Mavingu 3:7 - Bhibhiliya Nya Guage

⁷ U nga dzi giri gigengeli mbeli Gwaye, thava Pfhumu Nungungulu, u hambana ni silo nya guvivbe.

Mavingu 3:7 Iomraidhean Croise

2 Samuweli 12:20

Khavbo avbo, Dhavhidhe a di wuga khu vbavbatshi, a hamba, a tola mafura, a ambala dzimbe dzingandzu, a bela Nyumbani ga Pfhumu Nungungulu, aya khozela. A di wuya nyumbani gwaye ata lomba gukhuye va mu ninga guhodza a hodza.

Nehemiya 5:15

Aholu vafumeli va fumidego khu hwane gwangu, va di gurumedza vathu khu gu va hengisa gikhaba, va va dzegela guhodza ni wadwa, ambari gambe va nga bani va va hengisa magumana mipimo nya parata, ni sithumi sawe, si di va tshanisa niso. Aholu eni kha nya thuma isoso, kholu nyi gu ni githawo ni Nungungulu.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Ekisodha 20:20

Mosi a di embela vathu, khuye: “Mu nga thavi. Kholu Nungungulu a dita, gasi guta mi linga, khu gu fela gukhuye githawo gyaye gi manega na gi romo mbeli gwanu, gasi mu si ghohini.”

Mavingu 14:16

Muthu nya mapimo a ngu thava a ndreya whindzo nya gihoso, aholu gipumbu gya gu dzi tumba gi hunisela.

Mavingu 14:27

Gu thava Pfhumu Nungungulu nambo nya womi, gu ndreyisa muthu mazingani nya lufu.

Mavingu 16:6

Muthu a gu ni wuhindzi ni gutumbega, a na handzwa sighoho saye, avo va ningago githawo Pfhumu Nungungulu, va na duga ndzilani nya guvivbe.

Mavingu 23:4

U nga dzi garadzi khu gu vbweta gu ghanya, mapimo yago, ma nga dzi vegiseli ngudzu umomo.

Mavingu 26:12

U di nga wona muthu a dzi randrago gugengela, gani? Gomo gutumba nya gukhongolo ga gipumbu guvbindra uye.

Mavingu 26:5

Gi phindrule khu ndzila yi yeyedzago wupumbu waye, gasi igyo gi si dzi woni na gi gengede.

Mavingu 28:11

Muthu nya gitetema a gu pimisa gukhuye gengede, aholu, gisiwana nya gugengele gi ngu mu wona na si pimi gilo.

Mavingu 28:26

Muthu a dzi tumbago uye mune wurumba, gipumbu; gasi uye a gimbilago khu wugengeli, a na vbanya.

Mavingu 8:13

Uye a thavago Pfhumu Nungungulu, a gu nyenya silo nya guvivbe; nyi ngu nyenyana ni matshandza, gu dzi khusedza, dzindzila nya guwegele, ni magana nya gunyenyeze.

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Isaya 5:21

Libango ga vale va dzi wonago na va gengede ngudzu, va pimisago gukhavo va gengede ngudzu!

Varoma 11:25

Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu.

Varoma 12:16

Vbanyani khu monyo moyo, muthu ni muthu a nga dwaneli gu dzi khusedza afela gu zundzwa, aholu dzumelani mithumo nya gusolege. Mu nga dzi giri matshandza khu guti.