Mavingu 3:21 - Bhibhiliya Nya Guage

²¹ Mwanangu, silo sesi si nga hambani ni maho yago; vegedza guti nya lisine li tiyidego.

Mavingu 3:21 Iomraidhean Croise

Mavingu 1:4

mavingu ma ngu gengedzisa avo nyambana mano, ma ninga madzaha wugengeli ni gupimisa.

Mavingu 18:1

Uye a dzi hambanisago ni vakwawe, a gu vbweta gu dzi tsakisa uye mune wurumba, a si dzumeli satshavbo iso si gu ni fanelo.

Mavingu 19:8

Uye a vbwetago wugengeli, a gu gola hefemulo waye, ni uye a gu na ni mapimo, a na mana makategwa.

Mavingu 2:7

Avo va lulamidego a gu va ninga makategwa, khuye gitshangu nya avo va gimbilago khu ndzila nya gululame,

Mavingu 4:21

Maho yago ma nga hambani naso, si sayise ndrani nya monyo wago.

Mavingu 4:6

U nga hambani ni guti, kholu gu na gu sayisa, gu gole, kholu gu na guvbanyisa.

Mavingu 5:2

Khu kharato, u na kodza gu mana mano nya yadi, khu kanani gwago, gu na duga mapimo nya yadi.

Mavingu 8:14

Iso si lumbago eni, khu wusingalagadzi ni guti nya lisine; eni kheni gupimisa, nyi na ni tshivba.

Johane 8:31

Jesu a di embela Vajudha vale va nga khodwa gwaye, khuye: “Mwa gu simama gu vegedza magana yangu, mu na khala vapizane vangu khu lisine,

Dhewuteronome 4:9

Dzi vegedze uwe mune basi, u vegedza gambe gwadi hefemulo wago, u nga divali silo sile u si wonidego khu maho yago, si nga hidzimeli hwindzo ni monyo wago matshigu yatshavbo nya guvbanye gwago, u na si hevbudza ga sanana sago ni ga situgulwana sago.

Josuwa 1:8

U nga garali khu gu ganela khu libhuku nya Nayo; aholu gu vbwetega wutshigu ni mihani u alakanyela, gasi u landrisa satshavbo iso si lovidwego umo; khavbo avbo, u na andra ndzilani gwago bwelo khavbo u dugelela.

1 Johane 2:24

Khu guralo, esi mu sipwidego gukhugela guhegulani, si na khale myonyoni gwanu. Aholu sa gu khala gwanu esi mu nga si pwago gukhugela guhegulani, a nenu mu na khala gumogo ni Mwamana ni Babe.

1 Johane 2:27

Aholu gutodzwa mu gu hakhidego khu gwaye, kha gu vbwetegi muthu nya gu mi hevbudzeni; kholu gu ngu mu hevbudza silo satshavbo. Sihevbudzo saye khandri sa malipha, aholu khya lisine. Khu guralo, yingelani sihevbudzo a mi hevbudzidego, mu pharisa guhengela naye.