Mavingu 30:12 - Bhibhiliya Nya Guage

¹² Vomo va dzi wonago na va agide, aholu, na va si gu handzwi guvivba va gu nago;

Mavingu 30:12 Iomraidhean Croise

Joba 33:9

Eni nyi handzegide, nyi mwalo gighoho; nyi agide, nyi mwalo nandru.

Dzindzimo 36:2

Kholu a gu dzi pfhadza abune afela gumba tugula ni gu nyenya guvivba gwaye.

Dzindzimo 51:2

Nyi handze gighoho gyangu nyi agise ga giwono gyangu.

Dzindzimo 51:7

Nyi handze khu sasi, nyi na aga; nyi handze, nyi na aga ngudzu guvbindra hunguva.

Mavingu 16:2

Satshavbo iso muthu a girago mapimoni gwaye, a gu si wona na si agide, aholu Pfhumu Nungungulu a gu khedza mipimiso yaye.

Mavingu 21:2

Dzindzila dzatshavbo muthu a gimbilago khidzo, guwonani gwaye wari khuye dzi lulamide, aholu Pfhumu Nungungulu khuye a khedzago monyo waye.

Isaya 1:16

Hambani, mu dzi agisa, ndreyisani mahoni gwangu sigiro sanu nya guvivbe, si yiseni hwindzo ni eni; digani gu gira mithumo nya guvivbe.

Isaya 65:5

Vathu vava va ganelago, khavo: Khuga avbovbo u guromo! U nga hidzimeli avba gwangu, kholu eni nyi agide ngudzu guvbindra uwe; vathu vava, wutshi thonvuni gwangu! Va gu fanana ni nilo wu dzurago litshigu latshavbo.

Jeremiya 2:35

u nga guganela, khuwe: “Nyi mwalo nandru! Likhulo lago li vbindride avbo gwangu.” Aholu nyi na gu lamula kholu u ganedego, khuwe: “Kha nya ghoha gilo!”

Jeremiya 4:14

Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Hoseya 12:9

Aholu eni kheni Pfhumu Nungungulu wago, gukhugela tigoni ga Egipito, eni nyi nga na gu gu gira u vbanya mitshatshani, kha nga matshigu nya mitshangano nya mibuzo.

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Luka 18:11

Mufarisi a di lombelela na emide, khuye: ‘Nyi ngu gu bonga, Nungungulu, kholu eni kha nyi fanani ni vambe vathu, va gu dzimbafa, va gu mwalo ndruda, va gu sibhayi; gambe kha nyi fanani ni mukhuphisi yoyu.

1 Vakorinto 6:11

Vbakari gwanu vomo va nga bani vari ni mavbanyelo yoyo. Olu mu handzidwe, mu agiswa, mu gu girwa vathu nya gululame linani ga Pfhumu Jesu Kristo, khu tshivba nya Liphuvbo la Nungungulu wathu.

2 Thimoti 3:5

Va na sayisa giemo nya wukhodwa, aholu va ganedza tshivba yakone. Hambana navo vathu vovo.

Tito 3:5

Uye a hi vbanyiside khu kotani nya lihaladzo laye basi, nasiri khu kotani nya mithumo yathu nya yadi. Nungungulu a hi agiside khu tshivba nya Liphuvbo nya Guage; a hi velegide nyaluphye a gu hi ninga guvbanya nya guphya.

Gutuledwa 1:5

Ni ga Jesu Kristo fakazi nya guthembege, matiwula nya vafi vatshavbo a gu Pfhumu nya vafumeli va mafuni. Uye a hi haladzago a nga hi tshulago sighohoni gwathu khu novba waye;

Valamuli 17:13

Khavbo avbo, Mika a di khuye: “Olu nyi ngu dziti nya gukheni Pfhumu Nungungulu a na nyi girela silo nya sadi, kholu nyi gu ni muphasi nya mhamba nya Mulevhi.”

Valamuli 17:5

Mwama yoyu nya gupwani khu Mika, a diri ni nyumba nya vanungungulu, a di dzi girela efodhe ni dziterafine, a phasela moyo nya sanana saye, gasi a khala muphasi nya mhamba.