Mavingu 28:10 - Bhibhiliya Nya Guage

¹⁰ Uye a ndreyisago va nya gululama a va yisa ndzilani nya guwegele, a na thegela phalani a li kembidego abune, aholu uye a si dzumeligo gu sengwa, a na mana tshatshazelo nya wadi.

Mavingu 28:10 Iomraidhean Croise

Dzindzimo 139:24

u wona mwendro nyi ngu gimbila khu ndzila nya guvivbe u nyi gimbidzisa khu ndzila nya gupindruge.

Dzindzimo 37:11

aholu va nya gurula va na fumela litigo, va na nengela khu gurula nya gungi.

Dzindzimo 57:6

Valala vangu va nyi riyede naphwi khavo va na nyi mola; va kembide liphala ndzilani gwangu, aholu va thegede umo avo vamune.

Dzindzimo 9:15

Vathu nya mayigo va di thegela phalani va nga kembago, mawundru yawe ma di modwa khu mazinga va nga ma riyago vabune.

Mavingu 10:3

Pfhumu Nungungulu kha digi hefemulo wa muthu nya gululame wupwa ndzala, aholu a ngu thindregisa misuwo ya va nya guvivbedwa khu monyo.

Mavingu 15:6

Ndrangani gwa muthu nya gululame, yomo thomba nya yingi, aholu tshatshazelo wa va nya guvivbedwa khu myonyo khu sikhunguvanyiso.

Mavingu 2:21

Kholu vathu va lulamidego, va na vbaha mafuni momu, ni vale va vbeledego, va na khala umo;

Mavingu 21:20

Thomba ni mafura nya lisima sa gu manega nyumbani ga muthu nya mapimo, aholu gipumbu gya gu mwaladzela satshavbo gi gu naso.

Mavingu 26:27

Uye a kembago liphala, a na thegela umo, ni uye a rindrividzelago giwindri, a na thegedwa khigyo.

Mavingu 28:18

Muthu a gimbilago khu ndzila nya gululame, a na vbuluga, aholu uye a gimbilago khu ndzila nya guwegele, a na thega khu githugedza.

Muhevbudzi 10:8

Uye a kembago liphala a na thegela umomo; ni uwe u khungumulago ndzari u na hodzwa khu nyoga.

Matewu 6:33

Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa.

Vagalatiya 2:4

Ambari va nga dugelela vambe vbakari gwathu, va nga hi pfhadza khavo vakhodwa; vathu vovo va bede tsawani gwathu khu gufela guta sola mavbanyelo nya gutshulege hi gu nawo khu ga Kristo, gasi va mane ndzila nya gu hi yise nyaluphye wugumbini.

Vahebheru 6:12

Kha hi vbweti gukhethu mu khale migara, aholu khalani vale va khodwego, muri ni gutimisela, gasi mu fela gu hakha esi mu tumbisidwego khu Nungungulu.

1 Pedro 3:9

Mu nga bweledzeli guvivba khu guvivba, ambari guvala khu guvala. Aholu kategisani kholu mu ranedwe guta hakha gikategiso.

Gutuledwa 2:14

Aholu, u na ni nandru; kholu u navo vbakari gwago valandreli nya nayo wa Bhalahama wu nga hevbudzwago khu Bhalahaki, gasi gu tshunganedzisa sanana sa Israyeli, si hodza nyama nya sirengo nya guphasedwe sithombe nya vanungungulu nya malipha, ni gu gira wuphuphulu.

1 Samuweli 26:19

Gasi olu, uwe mufumeli mune wangu, nyi ngu gu lomba u yingise magana ya githumi gyago; a gu bani nari Pfhumu a gu kutsedzelago gu dwana ni eni, Uye a na dzumele nyi mu girela ningelo nya phaso nya guhodza; aholu a gu bani nari vathu, va na vadwe mbeli ga Pfhumu Nungungulu; kholu avo muhuno va nyi tutumiside gasi eni nyi si hakhi gipandre nya thomba ya Pfhumu Nungungulu, va nyi embela, khavo: Indra uya thumela vambe vanungungulu.