Mavingu 28:1 - Bhibhiliya Nya Guage

¹ Sighohi sa gu thava ambari sa gumba tutumiswa khu muthu, aholu, avo va lulamidego va gu tiya nga nghala.

Mavingu 28:1 Iomraidhean Croise

1 Dzipfhumu 1:49

Na va pwide isoso, vatshavbo va nga bani va rambidwe khu Adhoniya va di tala khu hwanga va phalalega.

2 Dzipfhumu 7:15

Va di khuga va landra kala tsongoni wa Joridhani, ndzilani va di wona na gu mbambamede myendra ni simbe sombo si nga dzudzugedwago khu Vaasiriya, gikhati va nga bani va tutuma; Khavbo avbo, va di resa myango vata tivisa mufumeli.

Nehemiya 6:11

Nyi di mu embela, kheni: “Ina muthu nya nga eni, a na kodza gututuma, gani? Gambe, khu mani nya nga eni, a kodzago gu bela wulanga nya guage a duga na guvbanya? Eni gima kha nyi na gira silo nya nga isoso!”

Joba 15:21

Gikhati gyatshavbo dzindzeveni gwaye, gupwala malito nya guthise; ambari gikhatini nya gurule, uye a gu dhumedwa khu vaphangi.

Dzindzimo 112:7

Uye kha na thava mahungu nya guvivbe, kholu monyo waye wu tiyide wu ngu tumba Pfhumu Nungungulu.

Dzindzimo 53:5

Va ngu tala khu hwanga nya wukhongolo, avbo gu gumwalo ni gilo nya guthavise; kholu Nungungulu a ngu phalalegisa marambo ya wule a gu randrelago; uwe u na va thela dzitshoni, kholu Nungungulu a va digide.

Dzindzimo 53:6

Nari gupwani khu Siyoni gu ngu duga guvbanyiswa ga Israyeli! Gikhati Nungungulu a na wuyisago makategwa ya vathu vaye, va na Jakobe va na womba mikulungwane, ni Israyeli a na nengela ngudzu.

Ekisodha 11:8

Khavbo avbo, sithumi sago satshavbo si na relela si ta gwangu si ta nyi khidzimela, khiso: “Duga uwe ni vathu vago vatshavbo u va thangelago. Hwane nya ugo, nyi na duga.” Khavbo avbo, Mosi a di duga khu ga Faro na garadzegide ngudzu.

Mavingu 10:9

Uye a lulamidego a gu gimbila na tiyide, aholu uye a gimbilago khu dzindzila nya guwegele, a na tugudwa.

Mavingu 27:27

Dziphongo dzi na gu ninga mahwe nya mangi, u hodza u khura, u hodzisa ndranga yago, bwelo khavbo u hodzisa sithumi sago nya vanyamayi.

Isaya 30:17

Likhumi mazana (1.000) vama nya lihundzu lanu va na tutuma khu gu thava muthu moyo basi; enu mwatshavbo mu na tutumani mbeli mu lundrwa livbandre vathu va vbakari ya valala vanu, kala mu ya manegani kha nga ningwati wu guromo vbatshani nya gigomo, ni ngavbya yi guromo vbagigomwanatunu.

Isaya 7:2

Khu guralo, ndranga ya Dhavhidhe yi di tiviswa gupwani: “Siriya hungide pwanano ni va na Efrayimi.” Khavbo avbo, monyo wa Akazi, wu di ndrendremela gumogo ni vathu vaye, gu fanana ni misimbo ya khabini ya gu bani yi kutsungwa khu phuvbo.

Jeremiya 20:4

Kholu Pfhumu Nungungulu a ngu ganela kharati, khuye: Wona nya gukhuwe nyi na gu gira gighevenga, u dzi thusedzela wabune ni gu thusedzela dzipari dzago; avo va na songwa khu matshari khu valala vawe nu gu va wona, va na Judha vatshavbo va na thegela mandzani ga mufumeli wa Bhabhiloni; uye a na va vbagela vayiswa wugumbini tigoni ga Bhabhiloni aya va sasela khu matshari.

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Levhi 26:36

Gasi vale va na gu vbulugago, Eni nyi na va thela hwanga wu na tadzago myonyo yawe, mayigoni ga valala vawe, avbo va na pwago gya gu tshagari, va na thava gukhwatshi va gu wona litshari; va na thega nyamba lundrwa khu muthu.

Mithumo 14:3

Aholu Pawulo ni Bharinabha va di khala dhoropani mule matshigu nya mangi, na va gu tumba Pfhumu, a nga bani a gu tadzisela tshumayelo yawe khu siwonegiso ni siliwugiso si nga bani si girega khu mandza yawe.

Mithumo 4:13

Va di liwuga khu gu wona gutiya ga Pedro ni Johane, va tidwago gupwani vathu nyambana sihevbulo, gambe va di si dugeli dzindrangani nya guwonegele va di gu vati khu lisine khavo vapizane va Jesu.

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.

Dhewuteronome 28:7

Pfhumu Nungungulu a na gu ninga tshivba nya gupale valala vago va na gu wugelago; va nata khu ndzila mweyo gasi guta dwana nago, aholu va na phalalega va thava khu livbandre na dzimbili dzindzila.

1 Vatesalonika 2:2

Ambari hi nga hegula khu gu saniseka, hi vadwa tigoni ga Filipi, kha nga mu dzitigo, Nungungulu wathu a di hi ninga gutiya ni tshivba nya guhongole hiya ganela Mahungu nya Yadi tigoni gwanu, vbakari nya sigaradzo nya singi.