Mavingu 27:23 - Bhibhiliya Nya Guage

²³ Dzi garadze khu gu vbweta guti makhalelo nya dzinvuta dzago sayisa gwadi mitshambi yago,

Mavingu 27:23 Iomraidhean Croise

Genesi 33:13

Jakobe a di hakha, khuye: “Uwe pfhumu yangu u ngu dziti gwadi gukhuwe sanana si si gu tiyeli gwadi ni gu avba nyi na ni dzinvuta ni dzimombe dzi nga gu mamago, satshavbo sa gu lumba gu sayiswa khu eni. Ha gu si gimbidzisa khu tshivba, ambari nari litshigu limwedo basi, sifuyo nya si dugwana si nafa.

2 Dzikoronika 26:10

Giride gambe madingo giwulani, a kemba milambo nya yingi; kholu a diri ni mitshambi nya yingi, mikovani ni vbavbandze a diri ni valimi, ni vathu nya vangi va nga bani va thuma marembweni nya miuvha, sigomoni ni mahangeni nya gunone; kholu a di gu tsakela wulimi.

Ekisodha 7:23

Aholu, Faro a di thendregedza a va pfhurarela a gu bela nyumbani gwaye; nyamba thela kota khiso.

Mavingu 24:27

Phela khu gu lulamedza mithumo yago ya vbavbandze, u sayisa mahange yago, khavbo u na wumbago lipango.

Mavingu 24:32

Avbo nyi nga si wonago nyi di ema nyi pimisa, khavbo avbo nyi di mana gihevbulo.

Jeremiya 31:10

Enu mayigo, yingisani magana ya Pfhumu Nungungulu, ma pwadzeni ga mayigo ya sidwani ga hwindzo, mu ganela, khenu: Wule a phalalegisidego vathu va Israyeli, a na va tombanisa ni gu va hetedza, kha nga muhavisi a tshanganisago tshambi waye.

Ezekiyeli 34:12

Kha nga muhavisi a wuyisago dzinvuta dzaye, litshiguni a manago idzo dzi dzimedego, kharato eni neni nyi na vbweta dzinvuta dzangu. Nyi na dzi wuyisa khu malangani yatshavbo dzi phalalegedego umo khu litshigu nya mazuvi ni gidema.

Ezekiyeli 34:31

Khu guralo, enu dzinvuta dzangu, dzinvuta nya wuhaviselo wangu; enu mu vathu, aholu eni kheni Nungungulu wanu,” a ngu ganela Mune Pfhumu Nungungulu.

Johane 10:3

khuye a tuledwago lidimba khu ghadhi gasi a bele. Dzinvuta dzi nguti lito laye. Uye a gu dzi rana khu malina yawe gikhati a dzi dusago khu phandroni, gasi guya dzi havisa.

Dhewuteronome 32:46

a di va embela, khuye: Vegedzani myonyoni gwanu magana yatshavbo yaya nyi mi fakazelago muhuno; mu na leletelani sanana sanu gasi si dzi wonele khu gu vegedza magana yatshavbo nya Nayo yoyu.

1 Pedro 5:2

Havisani gwadi tshambi wa Nungungulu wu guromo vbakari gwanu; wu sayiseni na mu tshulegide myonyo kha nga idzo a dzinago khidzo Nungungulu; nasiri khu gugurumedzwa. Mu nga thumeli gu hakha dzitsapawu. Aholu thumani khu gudzina gwanu.

1 Samuweli 17:28

Gikhati Eliyabhi, koma waye, a mu pwidego na gu ganela ni masotshwa, a di goroga ngudzu a mu wudzisa, khuye: “Khu ginani u vbohidego avba? Dzinvuta dzile nya dzidugwane u dzi tshiyedzide mani giwulani? Nyi ngu yiti mipimiso yago ni guvivba nya monyo wago; u tede guta wona nyimbi basi.”