Mavingu 3:24 - Bhibhiliya Nya Guage

²⁴ Wa gu lala, khu na thava gilo, u na lala ligovbe nya gutangale.

Mavingu 3:24 Iomraidhean Croise

2 Dzikoronika 20:30

Khu guralo, mufumo wa Josafati wu di mana gurula, kholu Pfhumu Nungungulu a di mu hefemudza khu sipandre satshavbo.

Joba 11:19

U na lala ligovbe nyamba thuswa khu muthu; vathu nya vangi va na gu suvela makategwa.

Dzindzimo 112:8

Monyo waye, wu tiyide, kha thavi gilo, a ngu tumba gukhuye valala vaye va na padwa.

Dzindzimo 127:2

Kha gu mi phasi gilo gu phindrula ni dzimindru dzikhongolo, mu thuma kala vbakari nya wutshigu, mu fela gu hodza mihandro nya lithonga lanu, Nungungulu a ngu hodzisa sigodwa saye ambari na si lade.

Dzindzimo 3:5

Nyi ngu lala nyi mana ligovbe; nyi wuga, kholu Pfhumu Nungungulu a ngu nyi sayisa.

Dzindzimo 3:6

Kha nyi thavi talo nya vathu va nyi randredego khu maphuvbo yatshavbo.

Dzindzimo 4:8

Nyi ngu lala ligovbe nyi hefemula khu gurula, kholu, uwe Pfhumu Nungungulu khuwe basi u nyi ningago guvbanya na nyi tiyide.

Dzindzimo 91:5

U nga khali hwanga khu gu thisa nya wutshigu, mwendro khu gighalala gi nga khwandrwa vbakari nya mihani,

Mavingu 1:33

Aholu uye a nyi yingisago, a na vbanya gurulani na tiyide nyambana hwanga, a si thavi gilo.”

Mavingu 19:23

Guthava Pfhumu Nungungulu ndzila yiyago guvbanyani, uye a mu ningago githawo a na khala na tsakide nyamba mana dzimhango.

Mavingu 6:22

Si na gu hetedza ndzilani gwago, wa gu lala, si na gu vhikela, wa gu wuga, si na gu bhudzisa.

Muhevbudzi 5:12

Muthumegeli, gani a gu mana nya singi mwendro nya sidugwane, uye a gu lala ligovbe nya gutenge, aholu gukhura ga muthu nya gitetema kha gu mu ningi ligovbe.

Isaya 54:14

U na tiyiswa khu gululama, sitshaniso si na manega hwindzo ni uwe, khu na thava gilo, ambari gu thusedzedwa kha gu na hidzimela vbafuvbi gwago.

Jeremiya 31:26

Khu guralo, nyi di khendzuga nyi wona, ligovbe langu li di nyi tsakiside ngudzu.

Ezekiyeli 34:15

Eni kamwe nyi na havisa dzinvuta dzangu, nyi na dzi gira dzi hefemula, a ngu ganela Mune Pfhumu Nungungulu.

Ezekiyeli 34:25

Nyi na gira nadzo gidzumeledzwano nya pwanano, nyi na fuvisa sirengo nya likhabi tigoni; dzi na khala khu gurula giwulani, gambe dzi na lala khabini.

Ezekiyeli 34:27

Misimbo ya khabini yi na ninga mihandro yaye, ni mafu ma na ninga dzimbewu dzaye, dzinvuta dzi na khala gurulani tigoni gwawe; dzi na dziti gu khidzo eni kheni Pfhumu Nungungulu, gikhati nyi na fanyago mapitso nya kanga wawe ni gu dzi dusa mandzani ga vale va dzi tshanisago.

Levhi 26:6

Nyi na wuyisa gurula tigoni; mu na lala na mu tengide nyamba thurugiswa khu muthu, nyi na fuvisa sirengo nya wurena sa khabini, tigoni gwanu kha mu na beledwa khu dzinyimbi.

Mithumo 12:6

Ni wutshigu wowo Herodhi a nga bani a dongide gu mu ningela, Pedro a di lade vbakari nya masotshwa mavili na hungidwe dzitshinga, mambe masotshwa ma di gu ghadha lipaso.