbakari gwanu ni ga vambe, gasi mu si lipheli Nungungulu wanu.