Mavingu 30:10 - Bhibhiliya Nya Guage

¹⁰ U nga lembi githumi mbeli ga mune waye, kholu, a nga gu vala a gu rwega nandru.

Mavingu 30:10 Iomraidhean Croise

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

Mavingu 11:26

Vathu va gu vala wule a sihago tirigu a bomba gu rengisela vathu, aholu makategwa ma guta vbatshani ga wule a yi manago, a va rengisela nyamba hwela.

Mavingu 28:27

Uye a ningago gisiwana gima kha na hamuga gilo, aholu uye a gi segelago maho, a na vadwa khu vathu.

Muhevbudzi 7:21

U nga yingiseli satshavbo si ganedwago khu vathu, kholu u nga tshukha u yingisa nu gu lembwa khu githumi gyago.

Dhaniyeli 6:13

Khavbo avbo, va di hakha va embela mufumeli, khavo: Dhaniyeli a gu moyo nya dzikhumbi dzi ngata khu tigoni ga Judha, kha theli kota khu uwe mufumeli, ambari khu khwepa u nga wu dusago u wu sayina. Uye a nga gu simama gu gira milombelo yaye, nyondro tharu khu litshigu.

Dhaniyeli 6:24

Mufumeli a di dusa nayo nya gukhuye va reswa vama vale va nga ketsari Dhaniyeli vata rinywa phalani nya dzinghala, gumogo ni vagadzi vawe ni sanana sawe. Avo na va si gu vbohi vbavbatshi, dzinghala dzi di va ndragela dzi va vbadzulela marambo yawe yatshavbo.

Varoma 14:4

Khuwe mani uwe u tiyelago gu lamula githumi gya mumbe muthu? Mune wa igyo khuye a lamulago, gani gi ngu pala gani gi ngu padwa, isoso si na ni mune waye. Aholu a na pala kholu Pfhumu a na ni tshivba nya gu mu emise.

Dhewuteronome 15:9

Dzi wonele, gu nga manegi mapimo nya guvivbe monyoni gwago, ambari gu ganela, khuwe: Womo vbafuvbi mwaga nya livbandre na wuvili, a gu mwaga nya tsetselelo, maho yago ma manega na ma gu vala ndriyago nya gisiwana, u si mu ningi gilo. Uye a gu lila khu uwe ga Pfhumu Nungungulu, u na manega nuri ni gighoho.

Dhewuteronome 23:15

“Khumbi ya gu thava ga mune waye, yi thavela ndrangani gwago u nga yi bweledzi u ya yi ningela ga mune waye.

1 Samuweli 24:9

Dhavhidhe a di embela Sawule, khuye: “Khu ginani u yingisago magana nya vathu va gu embelago gukhavo: Dhavhidhe a ngu vbweta gu gu gira guvivba?”

1 Samuweli 26:19

Gasi olu, uwe mufumeli mune wangu, nyi ngu gu lomba u yingise magana ya githumi gyago; a gu bani nari Pfhumu a gu kutsedzelago gu dwana ni eni, Uye a na dzumele nyi mu girela ningelo nya phaso nya guhodza; aholu a gu bani nari vathu, va na vadwe mbeli ga Pfhumu Nungungulu; kholu avo muhuno va nyi tutumiside gasi eni nyi si hakhi gipandre nya thomba ya Pfhumu Nungungulu, va nyi embela, khavo: Indra uya thumela vambe vanungungulu.

1 Samuweli 30:15

Dhavhidhe a di mu wudzisa, khuye: “U ngu kodza gu nyi dzega u nyi vbelegedza ga tsawa yoyo nya sighevenga, gani?” Lidzaha li di mu hakha, khilo: “Sambanya mbeli ga Nungungulu, gukhuwe khu na nyi songa ambari guya nyi ningela mandzani ga mune wangu, nyi na gu vbelegedza kala iyo gwawe.”