Mavingu 3:28 - Bhibhiliya Nya Guage

²⁸ U nga embeli ndriyago, khuwe: “Wuya mindru nyi nata gu ninga gilogyo,” nu dzi kodza gu mu phasa muhuno.

Mavingu 3:28 Iomraidhean Croise

Levhi 19:13

U nga bi mwendro gudzega gilo gya muthu kwanu. U nga hweli gulivba githumi gyago u khala ni hakhelo yaye kala limbe litshigu.

2 Vakorinto 8:11

Olu mwa gu dzi kodza, girani guvbindra esi nya guhegule, khu avba a manago khavbo muthu ni muthu. Ligolo ni gu dzumela khu gu gira ni gu yeyedza esi si hungidwego.

Muhevbudzi 9:10

Satshavbo u si kodzago gu si thuma khu mandza yago, si thume khidzo u dzi kodzago khidzo, kholu phalani nya vafi u hongolago umo, gu mwalo thumo, makungo, mapimo, ambari wugengeli nya gukari.

1 Thimoti 6:18

Va na thume silo nya sadi, va khale sitetema khu magirelo nya yadi, va yeyedza lihaladzo ni gu ninga sisiwana.

2 Vakorinto 9:3

Ambari nari kharalo, nyi di wona gu rumela ava vandruye, gasi wuzundzo nyi gu nawo khu enu, wu si khali nya malipha. Khu guralo khalani na mu dongide, nga olu nyi nga mi embelani.

Muhevbudzi 11:6

Yala mbewu yago gu ngari dzimindru, aholu vbasilambotunu u nga khali khu mawogo, kholu khu yiti iyo yi na bugago yi ninga mihandro; kheyi mwendro khu yile, mwendro dzatshavbo dzi na ni lisima.

Mavingu 27:1

U nga dzi zundzi khu litshigu la mindru, kholu litshigu la muhuno khu siti iso si na gu dugelela.

Gizimba 5:3

Mwangadzi —Nyi tshude guambala gwangu; nyi bwelo khavbo nyi gu ambala gambe, gani? Nyi hambide migondro, nyi na bwelo nyi mi thela gambe ndzilo, gani?