Mavingu 30:8 - Bhibhiliya Nya Guage

⁸ Gusengedzela ni malipha, si na gimbilele hwindzo ni eni, u nga nyi ningi wusiwana mwendro gughanya, nyi ninge guhodza gu nyi enelelago.

Mavingu 30:8 Iomraidhean Croise

Genesi 28:20

Khavbo avbo, Jakobe a di gira gisambanyo, khuye: Nungungulu a gu gimbila ni eni a nyi endredza ga lipfhumba leli nyi gu nalo, a nyi ninga guhodza ni guambala,

2 Dzipfhumu 25:30

Gasi iso nya guvbanye khiso, a di ningwa khu mufumeli, matshigu yatshavbo nya guvbanye gwaye.

Joba 23:12

Kha nya hambana ni sileletelo sa kanani gwaye, magana yaye nyi ma vegedzide ndrani nya monyo wangu.

Dzindzimo 119:29

Nyi hambanise ni ndzila nya malipha, khu wuwadi wago nyi hevbudze guti nayo wago.

Dzindzimo 119:37

Ndreyisa maho yangu gasi nyi si woni silo si si phasigo, nyi tiyise ndzilani gwago.

Ekisodha 16:15

Avbo sanana sa na Israyeli, si nga wona esi, si di wudzisana khu gyawe, khiso: “Ginani egi?” Kholu va di si giti ginani. Mosi a di va embela, khuye: “Ogu khu guhodza a mi ningago Pfhumu Nungungulu gasi mu hodze.”

Ekisodha 16:18

Avbo va nga pimelago khu ghomeri, si di si tshali ga wule a nga bani a rolede nya singi, gambe si di si keneleli ga wule a nga bani a rolede nya sidugwana. Moyo ni moyo a di rolede gupima khu mavhalo yaye.

Ekisodha 16:29

Wonani nya gukhenu Pfhumu Nungungulu a mi ningide Sabhadho, khu kotani nya ugo, a ngu mi ningani khu litshigu nya livbandre na limwedo, guhodza gu ninganago matshigu mavili. Khu litshigu nya livbandre na mavili, muthu ni muthu a na khale wulanga waye, mwalo a dzumedziswago gukhuga wulanga waye, litshigu lolo nya livbandre na mavili.”

Ekisodha 16:35

Sanana sa Israyeli si hodzide manaha gipimo nya magumana myaga, kala va gu vboha tigoni va vbanyago vathu. Va hodzide manaha kala va gu vboha vbinganoni nya litigo la Khanani.

Mavingu 13:5

Muthu nya gululame a ngu vengana ni magana nya malipha, aholu uye nya guvivbedwe khu monyo kha thavi manyala ni dzitshoni.

Mavingu 21:6

Thomba nya gu yi mane khu gu kanganyisa, ya gu tshatshega gu fanana ni thondrwane, i naphwi wu gu vangelago lufu.

Mavingu 22:8

Uye a yalago wuvivbi, a na vbwera tshanisa; ni ndronga a tshanisago khiyo vakwawe, yi na mu fanyegela.

Mavingu 23:5

U nga vegi maho yago ga thomba u si yeligo gu yi mana, kholu iyo yi na mana mambapi kha nga lighama, yi vbuvba yiya damboni.

Mavingu 30:7

Silo sivili nyi gu lombago, aholu, u nga bombi gu nyi ninga nyi si gufi:

Muhevbudzi 1:2

Gu dzi pfhadza nya gu dzi pfhadze, a ngu ganela kharalo Muhevbudzi, gu dzi pfhadza nya gu dzi pfhadze! Satshavbo gu dzi pfhadza.

Isaya 5:18

Libango ga vale va dzi ndrindrelago wuvivbi khu dzingodzi nya wupumbu, avo va ndrindrago gighoho gukhwatshi va gu gi ndrindra khu dzingodzi nya kareta!

Isaya 59:4

Mwalo a ganelago gululama, mwa gu lamudwa mwalo a ganelago lisine, mwa gu dzi emisela ga iso nyamba sadi mu ganela malipha. Mwa gu khura mimba khu wuvivbi mu velega gighoho.

Jeremiya 37:21

Khavbo avbo, mufumeli Zedhekiya a di leletela gukhuye, Jeremiya a khothedwa hubheni nya dzighadhi, gasi khu litshigu ni litshigu a ningwe gibaba nya guningwe khavo va vawulago, kala dhoropani gwatshavbo gu vbela sibaba. Khu kharati, Jeremiya a di khala hubheni nya dzighadhi.

Jeremiya 52:34

Guvbanyani gwaye gwatshavbo, Jowakimi a di hakha khu mandzani ga mufumeli wa Bhabhiloni, satshavbo iso a nga bani a gu si dilela, matshigu yatshavbo nya guvbanye gwaye, kala litshigu nya gufe gwaye.

Matewu 6:11

Guhodza gwathu nya litshigu ni litshigu hivbe muhuno.

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

Luka 11:3

Hi ninge guhodza gwathu nya litshigu ni litshigu.

Johane 2:8

Khavbo avbo, a di khuye: “Regani muya ninga muthangeli nya buzo.” Va di gira kharato.

Mithumo 14:15

“Madhota, khu ginani mu gira esi! Ethu nethu hi vathu kha nga enu, hi na ni mavbanyelo mamowo ni enu, ha gu mi tivisa Ivhangeli gasi mu vbindrugedza mavbanyelo mu diga vanungungulu nya liphanga, mu khodwa ga Nungungulu a vbanyago, Uye a nga gira mafu ni ndzadzi, ni yiphwa ni satshavbo si guromo umo.