Mavingu 30:4 - Bhibhiliya Nya Guage

⁴ Khu mani a gwedego ndzadzini bwelo khavbo a wuya? Khu mani a kodzago gufumbaredza phuvbo khu mandza yaye? Khu mani a fumbelago mati mwendrani gwaye? Khu mani a emisidego dzikhona nya mahegiso nya litigo? Khuye mani lina laye, ni lina la mwanaye, mwendro sago u ngu liti?

Mavingu 30:4 Iomraidhean Croise

Genesi 32:29

Jakobe a engedza, khuye: “Nyi ngu gu lomba u nyi embela lina lago.” Uye a di mu hakha, khuye: “Khu ginani u wudzisago lina langu?” Khavbo avbo, a di mu kategisa.

Joba 11:7

Ina u ngu yela guti sihalo wa Nungungulu ni guvbelela ga uye nya Tshivba Yatshavbo, gani?

Joba 11:8

Guti gwaye gu khugegide guvbindra ndzadzini bwelo khavbo gu eta guvbindra liphala nya vafi. Gasi uwe, ginani u no girago gasi gu pima silo sesi?

Joba 26:8

A ngu hengeledzela mati mapfhini; aholu mapfhi yakone kha ma pferugi khu gu lemedwa.

Dzindzimo 135:7

Khuye a wusago mapfhi gukhugela mahegiso nya mafu; khuye a girago gulasa ni mabara, guwa ndzadzi; a tulela phuvbo yi duga khu gukhothedwani gwaye.

Dzindzimo 2:7

Nyi na huwelela nyi tivisa thetho wa Pfhumu Nungungulu. Uye a di nyi embela, khuye: Uwe u Gyanana gyangu, muhuno nyi gu velegide.

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Dzindzimo 24:2

Uye mune a li vbahide vbatshani nya yiphwa a li tiyisa vbatshani nya mitsongo.

Dzindzimo 68:18

Uwe u gwede gigomoni nya gulaphe, u dzegide sibotshwa nya singi; u hakhide miningelo ga vathu, ni ava va gu wugelago navo va reside miningelo yawe, Pfhumu Nungungulu a na vbanya vbakari gwawe.

Ekisodha 15:10

Aholu Uwe u di furugedza khu phuvbo yago, yiphwa yi ta va fenengedza. Va di rika kha nga rikiso nondrwani nya mati nya guete.

Ekisodha 6:3

Nyi dzi wonegiside ga Abrahama, ga Isaki ni ga Jakobe, kha nga Nungungulu nya Tshivba Yatshavbo, aholu, khu lina langu nya Pfhumu Nungungulu kha nya tidwa gwadi.

Isaya 45:18

Kholu Pfhumu Nungungulu, oyu a vangidego ndzadzini, Nungungulu a wumbidego litigo ni gu li gira, uye a li tiyiside, kha li gira nari liphanga; aholu a di li girela gukhuye li khala wulanga nya gu vathu va khala umo, a ngu ganela kharati, khuye: Eni kheni Pfhumu Nungungulu, mwalo mumbe.

Isaya 53:8

A di modwa khu dzihanyi a lamudwa, a di duswa mafuni, khu mani a na sayago matshigu nya guvbanye gwaye? Kholu, a di duswa tigoni nya vathu nya guvbanye khu kotani nya sighoho sa vathu vangu.

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 23:6

Matshiguni yaye, Judha a na vbanyiswa, Israyeli a na vbanya na khadzisegide khu gurula; a na ningwa lina nya gupwani: “Pfhumu Nungungulu khuye gululama gwathu.”

Matewu 11:27

Satshavbo nyi ningidwe khu Babe wangu. Mwalo a mu tigo Mwamana vbavbandze ga Babe ekha, gambe mwalo a mu tigo Babe vbavbandze ga Mwanaye ekha ni wule Mwamana a dzinago gu mu tulela.

Luka 10:22

Satshavbo nyi ningidwe khu Babe wangu. Mwalo a mutigo khu mani Mwamana vbavbandze ga Babe ekha, gambe mwalo a mutigo khu mani Babe vbavbandze ga Mwanaye ekha, ni wule Mwamana a dzinago gu mu tulela.”

Johane 3:13

Mwalo a litidego Ndzadzini, vbavbandze ga wule a nga tshigago khu Ndzadzini, a gu Mwamana wa Muthu.

Varoma 10:6

Gasi khu mahungu nya gutshanganiswe khu ndzila nya gukhodwe, Mosi lovide, kharati: “U nga ganeli khu monyoni gwago, khuwe: Khu mani a na litago a hongola Ndzadzini?” (Khu gupwani: Gasi guya rana Kristo a tshige mafuni).

Dhewuteronome 28:58

Wa gumba khathala khu gu landrisa magana yaya nya Nayo, ma lovidwego libhukuni momu, khu githawo ga lina nya wuzundzo ni wudhumo la Pfhumu Nungungulu wago,

Dhewuteronome 30:12

Gambe wu mwalo vbatshani ndzadzini, nya gukala u ganela, khuwe: Khu mani a na gwelago vbatshani yoyo ndzadzini, aya wu dzega a hi resela gasi hi kodze gu wu yingisa, ni gu wu landrisa?

Gutuledwa 19:12

Maho yaye ma di ngangamela nga malavbelavbe nya nilo, hungoni gwaye a na ni sihugu nya singi. A na ni lina li lovidwego, nya gu mwalo a litigo, vbavbandze ga uye mune basi.

Valamuli 13:18

Khavbo avbo, Ngilozi yi di mu hakha, khiyo: “Khu kotani nya ginani u nyi wudzisago lina langu? Lina langu li ngu samadzisa.”