Mavingu 3:27 - Bhibhiliya Nya Guage

²⁷ U nga bombi gu ninga giphaso ga oyu hamugago gya gu bani giri mandzani gwago.

Mavingu 3:27 Iomraidhean Croise

Genesi 31:29

Eni nyi na ni tshivba nya gu mi gireleni guvivba khu mandza yangu; aholu Nungungulu wa babe wago a ganede gwangu wutshigu wowu, khuye: “U nga wudzisi ga Jakobe, gani khu gwadi, gani khu guvivba.

Mikeya 2:1

Libango, ga vale va na gu bani va lade malawuni gwawe, va luga makungo nya wuvivbi, gikhati gugyago va tadzisa esi va hungidego, kholu somo tshivbani nya mandza yawe.

Varoma 13:7

Khavbo avbo, livbani muthu ni muthu esi a gu fanelo. Livbani mikhupo ni gikhaba ni mihengo ga vale mu gu ni fanelo nya gu va livbe; ningani githawo vale va gu ni fanelo nya guningwe githawo, mu gu rungudza wule a fanelago gu rungudzwa.

Vagalatiya 6:10

Khu kharato, olu hi ngarigu ni gikhati, hongoleni hi girela esi nya sadi vathu vatshavbo, ngudzungudzu vandriyathu gukhodwani.

Dhewuteronome 15:13

Gikhati u na mu tshulago, u nga mu digi a hongola nyambana gilo mandzani gwaye.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.